Jeremaia 48:32 - Godigo dwagi yai po buku

³² Te taun Jaser dolobaso, ena gela obao. Tialima, te taun Sipma, nage dolobaso da, te ena gela wabo ogolu mu yaibao. Sipma, te nago wain gi hauwa umabo mu elalubao, te sigi ąį Detsi, me sigi ąį Jaser, teba usu nigi pai elalubao. Te boi bidi dabego te wiegi yai ni wain me, te nago gasa ni dabe me dolaibao.

Jeremaia 48:32 Referans Kwoze

Israel Hanigo Namba 21:32

Tama nosali Mosesgo bidi dabe te hanu Jaserba tagala palama, tama te hanu dolabo sunumi wiegi yai gegali. Tama te Israel dabego te hanu Jaser dali hwįnama, tama augwaligo te hanu me, te hanu pąde elaluali bulu dabe tama sali. Tama augwaligo te Amor dabe te bulude bidali bidi dabe sela sąyani.

Josua 13:19

me Kiriataim, me Sipma, me Seretsahar, te tama bulu te malu tǫ te dwasianu bulu du ugwadu bagede elaluali,

Jeremaia 48:18

“Dage te taun Dibon we bidi, dagego te duga genuai nogide homu kone elalubo tagalama, te wa pai tǫde olo bidi bidibo tiwai yao. Magi baso meni, te Moap dolobo sę yabo bidi, te dageba pedelama, te duga bomai obo elalubo hanu dabe dolaibao.

Jeremaia 48:15

Te king, aga nogi te Tigidali Bomo Elalubo Genuai Bidi, agai te tama po obao, “Te boi bidi dabego te Moap dolagaselama, te taun dabe saibao. Augwaligo te Moap wiegi yai gesi ogwa bidi dabe ela mubo sę umabo yaibao.

Jeremaia 48:8

Te boi bidi dabego tigidali taun dolagaselama, te taun me deli te bugagia me elalugobeo. Augwaligo te odogo malu bulu me dolobadi, te ugwadu doloba pai bulu me dolaibao, te ena Genuai Bidigo, eno po wali gilama yaibao.”

Jeremaia 40:10

Ena digi ena te Mispade bidaibao. Te Babilongo da suagasobo sogo da, te ena dago Judade po pusubo bidi tiwai bidaibao. Tialima, dage te duga sali taun dabeba ma begasa pelama, te dagego ni du wai dabe selama, te wain me, wel me nigilama, te nosali sogo tuabo munalumainao,” wali.

Josua 21:39

me Hesbon, me Jaser, te wiegi yai nosai te bulmakaugo tuabo elaluali tǫ dali mani.

Israel Hanigo Namba 32:38

me Nebo, me Balmeon, tama hanu ma geselali. Augwaligo hanu Balmeon nogi ma hasegelali, tama gasa nogi me polali. Tama augwaligo hanu Sipma ma geselali. Tama augwaligo te geselali hanu dabe gesi nogi dabe ma poali.

Israel Hanigo Namba 32:35

me Atrot Sofan, me Jaser, me Jokbeha,

Israel Hanigo Namba 32:1

Te Ruben hani, me Gat hani augwaligo kau kibu dali sipsip dali hauwa mu bidali. Tama augwaligo te distrik Jaser, me Gileat tǫde te kau kibu dabego tubo nosai dabe wiegi yai mu elalubo suali.

Josua 13:25

Jasago tǫ me te Gileat tigidali hanu, tama te Amon dabego tǫ pedai te Aroer teba usu nama, te Amon dabego tǫ tomode elaluali, te giliga ge pedalubo madi, te Raba tǫ pąde elaluali.

Israel Hanigo Namba 32:3

“Te Genuai Bidigo da Israel dabego tǫ somainu tau sali da, teda wiegi yai mu dao. Tama te tǫ te hanu Atarot, me Dibon, me Jaser, me Nimra, me Hesbon, me Eleale, me Sipma, me Nebo, me Beon elalubo pesage da. Tama te bulu dabede te kaugo nosai dabe wiegi yai mu elalubao, tama dago kau kibu hauwa mu bidibao.