Jeremaia 50:15 - Godigo dwagi yai po buku

¹⁵ Te dagego agai bomai bagulali obo aluali sogo, te agai ma hwįabo hagela ebaso, te dagego aga somainogo gogola tagalali, tialima, dagego te tigidali pedai habuba genuai dagą olama, i waiyąo. Tialima, megi da, dagego aga mu dolao, te agai gasa hani dabe dolali tiwai yao. Dagego agabolo te dwai dene mabo sę umagia mu ilao, magi baso meni, te kolesagade ena Genuai Bidi, eno agabolo te dwai dene mabo sę ilibo dao.

Jeremaia 50:15 Referans Kwoze

Jeremaia 51:58

Ena Genuai Bidi, eno tigidali bomo elalubao, eno obao, te boi bidi dabe augwaligo te Babilon bagulali obo tai nidigi pali alulama, te deli me elalugobeo. Tama augwaligo te taun tomoba piduali genuai bobobage sunumi isigo ulaibao. E tiwai dao. Tigidali hani we bidigo odolali sę dene yali. Te augwaligo nigali nai tigidali te isigo daibao,” te po wai dao.

Kraisgo Geme Dualali Sę Pedelabo Po Jonbolo Ola Mani 18:6

Dagego te penani wego yali kolesaga tiwai koneyu, tama dagego te kolesaga ebo usu nama aga dali wei sao. Te agai dage dali yali dwai kolesaga dali gasa me dali ugwadu daganama agabolo ma mao. Te wego dagebolo dene dali sęgę si mani, te bidigo bomo yai ąį si te kap deli tomode taluama tama gasa bidibolo mabo tiwai yai. Tama te kapde po digi po begelama, tama dagego te bomo mu yai ąįgo te wego kap pągąnama tama aga tumainao. Tama tiyu, tama agai dagebolo mani dene dali sęgę dali agabolo ma mao.

Jeremaia 51:6

Dage Israel me Juda, dage te Babilon tagalama, wi pao. Dage deli deli te wi pobaso da, te dage dologobeo, dage bugagia bidaibao. Tiyu, dage te kantri Babilon dali dolabuo, magi baso meni, megi da, Genuai Bidigo te Babilon aga yali dwai kolesagade dwai dene mabo wei ponobo sogo dao.

Jeremaia 46:10

Isipgo te tama po wai, tialima, te hwįbo sę te Godigo sę tama, te Tigidali Bomo Elalubo Genuai Bidi dao. Te sogo aga boi bidi dabeba dwai dene wei ponaibao. Te bomai boi mu hwįnama, te bidi dabe isila paibao. Te bainat hwągo nasi mu ebaso, te bidi dabe tigi tuyu, te kaneme tueibao, tama te bainat mu pągąna paibao. God, Genuai Bidi Tigidali Bomo Elalubo dao, te hani dabe elama, te aga te wę Yufretis badu pąde te ofa ebo tiwai yaibao, te not badu dao.

Te We Bidi Dabego Jerusalem Hagede Gela Wali 5:6

Da nai mu sǫą palio. Tama tibaso, dago te Isip dabebolo me Asiria dabebolo da tau somainu hanalu walio.

Jeremaia 51:44

Eno te Babilongo tibo god, te Belba dwai dene mabo sę eyu, te eno agai te dalali nai dabe bugulabo sę ilaibao. Tama te tǫ kantri we bidi augwali agaba me asogobeo. Tama te Babilon bagulali genuai obo te tigidali pepeda paibao,” te po wai dao.

Jeremaia 51:14

Tigidali Bomo Elalubo Genuai Bidi aga nogide digi mu po weyu, te sę yaibao po wali. Agai e tiwai po wali, “Babilon, te eno genuai hani bidi odasa asu, nageba hwįagaselama, te nage aiyaba elalueibao. Te augwaligo nago tǫ pągąna sagasaibao, te genuai kuli mano hanigo ebo tiwai yaibao. Te augwaligo nage aiyaba elalubo si da, teda augwali wiegi yai pemene elama, te bomonama i waibao,” te po wali.

