Jeremaia 5:23 - Godigo dwagi yai po buku

²³ Tiali goli, dage we bidi te gasagi yai mu ebao. Dagego enaba hagoma mu eyu, te duga homu kolesaga te mu tomaga sobao. Tama dagego ena tudiba munama, te tedela pabo dao.

Jeremaia 5:23 Referans Kwoze

Jeremaia 6:28

Tialima, eno e tama po wei ponani, “Augwali te hagoma elama, po sela sąbo we bidi, te augwa abagi dabeba posobo po wabo dao. Augwaligo kolesaga tigidali te dwai naga elaluali. Augwali te ain hogomu pobele bage pedalubo tiwai, te sę bidi dabego te silva siaba ulama, usu sabo sogo te hogomu pedalubo tiwai ebo dao.

Hosea 11:7

Sesemane sogo augwaligo bomonama, ena tudiba muani, tialima eno augwaliba te mawainu ebo dwai dene te augwali me geda mugobeo. Te genuai sęgę augwalide elalubaso, te augwali dwai gela waibao. Tama te mena bidi me deligo te sęgę me sela sąwainu ebaso, usu me egobeo,” wai dao.

Godigo Nogi Ugwaba Sabo Tęąbi Po Wabo Buku Dabe 95:10

Eno te hani we bidide dwai haliga iduali, te kibu be bidi sese siba usu nai. Tama tibaso, eno te po wali, augwa hagoma mu yali. Augwaligo te eno wali pabo homu me isiąwai.

Bomai Po 21:18

Tama Mosesgo po geninama weyu, te po wali, “Tialima, te bidi mego te ogwa me deli bidiyu, tama tigidali sogo te aga ida de aya sigo po sela sąduai dao, tama augwaligo aga eliyu iduali goli, tama agai aga ida ayago po me sela sąyu, te wali pisąma eyu ebaso da,

Hibru 3:12

Ama dede dabe, dage bugagia bidao. Tiyu dage tomode ama me deli aga homude dwai sę ebo homu elaluyu, tama aga Godide konealubo po tagaliyu, tama te bidibo ula elalubo God gegeda peyu tudiba muidali weyu, dagego dua dao.

Hosea 4:8

“Te eno we bidi dabego dwai sęgę selama, tama tede te hasa dabe ofa mayu, tama te ofa nai te dagego tubo nai tiwai ebao. Tama tiyu, dagego te tobage ofa nai hauwa somainu eyu, dagego te we bidigo dwai sę umabo emainao homu mu ebao,” wai dao.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Jeremaia 5:5

Tialima, eno te genuai bidi dabe sugi pelama, te augwali dali po miaibao. Augwa te tobage kolesaga me bomo yai po, God, Genuai Bidigo homugo augwa wali peyu, konemainu ebao.’ Eno te homu yali. Tiali goli, te genuai bidi dabe tigidaligo me te Genuai Bidigo po sela sąnama, te agai homu kolesaga wali me pabeo.

Aisaia 31:6

O dage Israel dabe, dagego Genuai Bidigo po sela sąbo dao. Tiali goli, dage mu begelama, tama agaba ma asiąo.

Aisaia 1:5

Magi baso dagego Godigo po me sela sądubawe? Dage tigidali sogo dene sabo hagela meniwe? Israel, nage te bidi me bidi dabego elai bidi tiwai dao, te agai tigi sese mu dolama, bomo mu meni yai. Agai tobolu keni kenigo pągąna pai.

Godigo Nogi Ugwaba Sabo Tęąbi Po Wabo Buku Dabe 78:8

Tiyu, augwali te augwa wąį nǫų dabe tobage tiwai pedelabuo. Te wąį nǫų dabego te hagoma eyu, tama Godigo po sela sąnama, tama augwa konealubo homu agaba dąų mu me wasiąwai, tama augwaligo te agai po sesemane wali me pabeo.

Jeremaia 4:17

Dage Jerusalem dabego ena Genuai Bidide hagoma yali. Tama tibaso, boi bidi dabego te Jerusalem bagua sagaselama, te tonalubo bidi dabego te gi bagua sabo tiwai yagasaibao, te po wali.

Sefanaia 3:1

Jerusalem, hobede ya, nage dolaibao, nago kolesaga Genuai Bidigo gedude dwai damua pai mu yalio. Nagede bidibo we bidi dabe augwaligo agai po sela sąbo dao. Tama augwaligo augwa hasi deli hani dali dwai sę ebo dao.

Bomai Po 31:27

Magi baso meni. Eno koneani, augwali tobolu gagea pelama, po sela sąbo we bidi dao. Megi ena bidibadi, augwaligo Genuai Bidigo po sela sąnama, tama agai bomai po bolobo dao. Tiali goli, ena mu isibo si da, teda tegoba, teda eno homugo te augwaligo dwai kolesaga genuai mu pedalaibao.