Jeremaia 5:12 - Godigo dwagi yai po buku

¹² Te Israel dabego Genuai Bidi tibo wali peyu, augwa te tama po wali, “Genuai Bidigo magi sę me egobeo. Agai te dwai nai daba me tagala palomainu me iligobeo. Te boi bidi dabego me hwįagasisąyu, te genuai nasi me pedalugobe dao,” te po wai.

Jeremaia 5:12 Referans Kwoze

Tuni Bidi Dabego Po Elalubo Buku Si 36:16

Tiali goli te we bidigo te augwaliba tagala palali te bidi dabe posobo po weyu yali, tama augwaligo homugo tiali augwaligo po te olo nai tiwai dao homu yali. Tama augwaligo te profet dabe olo nai gagaliyu yali. Tama tibaso, Genuai Bidigo aga we bidi dabe hagela mu elama, tama augwali dali sębę genuai mu yali. Tama augwaligo agai augwalibolo tagala palainu ebo te dwai sę geda muabo usu egobeo.

1 Samuel 6:9

Tama dagego te karis mena tama pabowe suainu, te bugagia tonaluiąo. Te aga te taun hanu Betsemes tǫ te halobage asali bulu tǫ badu wali pobaso da, teda dagego bugagia koneiąo, te Israel dabego Godigo te dwai sę daba tagala palali da waibao. Tiali goli, karis te tiwai elama pisąbaso da, teda dagego koneama, Godigo te genuai sęgę daba tagala palobeo. Menio. Te sęgę olo naga pedelali wabo dao,” augwaligo te po wai.

Bomai Po 29:19

Dage tigidaligo bugagia mu tonaluiąo, te bidi me eno megi ede pusali te bomai po odali bidigo, te bidi me deligo te po sela sąnama, tama aga bugagia bidaibao homu yaibao. Tiali te bidi mego te po sela sąyani da, teda te tialigo dage sese tama dolomainu yaibao. Te wiegi yai bidi dabe me, te dwai bidi dabe dali si tama dolaibao.

1 Jon 5:10

Tama te konealubo po Godigo Ogwa dali dąų weyu agaba tiąlubo bidi, te bidi agai te Godigo aga Ogwade pusali po aga homude elalubo dao. Te Godigo aga Ogwade wali po, te pode “Mu po dao” wasiąbo bidi, te bidi agai “God aga nogi ili po wabo bidi dao” wai dao. Magi baso meni. Te po, te Godigo aga Ogwade wali pode te bidigo “Te po mu po menio” homu eyu sela sąwai dao.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

Maika 2:11

“Te profet me deli aselama, te tiwai tibo po wagasiyu, ‘Eno te profetgo wabo po tiwai weyu, te dagego wain hauwa elalu, te bomai wę me elalueibao,’ po obaso da, te we bidi dabego te tiwai profet godolo yaibao,” Genuai Bidigo te po wai.

Esekiel 13:6

“Te profet dabe augwaligo ną ebo mu menio, te nai dabe pedelaibao po augwaligo obaso da, te tibo naga waibao. Augwaligo te tama po weyu, ‘Dago te Genuai Bidigo po pusubao,’ wali. Tiali goli, eno augwaliba te po me mabeo. Tialima, magi elama augwaligo te homu eyu, te augwaligo po mu pedalugowe homu yaliwe?”

Jeremaia 28:4

Tama me eno te king Jehoiakin saibao, te Jehoiakimgo ogwa, te gasa Juda dabe te Babilonba kalabus igi pali bage me selama, tama eno augwali ma odasa asaibao. Magi baso meni, eno te Babilon kingo dage mageba muani ni nami pedai togwa sąwaibao. Ena Genuai Bidi, eno te po wai dao,’” te bidi Hananiago te po wali.

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Jeremaia 4:10

Tialima, eno te po obao, “God, Genuai Bidi, nago te Juda me Jerusalem we bidi nago te augwali bugagia bidaibao po wali sogo, te nago augwaliba tibo po wabo tiwai yai dao,” te po wai. “Tiali goli, megi da, te boi bidi aselama, te da ela muainu ebao,” te po wali.

Godigo Nogi Ugwaba Sabo Tęąbi Po Wabo Buku Dabe 10:6

Agai te aga homude kone palama, tama te po weyu, “Ena bomonama dolalubo da,” po wai. “Te magi nai me deligo ena dwasianu me degelegobeo. Te enade sęgę me gegegobeo,” te po wabo dao.

Bugagia Bidibo Kolesagade Po Asęai Buku 30:9

Tiyu, eno doado bage hauwa mu elalubaso, tama eno nage tudiba muyu, tama eno te po waidalio, ‘Genuai Bidi de dawe?’ Tama tiyu, ena te magi nai meni yai bidi pedaluyu, tama eno te nai dabe wi siyu, tama eno God nago nogi aiyaba elaluidalio,” wali.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Jeremaia 43:1

Jeremaiago te tigidali po God Genuai Bidigo agabolo weyu, te we bidi dabeba mao wali pusalio. Agai po ola silibo si da,

Godigo Nogi Ugwaba Sabo Tęąbi Po Wabo Buku Dabe 14:1

Kolesaga meni yai dwai sę ebo bidi dabe augwa hasi te po wabo dao, “God bidibo menio,” wabo dao. Te bidi dabe augwali te dwai bidi dao. Augwaligo dwai kolesaga mu naga ebo dao. Bidi me deligo dwagi yai kolesaga me ebo menio.

Jeremaia 2:6

Augwaligo ena homu kone me ebeo. Augwaligo te eno augwali tau sali sęde homu kone me ebeo. Eno augwali te tǫ kantri Isipde selama odasa asiyu, augwaligo te genuai olo bulu pesage tǫ nogeai. Te pesagede te olo masigi kemi tǫ elaluali, tama te dwai bulu pesage dabe elalua pai. Te buluba tulubage tulisąwai pesage elaluai, te bidi dolobo pesage elaluali. Te bidi dabe bilisąwai bulu, te bulude bidi bidisąwai bulu dao.

Jeremaia 6:14

Eno we bidi dabe te genuai keni elaluali, tiali goli te pris dabe me profetgo te keni sulama, te olo nai tiwai sula tagaliyu, te augwaligo bugagia marasin me mubeo. Augwaligo te tama po te we bidi dabeba weyu, ‘Dagego moni homu me igio. Da bugagia bidibao.’ Tialima, menio. Augwa te bugagia me bidibeo.”