Jeremaia 46:9 - Godigo dwagi yai po buku

⁹ Dage eno hos dabe, dage udayao. Dage eno karis dabe, dage umagia mu udayao. Dage eno bomai ami bidi dabe, dage te tǫ kantri Sudan me Libia ami dabe, dage te hwįbo sabele tolasa pabo bidi dabe, dage Lidia ami dabego, dage te enesigigo enebo koneai bidi, dage tigidali te boi hwįgi pao,” te po wai.

Jeremaia 46:9 Referans Kwoze

Esekiel 27:10

Te tǫ kantri Persia, me Lidia, me Libia bulu bidi hani dabe, augwali te nago ami bidi dabe bidali. Tama augwaligo te hwįbo sabele dabe, me tobolude mubo kapago nigai madi dabe me, te nago taun bagulali obode walali. Te hani dabe augwaligo te boi hwįnama, nage tau sabo sę eyu, te nago genuai nogi somainu yai dao.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Nahum 3:9

Tebesgo te bulu tǫ kantri Isip me Itiopia tonaluali, te gasa bulu tǫ kantri me deligo agai bomo aiyaba me elalubeo. Te tǫ kantri Libiago te agaba hwįbode kisa selama, hai namu wai elaluali.

1 Korin 1:8

Tama agai te dagego agade konealubo po dąų weyu agaba homugo tialubo kolesaga, te agai bomo ilama, tama te tigidali nai silabo sogo usu nigi paibao. Agai tama tiyu, tama dago Genuai Bidi Jisas Krais aga ma asobo sogo te sogo dage sęgę meni yai we bidi pedalaibao.

Godigo Sęba Tagala Palai Bidigo Po 2:10

Frigia me, Pamfilia me, Isip me, tama da Rom bidi dabe eba aselama, bidibo me. Da me badu te Sairini be nanidu asali, te Libia tǫ tonalubo bidigo be nani.

Jeremaia 47:3

Augwaligo te hos dabe udayu, sągą pidi bu wabo odaibao. Te augwaligo karis dabe bomonama kekeyu, te wil dabego kidagalo wabo odaibao. Tibaso, te we bidi dabe wi umabo ebaso, wi paibao. Te ayago te augwa wai puluba dabede homu kone palama, te augwali tau siyu, me tonalugobeo. Augwa nogo bomo kimi mu isiyu bidaibao.”

Jeremaia 30:5

“Ena Genuai Bidi, eno te po obao, te we bidi dabe haliga dua tegaluama bidibeo. Menio. Augwali wi umagia mu elama, te augwali dwai gela mu wai dao.

Tuni Bidi Dabego Po Elalubo Buku Deli 1:11

Misraim agai wąį nǫų dabe te Lidia dabe, me Anam dabe, me Lehap dabe, me Naptu dabe,

Tigidali Nai Gagalama Nigali Side 10:13

Tama Isip te Lut hani sibigo aya pedelali, te Anam hani, me Lehap, Naptu,

Tigidali Nai Gagalama Nigali Side 10:6

Te e da te Hamgo ogwa dabe dao, Kus, Isip, Put, me Kenan, te tama.

Jeremaia 51:11

Dage Babilongo boi bidi dabe, duga ene dabe dulama, te hwįabo sabele dabe sao. Genuai Bidigo te Babilon dabego agai be dolaliba homu kone palama, te agai dwai dene augwaliba wei ponainogo ebao. Agai te Babilon mu dolainogo, tama agai te bulu kantri Midia homu hodolama, te Babilonba hwįagasomainogo yai dao.

Esekiel 30:4

Tama te sogo te boi bidi dabego te Isip dabe dali boi hwį yagasaibao. Tama genuai sęgę te Sudan we bidiba pedelaibao, te Isip saut badu elalubo distrik dao. Te boi bidi dabego Isip we bidi hauwa elama, isila silama, tama te kantri dolama, tama Isip dabego mone me doado bage selama, tama augwa kantriba selasa paibao,’ te po wao,” wali.

Esekiel 30:5

“Tama te hwįbode me Isip amigo abelali bage, te Sudan hani ami bidi hauwa, me Lidia, me Libia, me Kup, me gasa hani bidi me, augwali te hwįbode te Isip bage dali isaibao,” wali.