Jeremaia 50:12 - Godigo dwagi yai po buku

¹² Tialima, dage Babilongo tǫ kantri te hale dwai mu elama, te aga genuai nogi elaluali mu tulalueibao. Te aga tǫ kantri dwai mu elalu, te gasa hani we bidi tigidali tomode nogi elalugobeo. Te tǫ wa pai bulu pesage te olo bulu pesage elalueibao.

Jeremaia 50:12 Referans Kwoze

Jeremaia 51:43

Te agai taun dabe tigidali mu dolama, te bulu tǫ kantri olo masigi kemi bulu pesage tiwai pedelaibao. Tama bidi me bidalugobeo, tama bidi augwali tede munu me biligobeo.

Kraisgo Geme Dualali Sę Pedelabo Po Jonbolo Ola Mani 17:5

Tama aga te dwai sę yali nogi aga gebode asęai elaluai. Te nogide te geme dualali page elaluali, tama te nogi aga digi te e dao: “Genuai hanu Babilon, te tigidali penani we dabego ida mu, tama te tigidali tǫde elalubo dwai dwai meda yai kolesaga augwaligo ida me dao,” te po te penani wego gebode asęani, te eno suali.

Galesia 4:26

Ao, tiali goli megi eno te gesi hanu me Jerusalem tede po digi po begelama obao, te hanu aga dagalude megi tonalubo dao. Te gesi hanu Jerusalem te gasa we dao, te we nogi Sara dao. Aga te olo sę ebo we menio. Tama da te Godigo mani gesi kontrak po dologode olo bugagia bidibo, tama te we Sara aga te dago ida tiwai bidibo dao.

Jeremaia 49:2

Ena Genuai Bidi, eno te po obao, mu tama eno bodolu muani sogo me deli elalubao, tama te sogo eno te boi bidi dabego te taun Raba teba hwįgi pomainogo tagala palaibao, te kantri Amongo genuai taun dao. Augwaligo te taun dolama, te olo pobele bage du holali tiwai elalueibao. Te boi bidi dabego te genuai taun pąde elalubo bulu dabe siago ulaibao. Tama nosali, te Israel dabego te Amon dabego sali tǫ ma saibao. Te Genuai Bidi, eno po dao.”

Jeremaia 25:26

tama tetigidali not badu bidibo tǫ kantri king dabeba me mobadiyaibao, te augwali digibulu bidibo, ma te pąde bidibome, te tagalao. Eno te tigidali king te tigidali tǫ kantribamenama, te augwali tumainogo yaibao. Tama nosali, te Babilon kingo me tumainogo yaibao.

Jeremaia 25:12

“Te bidi sese sela olama, nogo si kibu be, te 70 yia silibo si da, teda ena Genuai Bidi, te eno te Babilon kingba me te aga we bidi dabe dwai dene mawaibao, te augwaligo yali dwai kolesaga wei ponaibao. Tama eno te Babilon tǫ kantri dolaibao, te tǫ Kaldia dao, tama te Babilon tǫ sesemane olo mu elalua paibao.

Aisaia 23:13

Te Babilon dabego tǫ suiąo, te bidi dabe me tede bidibeo. Magi baso meni. Te Asiria dabego augwaligo bulu dolai dao. Tama augwaligo bulu te bulu hasa dabego bulu gagalai dao. Te Asiria dabego te augwaligo hanu obo bobegelama, sai ela pai dao. Tama augwali te sai dabede dolaluyu, tama augwali dali hwį yai dao. Tama augwaligo te hanu dabego bomai obo dabe hųgiai dao. Tama te hanu dabe sese tama dolai dao.

Aisaia 14:22

Tigidali Bomo Elalubo Genuai Bidigo te po wali, “Ena Genuai Bidi, ena digi te Babilon dabe dali hwįnama, tama eno augwali sese mu dola silaibao. Te eno augwali me deli bidimainu me sula tagalogobeo. Mu menio. Te tigidali we me bidi me, wai dabe me, sese mu tama silaibao.

Jeremaia 12:14

Genuai Bidigo te tama po wali, “Te Israel dabe pąde bidibo hani dabe, augwalide eno po elalubao,” wali, “augwali te dwai kolesaga ebo bidi dabe tiyu, te augwaligo eno we bidi dabeba mani tǫde dwai sę ebao. Odao. Te eno te hani boi bidi dabe te augwa tǫba digi ela gudulaibao. Te Juda dabe augwa tǫde digi te boi bidi dabego tǫ tomode bidibao, tialima eno te Juda dabe me sela sąwaibao.

Jeremaia 15:9

Te we me deligo te wai nogo a naga olama, me badu si te ame nai ogwa elaluali, te tagalao, te ogwa tigidali mu isila silali. Tama te waigo ida te dwai dene mu elama, aga tigi kimi meni yai. Te idago wiegi yai sogo elaluali te dwai polo sogo pedelama, te aga genuai hale salio. Awe, te bubuga tomode te giliga ge polo tama degasa pai dao. Te Juda meba bidalubaso da, te eno boi bidigo augwali ela muagasomainu ilaibao. Ena Genuai Bidi, eno te po wai dao,” wali.

Jeremaia 22:6

“Ena Genuai Bidi, eno te Juda kingo bede po elalubao. Be, eno suali, te wiegi yai mu yai, te distrik Gileat me te bulu du pesage Lebanon tiwai elalubao. Tiali goli, eno nage te olo tǫ pedalubo tiwai yaibao, te tǫ wa pai pesage, me te bidi mu meni yai taun tiwai elalueibao.

Jeremaia 51:47

Magi baso meni. Eno bodolu muani sogo me deli elalubao, tama te sogoba pedalubo si da, eno te tǫ kantri Babilongo tibo god piksa dabego elalubo nogi dolaibao. Te tǫ kantri Babilon hale dwai mu yaibao. Te boi bidi dabego te Babilon bidi hauwa ela munama, augwaligo tigi te Babilon bulu tǫde munalua paibao.