Jeremaia 48:10 - Godigo dwagi yai po buku

¹⁰ Eno homugo Genuai Bidigo mabo sę te sę ebo hagela ebo bidi dabe te Genuai Bidigo dolainogo yaibao. Te agai te bidibolo weyu, te gasa bidi bainatgo elao po wali, te bidigo te isąbaso da, teda Genuai Bidigo aga dolaibao.

Jeremaia 48:10 Referans Kwoze

Te Israel me Juda Hani Sigo Tuni Bidigo Po Elalubo Buku Deli 20:42

Tama profetgo kingba te tiwai po wai, “Genuai Bidigo te tama po walio, ‘Ena Genuai Bidi, eno te po wai dao, te dage boi hwįbo sogo, dagego te boi bidi tigidali mu ela muao. Tiali goli, nago te Benhadat sula tagalama pomainu yali, tama nago aga ami bidi dabe wi pomainu sula tagalai. Tama tibaso, nage isibogo te Benhadatgo pesage nago hasegelaibao, te nago ami bidi dabe me isibogo te agai ami bidi dabego pesage hasegelaibao,’” te po wai dao.

1 Samuel 15:3

Tama tiyu, nage te naga ami dabe dali pelama, tama te Amalek dabe dali hwįgi pelama, tama augwaligo doado bage tigidali dolama, tama tigidali bidi me, we me, ogwa me, wegi me, wai puluba me elibadi, tama tigidali bulmakau me, sipsip me, kamel me, donki me, te ela silao wali. Nago te deli munu me tagalamu dao,” Samuelgo Solbolo te po wai.

Te Israel Tobolu Bidi Dabe 5:23

Te Genuai Bidigo ensel mobo bidigo te po wai, ‘Te Meros hanu dolomainao,’ wali. ‘Tama te hanude bidibo we bidi augwali me dolomainao. Magi basowe, augwaligo te Genuai Bidi tau sainu me asobeo, augwali te Genuai Bidi hwįbode tau sainu asobo ami bidi tiwai me asobeo.’”

Te Israel me Juda Hani Sigo Tuni Bidigo Po Elalubo Buku Si 13:19

Te profet bidi Elisago sulama, tama agai wado po weyu, tama kingbolo e tama po wali, “Nago homugo te enego a naga sogo, ma a olama, me badu nogo kibisa wagi solama sogo tǫba elai meniwe? Tialima, nago tama tigi sogo da, teda te nago te Siria hani te nago usu mu elama, aiyaba elalugi da. Tiali goli, nago megi da, nago augwali sela sogo naga aiyaba elaluaibao, “wali.

1 Samuel 15:9

Tiali goli, augwaligo te augwa king bidi Agak te elibeo, tama me augwaligo te wiegi yai nisai sipsip wai dabe me, nisai bulmakau wai dabe me, elisąwai, magi baso meni, augwaligo te hagela homu yai dao. Augwaligo te sipsip me bulmakau dabe te dwai yali te gasa tobage kibu sibi dabe naga te ela silali.

Jeremaia 50:25

Genuai Bidigo Babilonde haliga sębę elama, te agai hwįbo nai mubo be te agai sunumi dalama, te boi hwįbo nai doado bage sali. Magi baso meni, God, Tigidali Bomo Elalubo Genuai Bidi, agai te genuai sę me deli te Babilonde yabo elalubao.

Jeremaia 47:6

Dagego e tama tiwai i wali, ‘Genuai Bidigo bainat hwą, nisu sogo nago te da dolobo sę silaibawe? Bainat, te naga bulubo be tomoba ma bula sao. Nago te sę tagalama, toma nao,’ dagego te po wali.

Te Israel me Juda Hani Sigo Tuni Bidigo Po Elalubo Buku Deli 20:39

Te king sabalubo si da, profetgo te tiwai i wali, “King, odao. Ena te boi hwįbode bidai, tama dago ami bidi me deligo te boi bidi me deli enaba odasa aselama, tagalagasu, agai te tiwai po ena dali wali, ‘Te bidi bugagia tonaluao,’ po wai. ‘Te aga wi pali da, teda eno nage ela mueibao. Ma nage elisąyu da, teda nago mone bidi sese umabo mu, te 30,000 kina silvago te kot abelaibao.’ Te ami bidigo te tama po ena dali olama, aga palio.

Te Israel me Juda Hani Sigo Tuni Bidigo Po Elalubo Buku Deli 20:40

Tialima, king, eno te gasa sę hauwa eyu, eno te boi bidi bugagia tonalusiąwai, te aga wi palio,” wali. Tialima, kingo agabolo te tama po wai, “Naga digi naga po tų ilalio. Tama te nageba magi sę pedelaibao, te nage koneani dao.”

Jeremaia 11:3

wagi pao. ‘Ena Genuai Bidi, eno duga Israelgo God, eno te po obao, mena bidigo eno bomai dąų wabo po me wali pisąbaso da, teda aga dolaibao.

Jeremaia 47:7

Tialima, ena, Genuai Bidi, eno te sę ena bainatba mawai. Tama tibaso, bainatgo te sę ebo me tagalogobeo. Eno te hwą bainatgo te bulu Askelonba boi hwįgi pomainogo, me te nambisba te gasa we bidiba boi hwįgi pomainogo tagala palai dao,” wali

Jeremaia 50:27

Te Babilon bomai ami tigidali ela silao, te bidi dabego te bulmakau omai dabe ela wialubo tiwai yao. Tigidali dolomainao, magi baso meni, te Genuai Bidigo augwaliba dwai dene mabo sogo te pedalubao.

Josua 10:19

“Tiali goli, duga digi tede olo me bidilamuo. Dage te gasa boi bidi dabe wali pelama, tama augwali tudi badu te nosali asali bidi dabe dalibolo hwįgi pao. Dagego augwali te augwa hanuba sabalomainogo sula tagalamuo! Magi baso meni, God, dago Genuai Bidigo, te dagego hwįbo bomo usu elama, te boi bidi dabe aiyaba elaluaibao po wai dao,” wali.