Jeremaia 48:35 - Godigo dwagi yai po buku

³⁵ Ena Genuai Bidigo eno po dolo obao, eno te Moap dabego te bulu duba holama, te lotu wagilu, te wiegi yai denami yai ofa dabe ebo pesage, me te augwa gasa godiba lotu wabo pesage, tigidali dolaibao wai dao.

Jeremaia 48:35 Referans Kwoze

Aisaia 16:12

Te Moap we bidi augwali te tibo god dabeba te bulu duba holama, lotu po wagi pabo dao. Tama augwaligo te tibo godiba aga lotu bede gedu haluasa po odu gebo dao. Augwaligo te bage augwaligo te sę dabe yabo bomo dabe silai dao. Tiali goli, augwa te kolesagago augwali tau me sai menio.

Aisaia 15:2

Tama tibaso, te genuai hanu Dibon we bidi augwali te augwa tibo god dabeba lotu wabo pesageba dabe pelama, tama gela wagi pali. Te Moap dabego te hanu Nebo, me hanu Medeba polo dolai yaibaso, gela wali. Augwali hobede mu elama, tama augwa tobolu nisi me penane nisi poala sąyanio.

Jeremaia 48:7

“Moap, nago te yali sę dabede me, mone dabe me, homu kone palobo sę bomo elalu, te nago homugo te nai dabego nage tau selama, te nage bugagia bidaiba homu ebao. Tialima, nago te homu ebo te wiegi yai menio. Tibaso da, te boi bidi dabego te boi hwįbaso, te nage aiyaba elalueibao. Tama nago tibo god Kemos te augwaligo selama, te gasa bulu kantriba kalabus igibu sela paibao, te aga pris bidi dabe me, te Moap tobolu bidi dabe dali sela paibao.

Jeremaia 11:13

“Tegoba! Dage Judago, te dagego tibo godigo namba dabe te dagego taun dabego namba tobage tiwai elalubao. Te dagego wiegi yai denami yabo ofa te Balba yabo alta hauwa nigibao, te hale ebo god dao. Te alta dabego namba te Jerusalem sunumi dabego namba tiwai si elalubao.

Israel Hanigo Namba 28:14

Dagego 2 lita wain wę selama, te kau kibu omai dali ofa yao, tama wan lita sela habu wain selama, te sipsip kibu omai dali ofa yao. Tama sipsip kibu gǫų dali da, te wan lita wain te deli deli sipsip gǫų dali ofa yao. Dagego te tama ofa te tigidali kibu bede deli deli poluago hasia wabo deide yao. Te isigo sese dela silabo ofa dao.

Jeremaia 7:9

Te dagego nai wi siyu, te bidi dabe ela muyu, te penani sę ebo kolesaga te bidi dabe me bidigo sai we dali eyu yali. Te dagego bomai po dąų wabo sogo te tibo po obao. Te dagego wiegi yai denami hano ebo ofa te tibo god Balba ebao, te dagego polobadu lotu me wasiąwai tibo god dabeba lotu wabo dao.