Jeremaia 49:29 - Godigo dwagi yai po buku

²⁹ Te ugwa be dabe, me te augwaligo sipsip dabe, me te ugwa bede mubo ugwa dabe, me te augwaligo gasa nai dabe selama, te sela pao. Te augwaligo kamel dabe me sela pao. Te augwaliba e tama i wao, ‘Te dage wi ilibo nai, te tigidali badu elalubao.’ Te po augwaliba i wao,” Genuai Bidigo te po wali.

Jeremaia 49:29 Referans Kwoze

Jeremaia 46:5

“Tialima, megi da, magi ebawe? Ena Genuai Bidi, eno suali, te Isip dabe wi mu elama, te edaba wi ma begasa asobao. Te boi bidi dabego augwaligo bomai ami bidi dabe aiyaba mu elalubaso, te Isip dabego boi hwįani tagalama, te umagia mu ma begasa asobao. Augwaligo begelama, tudiba me tonobeo. Magi baso meni, te bidi dabe wi ilibo nai dabe te augwali tigidali badu elalua pabo dao.

Jeremaia 6:25

Te boi bidi te dwai bidi dabe mu, tama augwali te tigidali habu usu nama bidiyu, te da dali hwįainu sisi elalu, te da wi ilibao. Tialima, da te gi dabeba munu me pisąma, te sunumi dabeba me biligi pigio,” wali.

Habakuk 3:7

Te tǫ kantri Kusan name ugwa be dabe eno suali, te mu dolai elaluali. Te Midian dabego ugwa be dabe te degasa pai elalua palio.

Godigo Nogi Ugwaba Sabo Tęąbi Po Wabo Buku Dabe 120:5

Ena dage tomode dwai dugulalu, tama te ena te bulu Mesek, me te Kedar dabe tomode dwai dugulaluali tobage tiwai ebao.

2 Korin 7:5

Magi baso meni. Polobadu da aselama te Masedonia tǫba sabolali, tama tede me da tigi dwasianu toma me nabeo. Menio. Te haniani sęgę daba pedalai. Dago po konila te Godigo po odisąbo bidi dabe dali wali, tama da homude wi yali.

2 Korin 4:8

Edao. E tiwai dao, te tigidali badu te bidi dabego dabolo te sęgę madu gebo dao, tiali goli tego da mu dolobeo. Te hauwa sogo dago dena pabo tų hania konebo menio, tiali goli tigidali sogo dena tų me elalubo dao, te mu dąų wabeo. Tama tibaso da Godigo sęde bomo kimi munu me isibo menio.

Jeremaia 49:24

Te Damaskus taun we bidi dabe te bomo mu meni yani. Augwali te we me deli wi painogo ebo tiwai yali, tialima aga te wi dwai mu elama, te aga usu ebeo. Augwali te genuai dene me sęgę elaluali, te wego wai tega painu dene ebo tiwai yai dao,” wali.

Jeremaia 10:20

Jerusalem dolama, te olo mu elalubao, te ugwa be me deli pisila pelama, te degasa dulali tiwai elalubao. Tama te ugwa be ma sę yabo bidi me deli meni yaibao, magi baso meni, tigidali we bidigo te Jerusalem tagalama, pela silai dao.

Jeremaia 4:20

Augwaligo te tigidali tǫ kantri badu te we bidi dabe mu dolama, te tǫ kantri dwai mu pedelali. Polo mu tama, augwaligo te dago ugwa be dabe dolai dao.

Aisaia 60:7

Te Kedar me Nebaiot dabego te tigidali wiegi yai sipsip hani nageba sesaibao. Tama ena we bidigo te sipsip dabe seselama, te eno alta daiba ofa ebaso, te ena wiegi yai pemene ebao wali. Te eno be te polalubo be mu pedelama, te genuai nogi elalueibao,” te po wai dao.

Aisaia 13:20

Te bulude bidi munu me ma bidigobeo. Tama me ma, te Arap dabe augwaligo sel be teba sę yagasogobeo. Tama te sipsip kibu tonalubo bidi dabego te sipsip kibu teba nosai tumainu teba me tonaluagasogobeo.

Godigo Nogi Ugwaba Sabo Tęąbi Po Wabo Buku Dabe 31:13

Eno odali, te boi bidi dabe hauwago ena posobo po odali. Augwaligo ena moni wi ilali. Tama augwa deliba sisinama, tama enaba dwai sę yabo po mia sai. Augwaligo ena ela muabo po wai.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Te Israel Tobolu Bidi Dabe 8:26

Te augwaligo te sisinani te ring gol dabego sęgę te 25 kilogram tama. Te sęgę te ring gol dabego sęgę naga tama. Te gasa au dobage dabego sęgę, te beli me te Midian king dabego muani te mama gudubo ugwa me, te kamel dabego magede au ilali au dobage dabe, te doado bage te ring dali taluama me nedebeo.

Te Israel Tobolu Bidi Dabe 8:21

Tiali goli, Seba de Salmuna sigo te po wai, “Tagalao! Naga digi nago da si ela muao,” wai. “Nage bidi mu da wida, teda nago tama tiao,” wali. Tialima, Gideongo te Seba de Salmuna si ela munama, tama agai te augwali sigo kamel magede au elaluali doado bage dabe sali.

Te Israel Tobolu Bidi Dabe 7:12

Te Midian dabe me te Amalek dabe me, tama te kemi tǫ masigi wa pai bulude bidalubo bidi hani me, augwali te tǫ malu bulude te genuai kuli mano hani tiwai te bulu odogode bidada pai. Tama augwali te boi hwįbo tau sabo kibu kamel dabe te hauwa umabo me te ąį sanede ebo masigi kemi tiwai elaluali.

Te Israel Tobolu Bidi Dabe 6:5

Augwali te augwa bulmakau me te augwa ugwa be dabe dali sela asela wali, te sagado sibi dabe sisinama asobo tiwai elama asali. Te we bidi dabe dali te augwa kibu te kamel dabe me te augwali umabo mu, tama te bidigo nedabo usu meni yani. Augwali aselama, tama te tigidali gi dabe dolagasali,

Tigidali Nai Gagalama Nigali Side 37:25

Tama nosali augwali dugulama, tama toma neyu, nai tuali. Te augwali nai tuyu bidalubadi, tama augwaligo te Ismael bidi hani aselabo suali, te gasa nogi me elalubo te Midian bage dao. Augwali te Gileat tedu aselama, tama te Isipba painu soali. Tama augwaligo kamelgo te gasagi yai denami ebo ni kaneme, me te haniani sanda dabe, te sela soali, magi baso meni, augwali te Isipba pelama, tama tede te augwa dobu si ebo bisnis sę yaibao.

Jeremaia 49:5

Tialima, odao. Ena God, Tigidali Bomo Elalubo Genuai Bidi, eno po dolo obao, te nage pąde bidibo hani tigidali eno hodolama, te augwaligo nage wi dwai mu ilagasaibao. Te augwaligo dage Amon dabe sela sąbaso, te dage tigidali tǫ habuba wi tedela pelawaibao. Te dage ma sisinabo bidi meni yaibao,” wali.