Jeremaia 51:11

Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Tuni Bidi Dabego Po Elalubo Buku Si 30:8

Dagego duga wąį dabego yali dwai kolesaga tiwai ma igio. Menio. Dagego duga digi duga Genuai Bidibolo maiąo. Tama dage Jerusalemba pelama, tama Genuai Bidi dago God agaba lotu wagi piąo. Te aga digi aga tempel be tigidali sogo elalua paiba wali, te bede. Dagego te tama tiyu da, teda agai dage dali sębę me egobeo.

Tuni Bidi Dabego Po Elalubo Buku Deli 29:24

Tama me te gavman ofisa bidi tigidaligo me, te bomai ami dabe dali me, te Devitgo ogwa tigidaligo me te king Solomon dologoba peyu, tede bidai dao.

Kraisgo Geme Dualali Sę Pedelabo Po Jonbolo Ola Mani 19:2

Magi baso meni, te po tų ebode God agai te mu po naga wali peyu, doloba pai kolesaga te po tų ebode ebo dao. Te genuai penani we agai te tǫde we bidi agai te penani ebo kolesagago mu dolai dao. Tibaso, Godigo aga dali po tų elama, tama dwai dene wei agabolo ponai dao. Te we agai Godigo sę bidi dabe augwali ela mubaso, tama Godigo agai te dwai sę ebo wei ponoyu, te penani we aga dene mawai dao,” augwaligo te po wai.

Kraisgo Geme Dualali Sę Pedelabo Po Jonbolo Ola Mani 16:6

Te dwai sę ebo bidi dabe augwaligo te nago po odobo we bidi augwali dali, te nago po pusubo bidi dabe dali ela muyu, tama augwaligo kaneme gea sąwai dao. Tama nago te dwai bidi dabe augwalibolo kaneme mayu, tama augwa te kaneme tumainao. Augwaligo augwa te dwai sę yalide dolo mu te dene sabo dao,” te po te ąį tonalubo ensel bidigo wai.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Polgo Po Pas Rom Dabeba Asęani 3:5

Te bidi dabe mebago e tǫde bidigo homu kolesaga wali peyu augwaligo e po obao, “Magi yaliwe? Te dago dwai kolesaga ebogo te Godigo doloba pai kolesaga hanilibaso da, teda Godigo te dago yali dwai sęde dene wei ponobo, tama agai te tama tebo kolesaga te dolo ebo menio.”

Dwagi Yai Gesi Po Lukgo Asęani 21:22

Te sogode te Godigo te Juda we bidigo yali dwai sę wei ponabo sogo dao. Tama te side te Godigo bukude asęani po tigidali te nai igibilama walaibao.

Matyu 7:2

Te dagego gasa we bidigo ebo kolesaga osola sulama, tama augwali sęgę mabo tiwai gilama tama God agai dagego ebo kolesaga me osola sulama, tama dagebolo sęgę mawaibao. Dagego augwali usu sali usu nigo naga te Godigo dage me usu saibao.

Nahum 1:2

Genuai Bidi naga te God dao, te agai te gasa god aga tiwai pedalumainu me egobeo. Te agai po sela sąbo bidi dabe agai koneanio. Genuai Bidigo te haliga sębę augwaliba eyu, te dwai dene augwaliba mu mabo dao.

Esekiel 21:22

Tialima, kingo te dolo nogo badu sali enego, te taun Jerusalem dąį eyu, nogo tų ilaibao, tama agai te tiwai koneyu, augwaligo te Jerusalem taunba boi hwįgi paiba homu yaibao. Tama augwali te Jerusalemba dolo pelama, te taun bagulali sunumi aluabo masin dabe nigilama, augwali peyu, te we bidi dabe elainu yaibao. Te masin nigali simanobo si da, teda te ami dabego i hae bomonama weyu, te taun sunumi alumainu te masin pogolobo sę yaibao. Augwaligo te obode tǫ du holama, te Jerusalem bagulama, te moni hanude bidibo bage dali haniani hwįbo kolesaga yaibao,” wali.

