Jeremaia 48:18 - Godigo dwagi yai po buku

¹⁸ “Dage te taun Dibon we bidi, dagego te duga genuai nogide homu kone elalubo tagalama, te wa pai tǫde olo bidi bidibo tiwai yao. Magi baso meni, te Moap dolobo sę yabo bidi, te dageba pedelama, te duga bomai obo elalubo hanu dabe dolaibao.

Jeremaia 48:18 Referans Kwoze

Aisaia 47:1

Genuai Bidigo te tiwai po Babilonba wali, “Babilon, nago genuai nogi mu elalubo, te kwin we aga sia kingde dugulalubo tiwai ebao. Tama nage te gesi wegi bidigo sisąwai bugagia mu bidibo tiwai ebao. Tiali goli, megi da, te nage sia kingde bidali tagalama, te nage olo tǫ bulude dugulalueibao. Te nago tigi te polobadu elaluali tiwai gilama sawi yai me elalugobeo. Tama te bidi dabego nage te au bugagia elama, bilibo ma sugobeo. Mu meni yaibao.

Israel Hanigo Namba 21:30

Tiali goli, megi da, dago augwali polo enani dao, te Hesbon hani bidi me, te hanu Dibon hani bidi me. Dago augwali mu dolama, taga pelama, te hanu Nofaba usu nigi pali, te hanu Medeba pąba.” Te tęąbi po wabo bagego tama tęąbi po wai dao.

Aisaia 15:2

Tama tibaso, te genuai hanu Dibon we bidi augwali te augwa tibo god dabeba lotu wabo pesageba dabe pelama, tama gela wagi pali. Te Moap dabego te hanu Nebo, me hanu Medeba polo dolai yaibaso, gela wali. Augwali hobede mu elama, tama augwa tobolu nisi me penane nisi poala sąyanio.

Jeremaia 48:22

me Dibon, me Nebo, me Bet Diplataim,

Josua 13:17

tama pelama, te Hesbonba sabolama, te tǫ malu dolo tǫde te tigidali hanu elaluali: Dibon, me Bamotbal, me Bet Balmeon,

Esekiel 19:13

Tama augwaligo te ni te wa pai buluba mu sela pelama, tama augwaligo te ąį meni yai tǫde bulalio.

Aisaia 5:13

Tama tibaso, Genuai Bidigo te po wali, “Mu tama, eno we bidi dabe dagego ena konebo hagela yali. Tama tibaso, boi bidi dabego dage gasa buluba me kalabus elama, odasa paibao. Te genuai bidi dabe nai menia saibao. Te olo we bidi dabe te ąį nogone eyu bidaibao. Tama augwali mu dolaibao.

Te Israel Tobolu Bidi Dabe 15:18

Tama Samsongo dogoni te mu wa pali. Tama tibaso, agai Genuai Bidiba i olama, te tiwai wali, “Nago ena naga sę bidi tau sali, tama tialigo eno te boi bidi dabe dali hwįnama, augwali aiyaba elaluali. Magi eyu ebaso, te nago ena megi tagalali. Te enade ąį meniama, tama tiyu ena isabo ąǫ ebao. Tama tiyu, te Genuai Bidi nago po odisąbo bidi dabego ena dolidalio.” Te po wai.

Josua 13:9

Te augwaligo sali tǫ te Arnon odogo tǫ sesegede elalubo bulu nogi Aroer, tedu gagalama, tama te odogo tomode elalubo hanu ela soayu, tama te Medeba dabego dolo elalubo tǫdu pelama, te Dibon tǫba usu nigi palio.

Israel Hanigo Namba 32:3

“Te Genuai Bidigo da Israel dabego tǫ somainu tau sali da, teda wiegi yai mu dao. Tama te tǫ te hanu Atarot, me Dibon, me Jaser, me Nimra, me Hesbon, me Eleale, me Sipma, me Nebo, me Beon elalubo pesage da. Tama te bulu dabede te kaugo nosai dabe wiegi yai mu elalubao, tama dago kau kibu hauwa mu bidibao.

Ma Dobola Sali 17:3

Tiali goli, te we bidi augwali te wę nogonego mu isabo ąǫ ebaso, tama augwaligo po hauwa Moses dali wai. Augwaligo te po wali, “Magi baso nago da Isipde selama, da odasa asai dawe? Nago homugo da dali, te dago wai dabe me, te dago kibu dabe me, da wę menia selama, tama da isimainogo ebawe?”

Tigidali Nai Gagalama Nigali Side 21:16

Tama aga digibulu gana duagi pelama, homu kone palali, ‘Eno te wai isibo subo te ena hagelabo,’ te homu yai. Aga tede dulaludubadi, tama ogwa gela walio.