Jeremaia 49:38 - Godigo dwagi yai po buku

³⁸ Ena Genuai Bidi, ena dugabo sia king te Elamba munama, te eno Elam king dali, te aga ofisa dabe dali ela muaibao.

Jeremaia 49:38 Referans Kwoze

Jeremaia 43:10

Tama te Juda dabeba nago te tiwai po wao, ‘Tigidali Bomo Elalubo Genuai Bidi, aga te Israelgo God, agai te tama po wai, “Ena Genuai Bidi dao, te eno ena sę bidi, te Babilon king Nebukatnesar i waibao, tama aga te buluba asaibao. Tama aga duabo sia king te pubulali masigi dabe daide mueibao. Te agai ugwa be pasugulama, te masigi munalubo tǫ pedai badu mesegelaibao.

Jeremaia 49:37

Te augwali ela muabo boi bidi dabe subo sogo, eno te Elam dabe augwali wi mu ilaibao. Ena Genuai Bidigo, eno te dwai nai mu te Elamba pedalumainu elama, te eno haliga sębę ola mawaibao. Te bidi dabego augwaliba boi bidi ilibo sę eyu, augwali ela mumainogo yaibao, te tigidali isiboba usu naibao.

Jeremaia 49:39

Tialima, te nosali sogo eno te Elam bugagia ma dugulalubo sę pedelaibao. Ena Genuai Bidi, eno te po wai dao,” wali.

Godigo Nogi Ugwaba Sabo Tęąbi Po Wabo Buku Dabe 9:5

Nago po odisiąwai bidi hani dabe, te Israel hani isąwai hani dabe, te nago po tų ilali. Nago te dwai sę ebo bidi dolali, tama te bidi mego augwaliba te homu kone munu me ma egobeo, augwa hani nogi mu miyą saibao.