Jeremaia 49:23 - Godigo dwagi yai po buku

²³ Genuai Bidigo te kantri tǫ Damaskusde po elalubao. Agai te tiwai po wali, “Te taun Damaskus taun si Hamat me Arpat we bidi augwaligo te dwai nai augwaliba pedelabo po odama, te augwali midigi dwai mu yalio. Augwali wi ebaso, te bugagia me dugulalubeo. Augwali te tiwai te nambisde genuai ąį dini asu, te bugagia bidisąbo tiwai ebo dao.

Jeremaia 49:23 Referans Kwoze

Te Israel me Juda Hani Sigo Tuni Bidigo Po Elalubo Buku Si 18:34

Tama dago te taun Hamat, tama me te taun Arpat, tama me te taun Sefarvaim, tama me te taun Hena, tama me te taun Iva, te hani dabe dali boi hwįgi pabo sogo, augwaligo god mena bidibowe tama augwali tau sabowe? Tama dago te Samaria buluba boi hwįagasali sogo, tama te Samaria hani augwa godigo augwali tau selama, tama augwaligo da Asiria aiyaba elalualiwe? Mu menio.

Aisaia 57:20

Tiali goli, te dwai kolesaga ebo we bidi dabego, augwa te dwai kolesaga ebo me tagalogobeo. Augwali te tamu ąį sesemane sogo dinigo te haniani pobele bage me dwai nai sela asu, te nambis dolagasobo tiwai ebo dao.” Genuai Bidigo te po wai.

Tigidali Nai Gagalama Nigali Side 14:15

Te bulude te Abram aga hani si bugali. Tama te hani sigo te gavman tuni bidi hani me si me si dali augwaligo hulide hwįani, tama augwali ugwaba igulama, te augwali aiyaba elaluali. Augwaligo te boi bidi dabe augwali pobasa pali, te giliga degebo bogo badu te Damaskusba sabolama, te ela solama, te Hoba te badu usu nigi pelama,

Nahum 2:10

Te taun Ninive mu dolalio, te bidi dabego tagalama wi tedela pali. Tama taun te pobele bage yai olo tǫ mu elaluai. Te we bidi dabe wi dwai mu elama, te augwali nogo sągą didibili ebao. Augwa bomo kimi te isalio, tama augwa gedu te tedela dwai mu yai dao.

Te Israel me Juda Hani Sigo Tuni Bidigo Po Elalubo Buku Si 19:13

Te taun Hamat, tama me te taun Arpat, tama me te taun Sefarvaim, tama me te taun Hena, tama me te taun Iva, te taun bulu hani king bidi dabe augwali me bidiba, agawe? Menio. Dago augwali tigidali ela muna silai dao,” Senakeripgo pasde te po wali.

Israel Hanigo Namba 13:21

Tama te bidi dabe augwali te bulu tǫ dabe tigidali mu sa susa biligi pali. Te giliga asobo badu wę meni sane bulu badu gagalama, te saut badu usu nigi pali, tama te hanu Rehopba saboligi pali, te hanu Hamatba pabo sunumi pąbadu te not badu.

Tigidali Nai Gagalama Nigali Side 15:2

Tiali goli, Abramgo te po wai, “Yawe, ena hobede ya, eno Genuai Bidi, ena wai meni yai bidiyu, tama nosali isaibao. Te nago magi ilama, te ena genuai nogi elalubo bidi pedelaibawe? Te ena isibosi, te bidi me deligo te eno doado bage saibao, te Damaskus bulu bidi Elieser dao.

2 Korin 11:32

Te polobadu eno Godigo sę edubadi, me sogo ena te Damaskus moni hanude bidibadi, te tobolu bidi me deli aga te tuni bidi Aretas dologode bidali. Tama te tobolu bidi agai te Damaskus hanu buluba pabo tųde tonalubo bidi muani. Agai ena selama kalabus ilainogo yali.

