Jeremaia 5:29 - Godigo dwagi yai po buku

²⁹ “Ena Genuai Bidi, eno dolo yai po obao. Mu tamao, eno te bidi dabeba dwai dene mabo sę yaibao, te augwa ebo kolesaga wei ponoyu, tama tiaibao.

Jeremaia 5:29 Referans Kwoze

Jeremaia 5:9

Ena Genuai Bidi, eno dolo po obao, mu tama eno te we bidi dabeba dwai dene mawaibao, augwa te yali dwai kolesaga wei ponoyu tiaibao,” wali.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

Jeremaia 9:9

Mu tamao, eno te we bidiba dwai dene mawaibao, augwa te yali dwai sę wei ponaibao. Ena Genuai Bidi, eno te po wai dao.”

Aisaia 57:6

Tama tede dagego te masigi dabe selama, te augwa god tiwai pedelali. Te augwali te masigi dabe duga god tiwai naga elama, te dagego ofa eyu, te wain geliyu, te wit ofa me augwaliba yali. Te kolesaga ebo sę dagego elama, te dagego homugo eno hasegelama, dageba homu dene yaibao weyu ebawe? Mu menio.

Aisaia 65:7

Te eno duga yali sęgo sęgę dali, te duga bulai wąį nǫų dabego yali sęgę dali tolomainu yaibao. Te duga bulai wąį nǫų dabe te lotu wabo pesage te bulu du bageba holama, tama augwa te wiegi yai hano denami ilibo ofa eyu, tama augwa te haniani dwai kolesaga ena gedude yali. Tama eno augwa yali dwai sę tigidali usu nama, dolo mu te wei ponaibao,” wali.

Jeremaia 6:6

Tigidali Bomo Elalubo Genuai Bidi, agai te po wai, “Dage ami dabe, te Jerusalem pąde ni dabe togolama, te tǫ dabe dali te bobobage obo pąde pesage holao, te daide dolalu, te taunba hwįagameo. Te taun aga dwai dene umabo somainao, magi baso meni, te taunde we bidi dabego te augwaligo abagi dabe dolobo sę mu ebo dao.