Jeremaia 46:8 - Godigo dwagi yai po buku

⁸ Te Isip hani dabe tama dao. Augwali te genuai ąį Nail tiwai pedelama, tama te genuai ąį bomo elama asobo tiwai ebao. Kantri Isipgo te tiwai po wai, “Ena te genuai pedelama, te tigidali tǫ habu mesega saibao. Tama eno te taun dabe dali, tede bidalubo we bidi dabe dali dolaibao.

Jeremaia 46:8 Referans Kwoze

Esekiel 32:2

“Tǫde bidi, nago Isip king bidide hobedai gela weyu, e tama balia po wao, ‘King, nago homugo nage te meba kantri tomode te boma pai laion yowi da homu ebo dao. Tiali goli, menio. Nage te moni pukpuk me deli te węde bidiyu, sągą subigila sąyu ebode wę dunugu ilibo pukpuk tiwai dao.

Esekiel 29:3

Nago te God Genuai Bidi eno po agabolo pusuyu, te po walao, ‘Isip king bidi, ena nago boi bidi pedalobao. Nage te pukpuk me genuai deli te Isip dabego wę dabede pila mubo tiwai dao. Nago te po wabo dao. Nago naga digi naga ma geselai dao olama, tama te ąį Nail te naga ąį dao wabo dao.

Daniel 11:10

Tama po ma weyu, agai te po wai, “Te Siria kingo ogwa dabego te ami hauwa umabo selama, te sisinagaselama, te augwaligo hwįabo sisi yaibao. Tama polo tama te kingo ogwa dabe me deligo te ami dabe selama, te augwali asesa polo pelama, te bulu hauwa aiyaba elalu, te wę genuai asobo tiwai yaibao. Tama augwaligo te bomai obo banis elalubo taunba hwįgi paibao, te Isip kingo tonalubo bulu tǫba pelama, hwįgi paibao.

Amos 8:8

Tama tialima, eno te tǫ mali ilama, te tǫ kantri we bidi tigidali wi dwai mu ilama, gela ola paibao. Te tǫ kantri tigidali badu dwai noma saibao. Te tǫ ugwadu samonama, ma tulalu, te Isip wę Nail asama, te wę bo dabo tiwai elama, te ma kekasa pabo tiwai yaibao.