Godigo Sęba Tagala Palai Bidigo Po 27:20

Tama da te moni tamu ąįde hauwa sogo bidali, te tulubage me, te pǫ me kisu dali, dago dagalu sube. Tama dago te giliga me, hǫ me hauwa sogo sube, te hǫgo dago bulu te badu elaluba homu ebe. Tama te moni wali agai te moni ąį bǫį hodolali. Tama tibaso, da gisiga bidibe. Dago te homu yali, ‘Da tigidali e gebade tamadi isilaibao,’ homu yali.

Godigo Sęba Tagala Palai Bidigo Po 9:2

“Nago enabolo pas asęna mao. Te pas selama, ena Damaskus be naniba pelama, tede Juda dabego bomo yai po ola mabo be genuai bidi dabebolo te pas mawaibao. Eno te Jisas wali pabo we bidi subaso da, nogo dųlama, tama te genuai bidi dabego ‘Usu da’ waibao. Te we bidi eno Jerusalemba ma odasa aselama, kalabusiba muaibao,” te po wai.

Amos 6:2

Dage pelama, Kalne taun sugi pao. Tama nosali dagego te Hamat genuai taun sugi pao, te dage ma bilama, te Get taun me sugi pao, te kantri Filistia tǫde elalubao. Dagego homugo te taun dabego bomo te dage Juda me Israel dabego tǫ kantrigo bomo edelai da homu eba, agawe? Te dagego homugo augwaligo tǫ te genuai mu elama, te dagego tǫ kantri tiwai si meni da homu eba, agawe? Awe, tiali goli augwali dolai dao.

Aisaia 37:13

Te taun Hamat, me Arpat, me Sefarvaim, me Hena, me Iva, te tama moni taun king dabe bidiba, agawe? Menio, dago te augwali tigidali ela silai dao,” wali.

Aisaia 13:7

Tama tibaso, tigidali we bidigo dili naga mialuaibao. Tama augwaligo bomo mu menia saibao.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Tuni Bidi Dabego Po Elalubo Buku Si 16:2

Tama tialima Asago te Godigo tempel be tomode elalubo te mone mubo be tomoba pelama, tama silva me gol siyu, me aga digi kingo be tomoba pelama, te be habude elalubo nai dabe me siyu elama, tama Benhadat, te Siria king pageba tolali. Tama Asago king Benhadatbolo e tiwai po ola tolali,

Te Israel me Juda Hani Sigo Tuni Bidigo Po Elalubo Buku Si 17:24

Te Asiria king bidigo te taun Babilon we bidi dabe me, me te taun Kuta, tama me te taun Iva we bidi dabe me, tama me te taun Hamat we bidi me, me te taun Sefarvaim we bidi me agai selama, tama te augwali te Samaria bulu taun dabeba odasa pelama, tama te Israel hanigo bulu taunba augwali tatagalo pali. Tama te we bidi augwali te Israel hani we bidigo bulu tǫ selama, mu bidali.

Te Israel me Juda Hani Sigo Tuni Bidigo Po Elalubo Buku Deli 11:24

Nosali te Devitgo te Hadatesergo ami bidi dabe ela silali sogo, te Reson aga hani dabe dali te Damaskus hanuba pelama, bidigi pai. Tama aga hanigo aga tau sobaso, aga te Damaskus hanude king pedelali.

2 Samuel 17:10

Tama nago te gasa ami bidi dabego te tama po odama, tama te wi dwai mu eyu, te augwa digi te hwįbo bomai bidi elalu, tama augwa te laion tiwai gilama te bomai bage dolalu, te tagala weyu godolo meni yani. Te Israel bage tigidaligo koneani, te nago aya te polalubo ami bidi mu, tama agai bidi dabego te bomonama mu hwįbo dao,” wali.

2 Samuel 8:9

Te Hamat bulu tǫ king Toigo te tama tiwai po odali, Devitgo te Hadatesergo ami bidi dabe aiyaba elaluali po odalio.