Esekiel 17:18

Te Juda kingo te eno nogi weyu, te Babilon kingba nogo mayu elama, tama agai po dąų walali. Tama agai te Babilon king dali dąų walali po, te bomai po bolaligo te aga dene saibao. Tialima, aga bugagia bidabo usu meni yaibao,” te po wali.

Jeremaia 51:64

Tialima, Genuai Bidigo po nago e tiwai po pusao, ‘Babilon da, te e buku tulaluali tiwai yai elama, te aga ugwaba ma pedalugobeo, magi baso meni, ena Genuai Bidi, eno aga dwagila mu dolaibao. Te Babilon we bidi augwali mu tulaluaibao,’ nago te po wao,” Jeremaiago te po Seraiabolo wali. Te Jeremaiago po eba silagasobao.

Jeremaia 51:36

Tialima, Genuai Bidigo te tiwai po wai, “Jerusalem, odao. Mu tama, te eno nage tau selama, te Babilon dabego nageba yali dwai sę dabe wei ponaibao. Eno te Babilonde elalubo wę tigidali sula somainogo yaibao.

Jeremaia 51:25

“Babilon, nago bomo te genuai bulu du tiwai elalubao, nago te tigidali tǫ pedai badu dolobo sę yali. Tialima, mu tama, ena Genuai Bidigo, eno nageba boi bidi eyu, te eno nogo dili bomo selama, te nage tola selama, nage te tǫba sąnama, te isigo nage mu dela silaibao.

Jeremaia 50:14

Genuai Bidigo te Babilongo boi bidi dabeba e tiwai po wali, “Dage te enesigigo ene enebo mu konea pai hani dabe, dagego te genuai taun Babilon bagulama, te lain wasilama, boi hwįao. Dagego enesigi umagia kekelama, te ene hauwa agaba enao. Dagego te taunba umabo sę mu yao, magi baso meni, te Babilon dabego ena Genuai Bidiba dwai sę ebo dao.

Aisaia 63:4

Eno te ena sainu sa muani we bidi dabe sabo sogo pedelalio, tama tiyu, megi sogo te eno augwaligo boi bidi dabeba dene mabo sogo dao.

Aisaia 61:2

Agai ena tagala palu, te tama po pusao wali, te dago Genuai Bidi, Godigo sę yabo sogo pedelalio, te aga we bidiba wiegi yai sę bugagia ilama, te boi bidi dabeba dwai dene mawaibao, wai. Te agai ena tagala palali, te homu dene eyu, gela wabo we bidi dabego haliga dąų walomainu tagala palai dao.

Aisaia 59:17

Agai te doloba pai kolesaga te kapa holobo ugwa mubo tiwai eyu, te aga hagawiade mesega sabo tiwai yali. Te aga te we bidi ma sabo bomo te hwįbo madi kapa tiwai muani. Te aga ugwa gudubo tiwai bomonama dąų ola selama, te dwai sę ebo bidi dabeba dene mawainu tiaibao. Te aga haliga sębę ebo te bobobage ugwa aiyaba tagalalubo tiwai yaibao.

Godigo Nogi Ugwaba Sabo Tęąbi Po Wabo Buku Dabe 149:7

Tama augwa te gasa hani dabe dali hwįnama, tama augwaliba te dwai dene mu mayu, te augwali aiyaba elalumainao.

Godigo Nogi Ugwaba Sabo Tęąbi Po Wabo Buku Dabe 94:1

Genuai Bidi, nage da te dwai sę ebo we bidi augwaliba wei ponobo God dao. Megi nago sębę ebo augwaligo sumainogo waselao.

1 Samuel 15:33

Tiali goli, Samuelgo te po wai, “Nago bidi hauwa elali, tama megi da, te bidi dabe augwa ida dabego wai meni. Tama tiyu, megi te nago ida me, te ida dabe tiwai gilama pedelaibao,” wali. Tama agai po olama, augwaligo te Agak ela munama, tama aga dwasianu dwasianu te Genuai Bidigo gedude te Gilgal alta pąde te dwasianu tologalio.

