Jeremaia 49:28 - Godigo dwagi yai po buku

²⁸ Genuai Bidigo po te Kedar hanide me te wa pai tǫ pedai Hasorde elalubao. Te Babilon king Nebukatnesargo boi hwįnama, te hani dabe aiyaba elaluai. Hasia bolo God Genuai Bidigo te Kedargo boi bidi dabeba te po walali, “Dage hogodama, te Kedarba boi hwįgi pao. Te giliga pedalubo pedai badu te we bidi mu silao.

Jeremaia 49:28 Referans Kwoze

Aisaia 11:14

Augwali si talua selama, tama augwaligo te giliga pabo badu buluba hwįgi peyu, te Filistia dabe dali hwį yaibao. Tama me, augwali sigo te giliga asobo badu we bidi dabego nai dabe hwįgi pelama, augwaligo nai dabe saibao. Te augwali sigo te bulu Idom we bidi, me Moap, me Amon we bidi dabe augwali sigo elaluaibao. Tama augwali sigo te bulu dabe tonaluaibao.

Te Israel Tobolu Bidi Dabe 6:3

Tigidali sogo te Israel dabego nai dabe te gide bulama elalubadi, te Midian dabe me, te Amalek dabe dali me, te kemi tǫ bulude bidibo bidi dabe, te giliga pedalubo badu bidi dabe, te tama bidi hani aselama, tama augwaligo te Israel dabe dali boi hwįagasali.

Tigidali Nai Gagalama Nigali Side 25:13

Tama Ismaelgo wai dabe nogi te gomunai waide gagalama, te ogwa bidi wai dabeba siminigi paibao, Nebaiot te Ismaelgo gomunai ogwa nogi, nosali te Kedar ame nani, Atbel, me Mipsam,

Esekiel 27:21

“Te bulu kantri Arebia bidi dabego me, te tǫ kantri Kedar tobolu bidi dabego me, te augwaligo nagebolo te kibu sipsip wai dabe me, te omai kibu sipsip me, te meme kibu dabe me mobadi yali, te augwaligo nago mabo nai dabe sabo homu eyu, tama tiai dao.

Jeremaia 49:14

Genuai Bidigo ena Jeremaiabolo walali, te agai te we bidi hani dabeba te po magi po omainogo te bidi me deli tagala palu, te tiwai po walio, “Dage tigidali sisinama, te Idomba hwįgi pao. Hogodama, te boi hwįgi pabo sisi yao,” wali.

Jeremaia 2:10

Edao. Dage sip sela pelama, te ailan Saiprus te giliga dega sabo badu pelama, te Saiprus dabego kolesaga suao. Tama te bidi dabe dagego te bulu Arebia dabego tǫba te giliga pedalubo badu tagala palama, te augwaligo kolesaga bugagia osola suao. Te dagego subadi, te hani me deligo te duga ebo tobage dwai kolesaga tiwai ebo suaibawe? Mu menio.

Jeremaia 49:33

Tama Hasor te uni yowigo bulu pesage pedelama, te aga dolali sesemane tama elalueibao. Tama te taun olo mu elalu, tede bidi me bidigobeo,” wali.

Aisaia 42:11

Dage te bulu taun wa pai pesagede bidalubo we bidi dabe, me dage te Kedar hani we bidi dabe, dagego te i bomo elama weyu, te aga nogi ugwaba siyąo. Dage te taun Sela we bidi dabe, dage te bulu du dabe bageba holama, te wiegi yai homu pemene dali i waiyąo.

Aisaia 21:13

Genuai Bidigo te Arebia dolaibao wabo po mani. Te Dedan dabe dage, te dage biliyu, nai abelama dobu si eyu ebo bidi dabe dao. Dage pelama, te Arebia dabego nai meni yai wa pai buluba duala sigi pabo dao.

Solomon 1:5

Dage Jerusalem we dabego, odao. Eno tigi husugu yali, tiali goli ena sawi yai pai mu da. Eno tigi husugu yali, te Kedar dabego wa pai bulude te sel ugwa be dabe husugu yai tiwai dao. Tiali goli, ena gasa sawi yai mu, te sawi yai name ugwa dabe te king Solomongo bede walalubo tiwai dao.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Tuni Bidi Dabego Po Elalubo Buku Deli 1:29

Ismaelgo gomunai ogwa te Nebaiot. Te Ismaelgo gasa ogwa dabego nogi e tiwai dao, Kedar, me Atbel, me Mipsam,

Tigidali Nai Gagalama Nigali Side 25:6

Tiali goli, aga bidibo sogo digi, te agai doado bage meba te aga gasa wego wai puluba augwaliba olo mani. Tama agai augwali te giliga pedalubo pedai badu tagala palama, te aga ogwa Aisak bidibo digi te augwali digibulu bidigi pomainu yali. Tama augwali pelama, te giliga pedalubo bulu te badu bidigi pai dao.

Godigo Nogi Ugwaba Sabo Tęąbi Po Wabo Buku Dabe 120:5

Ena dage tomode dwai dugulalu, tama te ena te bulu Mesek, me te Kedar dabe tomode dwai dugulaluali tobage tiwai ebao.

Jeremaia 25:23

Tama eno te Dedan dabeba mayu, me te Temadabeba, me te Bus dabebolo me mayu, tama te tobolunisi duasabo we bidi dabeba mayu yaibao.

Jeremaia 25:24

Tamaeno te tigidali Arebia king hani dabe mayu, te hanianiking dabeba, me te olo tǫ masigide bidibo we bidi dabemawaibao,