Jeremaia 48:24 - Godigo dwagi yai po buku

²⁴ me Keriot, me Bosra dao. Te Moap gasa taun dabe tigidali me dwai dene salio, te pąde elaluali, me digibulu elaluali, te tiwai sę naga pedelalio.

Jeremaia 48:24 Referans Kwoze

Amos 2:2

Eno isi te Moap kantri tǫba tula palama, te Keriot taunde elalubo bomai be dabe te isigo daibao. Tama te genuai boi hwįaibao, te ami bidi dabego i hai weyu, te bu wabo nai biugel bomonama ponaibao. Te tama tebo sogo te Moap dabe ela silama, isaibao.

Jeremaia 48:41

Te boi bidi dabego te taun dabe me, te bomo elama, boi hwįbo pesage me saibao, tama te sogo te Moap ami dabe wi elama, homu si yaibao, te we dabe augwali te wai ame nainogo ebo sogo tigi dene ebo tiwai yaibao.

Josua 21:36

Te Rubengo hani augwaligo te hanu me si me si te augwali mani, Beser, Jahas,

Bomai Po 4:43

Te hanu sela te e tama dao. Te hanu me te Beser, te da te Ruben hanigo duala sabo hanu dao. Te da te bulu dude elalubo. Me da, te Ramot dao, te Gileat tǫ dage badu. Te da, te Gat hanigo duala sabo hanu dao. Tama me da, te Golan dao. Te da, te Basan tǫ dage badu. Te da, te Manase hanigo duala siyu yabo hanu dao.

Tigidali Nai Gagalama Nigali Side 36:33

Te Bela isibaso, tama te Jobap, te bidi Serago ogwago, te aga te Bela tuni bidi sęde hasegelama, bidali. Bosra te bulu te Jobapgo page bulu dao.

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Jeremaia 49:13

Ena Genuai Bidi, te ena nogide digi eno te tiwai mu po obao, eno te dagego polalubo taun Bosra dwagila mu dolaibao, te aga olo bulu pesage tiwai pedelaibao. Te gasa hani we bidi dabego eno te sę te taun Bosraba yali sę po odama, te augwa wi elama, dwai midigi saibao. Te augwa te Bosrabolo te dwai posobo po waibao. Te hanigo te augwa boi bidi dabede dwai posobo po wabo sogo da, augwa te tiwai po waibao, ‘Dage te Bosra taun dolali tiwai gilama yagameo.’ Eno te tǫ kantri Idom taun tigidali dolama, te dolali te tiwai sesemane elaludaibao,” wali.