Jeremaia 50:13 - Godigo dwagi yai po buku

¹³ Ena Genuai Bidi, eno dageba haliga sębę umagi mu elama, eno te tiwai sę ilibaso, te dagego tǫ kantri dolama, tede bidi me bidigobeo. Te gasa hani bidi dabe teba pedalubo sogo, te augwaligo dage Babilonba pedelali dwai sę sulama, te augwali midigi dwai mu elama, nogo hogwayu, te wi umagi mu yaibao,” te po wali.

Jeremaia 50:13 Referans Kwoze

Jeremaia 18:16

Tialima, te augwa tǫ dolama, te olo pesage bulu tiwai pedelaibao. Tama te gasa hani we bidi te badu asobo sogo, augwa sulama, dwai midigi siyu, te wi umagi ebo dao.

Jeremaia 49:17

Genuai Bidigo te tiwai po wai, “Idom dolama, te bidi dabe wi ilibo nai pedelama, elalueibao. Te gasa hani we bidi dabe te badu aselabo sogo, te augwa Idom sulama, te augwa midigi dwai mu selama, nogo hogwayu, te wi umagi mu yaibao.

Sekaraia 1:15

Polobadu ena we bidi dali sębę dwasianu yai dao, tama gasa hani bidi dabebolo augwali dene magasao po wai dao. Tialima augwali aselama, tama augwaligo eno we bidi dwasianu gana me dolobeo. Menio. Augwaligo te magi edelama, tama augwali mu tama mu dolama tagalalio. Tama tede megi te kantri dabe augwali bugagia bidiyu augwali sęgę meni yai goli, eno augwali dali sębę dwai mu ebao.

Sefanaia 2:15

Te Ninive dabe augwaligo homugo augwali bomai bage dao homu elama, tama augwaligo homu augwali bidi dabego me dologobeo homu ebao. Tama tiyu, augwali wiegi yai homu pemene ebao. Tama augwaligo homugo augwaligo taun te hasia polalubo taun dao homu ebao, te tigidali kantri tomode. Tiali goli, mu menio. Te dwai nai dabe te Ninivede pedelaibao. Tama te bulu dolama, tama elaluaibao. Tama te bulu te bulu hasa dabego bulu gagawaibao. Te bidi dabe sese augwali te pąba pabo bage augwaligo posobo po weyu, eda ma kila siyu yaibao.

Jeremaia 51:37

Eno te Babilon dolama, te masigi du holali pesage naga elalueibao. Te uni yowi dabego bulu pesage dabe naga elalueibao, te bidi tede meni yaibao. Te gasa hani bidi dabego subo sogo da, te augwali dwai noma mu selama, te wi umabo mu yaibao. Augwaligo te Babilonba kęnę po waibao.

Jeremaia 25:12

“Te bidi sese sela olama, nogo si kibu be, te 70 yia silibo si da, teda ena Genuai Bidi, te eno te Babilon kingba me te aga we bidi dabe dwai dene mawaibao, te augwaligo yali dwai kolesaga wei ponaibao. Tama eno te Babilon tǫ kantri dolaibao, te tǫ Kaldia dao, tama te Babilon tǫ sesemane olo mu elalua paibao.

Jeremaia 19:8

Tama te Jerusalem dolaibao, te gasa badu bidi hani dabe teba asiyu subo sogo, te augwa te dwai sę Jerusalemde pedelali sulama, te augwa dwai midigi mu selama, nogo hogwayu, te wi umabo mu yaibao.

Jopgo Po Asęani Elalubo Buku 27:23

Tiali goli, augwaligo te waligo bomo sela sągobeo. Waligo augwali gisugu mabo tiwai elama, tama augwali sela sąwaibao,” Jopgo te po wai.

Bomai Po 29:22

“Nosali duga wai nosali pedalobo, me gasa bulu bidi hani augwaligo te dwai sę yali dabe, me te sęgę dabe te Godigo dagego kantride yali suaibao.

Jeremaia 34:22

tialima, ena Genuai Bidi, te eno po obaso, te augwali ma aselama, te Jerusalemba hwįnama, te taun saibao. Tama augwaligo te taun siago ulaibao. Tama eno te Juda taun tigidali dolama, tama te taun dabe olo elalu, tama bidi tede me bidigobe dao,” wali.

Jeremaia 50:3

Babilon dolaibao, magi baso meni, bidi hani me deli te not badu pedai tagalama, te Babilonba hwįagasu asaibao. Te boi bidi dabego te Babilon mu dolama, te olo bulu pesage pedelai elalueibao, tama tede bidi me bidigobeo. Tigidali bidi me hasa te Babilon tagalama, te wi paibao.

Jeremaia 51:26

Te bidigo selama, aga be sę yabo wiegi yai masigi usu, te nago bulu pesagede deli me elalugobeo. Menio. Te nage mu dolama, te nage tama tiwai sesemane me elaludaibao,” wali.

Jeremaia 51:29

Genuai Bidigo te Babilon dolabo po mia selama, te olo tǫ bulu pesage elalueibao, tama tede bidi me bidigobeo. Genuai Bidigo te sę ebaso, te tǫ mali umagi mu yaibao.

Jeremaia 51:62

“Tama nago e tiwai gedu haluasa po wao, ‘Genuai Bidio, nago te po wai dao, nago te tǫ kantri dolama, te bidi me deli, ma te hasa me bidigobeo. Te sesemane sogo te bulu olo elaludaibao, nago te po wali,’ tama wao.

Esekiel 27:36

Nage dwagila mu dolali, tama nage te tǫde mu ma bidigobeo. Tama nage te tigidali mone sabo bisnis sę ebo te tigidali tǫ pedaide bidibo bidigo nage sulama, te augwali wi mu eyu, tama augwaligo te homu yaibao, “Tiyu, te tiwai sę daba me pedalidali,” homu yaibao,’ augwaligo te balia po waibao.”