Josua 14:8

Tiali goli, te ena dali pali bidi dabe augwaligo te we bidi wi ebo sę ilali. Tiali goli, eno te dago Genuai Bidi Godigo po bugagia dolo wali pali.

Josua 2:11

Dago te po odolama, tama da dagede wi mu ebao. Tama megi, da tigidali bomo menio. Magi baso meni, God, dagego Genuai Bidi, aga te dagalu de tǫ sigo God dao.

Bomai Po 20:8

“Tama te ami ofisa bidigo te po me waibao, ‘Te bidi meba te boi hwįbo wi elama, didibili homu ebo bidi me bidibo homu ebawe? Te tama tiwai bidi me ede bidibo wida, teda te bidi aga beba ma geasa pao, augwaligo ebo sęde meba bidi dabe me wi ilidali weyu.’

Ma Dobola Sali 15:15

Tama Idom tǫde bidibo genuai bidi augwali wi mu yaibao. Tama Moap bomai bidi dabe augwali didibili mu yaibao. Tama Kenan dabe augwaligo bomo te olo wę ayana pabo tiwai yaibao.

Te Israel me Juda Hani Sigo Tuni Bidigo Po Elalubo Buku Si 5:12

Agai enabolo Jordan wę paugi pao, te po wali. Tiali goli, Damaskus bulude wę si elalubo, te wę si nogi Abana me Farpar, te wę sigo Israel bulude elalubo tigidali wę dabe aiyaba elaluai dao. Tiali te wę dabede tegi sogo da, teda eno oiyabe gasi ma usu egi dao. Tialima, ena bulude bidigi sogo da, tama ena te wę si paubo si, teda eno oiyabe gasi ma usu egi dao.” Namango te po wali, tama agai haligade sębę genuai me elasa peyu, aga pali.

Aisaia 7:8

Magi baso meni. Te tobolu bidi Resin agai bomogo naga te genuai hanu Damaskus tonalubo dao. Tama Damaskusgo bomogo te Siria tǫ kantri tonalubo dao. Tiali goli, te Resin da, te aga bidi naga dao. Te tiwai me, Ramaliago ogwa Peka agai bomogo naga te Israelgo genuai hanu Samaria tonalubo dao. Tama te Samaria hanugo bomogo te Israel tǫ pedai kantri tonalubo dao. Tiali goli, te Peka da, aga bidi naga dao. Te 65 kibu be tomode te Israel bulu dolama, tama te we bidi sese besela pelama, tama augwaligo nogi mu tama sia saibao. Tama ma, te Juda dabe dagego eno pode homu dąų wasiąma yali da, teda dage me bobobage sogo me bidigobeo,” Genuai Bidigo te po wali.

Aisaia 36:19

Dago te taun Hamat, me Arpat, me Sefarvaim, teba boi hwįgi pali sogo, te augwa god menade bidiyu, te augwali tau sagasobewe? Te dago Samaria buluba boi hwįgi pali sogo, te Samaria augwa godigo augwali tau selama, te da aiyaba elalualiwe? Mu menio.

Jeremaia 39:5

Tiali goli, te Babilon ami dabego te augwali pobeasa pelama, te malu tǫ pesage dolo te Jeriko taun pąde Sedekaia pabo madi pedelai. Te augwaligo aga pageabi elama, te king Nebukatnesarbolo odasa pali. Te sogo king Nebukatnesar te taun Riplade bidai, te tǫ pedai Hamat tǫ tomode bidalio. Tama Nebukatnesargo Sedekaia sulama, te po walio, Sedekaia te aga yali dwai sęde dwai dene saibao wali.

Esekiel 27:18

Te taun Damaskus bidi dabego te mone sabo bisnis sę nage dali eyu, te augwaligo wain ąį dabe nageba mani, te augwaligo te taun Helbonde sali, tama te sipsip nisi dabe augwaligo te bulu Saharde sai dao.