Jeremaia 49:16 - Godigo dwagi yai po buku

¹⁶ Nago te gasa hani we bidi dabe wi mu ilama, te nago nage te polalubo mu da homu yali. Tialima, naga digi tibo po ola mawai. Nago genuai taun te bulu du pesage daide ugwadu elaluali. Tialima, te nago taun te ba kemodagego be daide ugwadu sę ebo tiwai elalubo, te tagalao, te nage eno aiyaba kekasa duleibao. Te Genuai Bidi, eno po dao.”

Jeremaia 49:16 Referans Kwoze

Amos 9:2

Te bidi meba enade wi pelayu, te isai bidi dabego pesagede te tǫ dedage aiyaba dogobaso, te tagalao, te augwali eno pageabi yaibao. Te augwali dagaluba ugwa holainu ebaso, me tagalao, te augwali eno aiyaba kekasa dulaibao.

Aisaia 49:25

Tiali goli, Genuai Bidigo Jerusalemba te tiwai po wali, “Mu tama, te eno nago hani dali ma siyu, te nago wiegi yai doado bage te bomai boi bidi dabe me te dwai king dabego nogode ma dobola saibao. Eno te nageba hwįani bidi dabeba te hwįbo wei ponaibao, te eno nago wai dabe ma saibao.

Jopgo Po Asęani Elalubo Buku 39:27

Teda nago digi te po wabode te ba bunutogobo dabe augwaligo be te bulu duba sę igi pabo dawe? Tega?

Bugagia Bidibo Kolesagade Po Asęai Buku 29:23

Te bidigo hagoma homu eyu, tama aga digi aga nogi ugaba sobaso da, te augwaligo aga nogi aiyaba elaluaibao. Tiali goli, te bidi aga digi aga nogi aiyaba elalubo bidi da, te genuai nogi saibao.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Aisaia 2:21

Tama te sogo da, Genuai Bidigo te tǫ mali iliyu, tama tǫde wi mu yabo sę dabe yaibao. Tama te we bidi dabe me wi mu elama, te masigi ola beba me, bulu du dologode elalubo masigi dedageba dabe wi duala sigi paibao. Te augwaligo te Genuai Bidi aga ula dali, bomo dali, asobo augwaligo suidali weyu.

Solomon 2:14

Nago naga be tomode bidali, te ba te bulu du dwai madi dedage dwasianu tomode geme dualalubo tiwai elaluali. Te buluba dįą soao, te eno nago sawi yai gesabidi sulama, tama nago wiegi yai dogonigo po wabo eno odaibao.

Bugagia Bidibo Kolesagade Po Asęai Buku 18:21

Te nago pogo bidi bugagia bidabo bomo elalubao. Me ma, nago pogo te bidi dolabo bomo me elalubao. Tama tiyu, nago wiegi yai po wabo kolesaga wei eyu da, te nage bugagia bidaibao.

Te Israel me Juda Hani Sigo Tuni Bidigo Po Elalubo Buku Si 14:7

Tama me sogo deli te king Amasia dali, te aga ami soldia bidi dabe dali, augwaligo te Idom hani te 10,000 ami bidi dabe dali boi hwįgi pali, te Idom bulu odogo malu te umabo tamu elalubo madi hwįani. Tama augwaligo te Idom hani aiyaba elaluama, tama augwaligo te taun Sela sali. Tama te king Amasiago te taun nogi poali, te taun nogi Joktel. Tama te megi tama e po asębo sogo me, te augwaligo te king Amasiago te gesi nogi poali te nogi naga wabo dao.

Aisaia 10:14

Te e tǫde kantri dabe tigidali te ba be tiwai dao. Tama augwaligo wiegi yai nai dabe eno sali, bidigo te ba ge sabo tiwai yalio. Awe, te ba kimi dabego augwa ge dabe tagalama, tama bidigo olo sabo tiwai gilama, eno te kantri dabe sisinani. Tama te ge tagalali ba kimigo te ge sabo bidibolo hwa wasiąwai tiwai eyu, te kantri dabego bomo elaluali bidi dabego enabolo tagala po me wabeo. Mu menio.’ Te tuni bidigo te po wali.”

Jeremaia 49:15

Genuai Bidigo te tǫ kantri Idomba waliyu, te po wai, “Idom, odao. Eno nage te olo nai me tama tiwai te gasa hani we bidi dabe tomode pedalumainogo ilaibao. Te augwaligo nage begela mu dolaibao.

Jeremaia 50:29

Genuai Bidigo Babilon augwa boi bidi dabe e tiwai po walali, “Dage te enesigigo enebo mu koneai bidi dabe, dagego te Babilonba hwįagasao. Dagego te Babilon bugagia odogolama, bagua sao. Dagego te Babilon dabe me deli wi pomainu me elamuo. Te augwaliba dwai dene mayu, dagego ela munama, mu dolao, te augwaligo gasa hani dabe dolali tiwai yao. Magi baso meni, Babilongo te enaba hagoma eyu, te hasamani tigi gagea pabo tiwai mu yali, te Israel dabe augwa Genuai Bidi dao, ena te magi dwai sę munu me isąwai te wiegi yai doloba pai kolesaga ebo God dao.

Jeremaia 51:53

“Babilon te dagaluba ugwanu dąį mu igulama, te boi hwįbo bomai pesage nigali da, tagalao, eno te nai dabe dolabo bidi augwali tagala palama, te augwaligo aga doligi dao. Ena Genuai Bidi, eno te po wai dao,” wali.

Habakuk 2:9

Dage te bomonama eyu, te gasa hani dabego nai hauwa sali bidi dabe, dage dolaibao. Magi baso meni. Dagego te doado bage duga hani dabeba digi mawai. Tama dagego bomai be dabe sęnama, te duga doado bage bugagia obo tomoba bagua selama, tama dagego homugo te dagego te tiali kolesaga yaligo te dolabo sęgo dage ela soaibao homu yai dao.

Malakai 1:3

Tiali goli eno te Iso dali te aga hani wai dabe dali godolo homu me isąwai, augwa te nogi Idom poali. Tialima eno te Isogo bulu du bage pesage dolama, te eno agai bulu tǫ dage te bulu hasa dabego dwai pesage pedalumainu ilali,” Genuai Bidigo te po wali.

Jeremaia 48:14

Dage Moapgo, magi baso dagego te po weyu, dage te bomai ami dabe te dagego hwįbo mu koneai da wabo dawe?” Genuai Bidigo te po wai.