Jeremaia 49:24 - Godigo dwagi yai po buku

²⁴ Te Damaskus taun we bidi dabe te bomo mu meni yani. Augwali te we me deli wi painogo ebo tiwai yali, tialima aga te wi dwai mu elama, te aga usu ebeo. Augwali te genuai dene me sęgę elaluali, te wego wai tega painu dene ebo tiwai yai dao,” wali.

Jeremaia 49:24 Referans Kwoze

Matyu 24:8

Te tigidali sę te wego wai ame nainogo hasia dene ebo te tiwai pedalaibao,” wali.

Aisaia 13:8

Tigidali wi mu yaibao. Tama augwali genuai dene mu saibao, te wego wai sainu dene ebo tiwai yaibao. Te tigidali bagego gesabidi augwali tigidali dene ebao wabo gesabidi ola mawaibao. Tama augwaligo gasa bidi dabego gesabidiba tonobo sogo da, augwali wi mu yaibao.

Jeremaia 6:24

Te Jerusalem we bidi dabego te tiwai po wali, “Dago te boi bidi asabo po sabilibo po odolama, te da wi eyu, te dago nogo sągą dili kimi meni ebao. Da hobede mu elama, dwai dene mu ebao, te wego aga wai ame nainu ebo sogo te genuai tigi dene ebo tiwai gilama ebo dao.

Jeremaia 50:43

Babilon kingo te boi hwįabo boi bidi dabe asobo u wabo odama, aga te wi mu elama, te aga nogo sągą dili kimi meni yaibao. Aga wi elama, te kone palobo dwai mu yaibao, te wego wai ame nainu tigi dene ebo tiwai mu pedelaibao,” te po wai.

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

Jeremaia 4:31

Eno odali, te wego wai ame nainogo te gela wabo tiwai odali. Te wego hasia wai ame nabo sogo, te aga genuai dene yaibao. Te taun Saiongo gela obao. Aga homu hę mu weyu, te aga nogo bomo sainu debalu te tiwai po waibao, “Hobede mu dao, ena mu dolobao. Te boi bidi dabego ena elama, ena isainu ebao,” wai dao.

Jeremaia 30:6

Magi basowe? Te bidi dabego wai ame nabo dawe? Tialima, magi baso eno suali tigidali bidigo augwa haligaba nogo mubawe? Augwaligo te tama tebo te wego wai ame nainogo dene genuai ebaso ebo tiwai ebao. Magi baso augwaligo gesabidi te gasagi yai tedali dwai mu pedaliyu, te bidigo wi umabo ebo tiwai ebawe?

Jeremaia 48:41

Te boi bidi dabego te taun dabe me, te bomo elama, boi hwįbo pesage me saibao, tama te sogo te Moap ami dabe wi elama, homu si yaibao, te we dabe augwali te wai ame nainogo ebo sogo tigi dene ebo tiwai yaibao.

Jeremaia 49:22

Te boi bidi dabe umagia aselama, te Bosra taun dolainogo ebao, te ba kemodage ugwaba bola holama, te tobolu nisiba mage bula selama, aiyaba dulama, te aga bogo diligasa dulu, te hasa bolo elibo tiwai yaibao. Tama te sogo te Idom ami dabe wi elama, homu si yaibao, te we dabego wai ame nainogo tigi dene ebo tiwai yaibao,” wali.

Jeremaia 49:29

Te ugwa be dabe, me te augwaligo sipsip dabe, me te ugwa bede mubo ugwa dabe, me te augwaligo gasa nai dabe selama, te sela pao. Te augwaligo kamel dabe me sela pao. Te augwaliba e tama i wao, ‘Te dage wi ilibo nai, te tigidali badu elalubao.’ Te po augwaliba i wao,” Genuai Bidigo te po wali.

Jeremaia 49:37

Te augwali ela muabo boi bidi dabe subo sogo, eno te Elam dabe augwali wi mu ilaibao. Ena Genuai Bidigo, eno te dwai nai mu te Elamba pedalumainu elama, te eno haliga sębę ola mawaibao. Te bidi dabego augwaliba boi bidi ilibo sę eyu, augwali ela mumainogo yaibao, te tigidali isiboba usu naibao.

Hosea 13:13

Te Israel augwali bugagia bidimainu yali, tiali goli augwali te homu kolesaga meni yai umuna pelama, augwa hagela homu yai. Augwali da, te wai bou me deli tiwai dao. Te wai bou te idago haliga tomode elaluama, te idago ame nainogo ebo tiwai yali, tiali goli te wai tega pabo homu ebeo.

Dwagi Yai Gesi Po Makgo Asęani 13:8

Te bidi hani me deligo te gasa bidi hani me dali wąbi hwįaibao. Tama me tuni bidi hani me deligo te gasa tuni bidi mego hani bidi dali te wąbi hwįaibao. Te me badu pedai badu te tǫ mali eyu, tama augwali nasi genuai elaluaibao. Te sę ebo te wego hasia wai ame nainu dene pedalubo tiwai gilama te hasia pedalaibao.”