Josua 6:20

Tialima, te pris dabego te bu wabo nai biugel bu wai. Tama te we bidi augwaligo odobo sogo, deli sogo mu tigidaligo te genuai i wabo sogode tama te hanu bagulali obo dabe te gisigasa dulali. Tama tiai digi, nosali te we bidi tigidali te tomoba pelama, tama augwaligo te hanu sai dao.

Josua 6:5

Te augwaligo te biugel bu wabo te bobobage mu kegasa pabo sogo da, teda dage tigidaligo te i olama, po daga genuai mu wao, tama te po obadi, te hanu bagulali moni masigigo nigali obo masigi te pepeda paibao. Tama tigidali bidi te hanu tomoba dolo pomainao,” wali.

Bomai Po 32:43

“Te gasa bulu we bidi, dagego Godigo we bidi dali wiegi yai homu pemene eyu yao. Godigo agai we bidi elama silibo we bidi dolabo dao. Tiali goli, aga we bidigo tǫ agai gedude egesi noma yai mu ilibo dao.”

Bomai Po 32:41

te eno bidi dabego kolesaga osola suaibao. Tama eno moni ge hwą dulama, tama aga mu poa pelama, tama ula mu yaibao, tama eno te hwą selama, tama eno ena boi bidi dabe ela muaibao, tama ena godolo isąma ebo bidi me ela muyu yaibao. Tama eno te bidi dabego ena dali hwįainu ebo bidi enaibao, tama augwaligo kaneme te enesigigo eneba geasa dulaibao. Tama tialima, bidi meba te boide isisąma ebaso da, teda eno augwali me ela muaibao,’ Genuai Bidigo te po wali.”

Bomai Po 32:35

Te dwai sę yali wei ponobo kolesaga te eno sę dao. Ena digi te eno dwai dene wei augwalibolo ponaibao. Te mani bodolude augwali tuloluaibao. Pęwadage sogo mu augwali tolaluama, tama augwali sese mu dola silaibao,’ Genuai Bidigo te po wali.”

Jeremaia 50:25

Genuai Bidigo Babilonde haliga sębę elama, te agai hwįbo nai mubo be te agai sunumi dalama, te boi hwįbo nai doado bage sali. Magi baso meni, God, Tigidali Bomo Elalubo Genuai Bidi, agai te genuai sę me deli te Babilonde yabo elalubao.

Jeremaia 50:44

“Te polo tama naga, te eno Babilon dabe augwa tǫde sela sąyu, te laingo sipsip dabede ebo tiwai yaibao. Laion aga te wę Jordan busi tomode bidali tagalama, te sipsip dabe nosai tubo pesageba polo mu pelama, pobeasa bilibo tiwai yaibao. Tama eno te tǫ tonaluabo bidi me deli nigilaibao. Eno te tama tebo sogo, mena bidigo ena dali konila po waibawe? Te dego eno bomo tiwai elalubawe? Te mena tobolu bidigo ena dali boi bidi yaibawe?

Jeremaia 51:24

“Tialima, ena Genuai Bidi, eno te Babilon dabe augwaliba dwai dene mawaibao po obao, te augwaligo Saionba dwai kolesaga tigidali yali wei ponaibao. Te dage Israel me Juda, te eno ebo sę dagego suagameo,” te po wai.

Jeremaia 51:30

Te Babilon ami dabe augwaligo te boi hwįbo tagalama, te hwįbo bomai be tomode bidibao. Tama augwali te we dabe sibi tiwai pedelama, te augwaligo bomo menia sai. Te boi bidi augwaligo te Babilon be dabe isigo ulama, te aga bomai sunumi dabe elaluali, te aluama besela sai dao.

Aisaia 59:18

Te agai haliga sębęde, te aga boi bidi dabeba dwai dene mayu, te augwa yali dwai sę dolo usu wei ponaibao. Te agai te pąde elalubo bulu tǫ kantri we bidi dabeba, me te digibulu tǫ kantri dabe, te dwai dene mabo sę mu yaibao wai dao.