Jeremaia 46:27 - Godigo dwagi yai po buku

²⁷ Genuai Bidigo te tama po wali, “Dage Israel, dage Jekopgo hani, dage eno sę bidi me sę ebo we dabe, dage wi me elama, dwai noma me sigio. Mu tama, te eno dage kalabuside bidibo digibulu bulude bidibadi, te eno dage ma saibao. Te dage duga tǫba ma aselama, bugagia bidagameo. Te mena hani me deligo dage wi me iligobe dao.

Jeremaia 46:27 Referans Kwoze

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Jeremaia 50:19

“Eno te sipsip Israel te aga page buluba ma odasa asaibao, aga te bulu du Karmel, me te tǫ pedai Basan, me te Efraim bulu du pesage, me te tǫ Gileat pedai, te bulu dabede wiegi yai nosai tumainogo yaibao,” wai.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.

Amos 9:14

Eno te ena we bidi dabe augwa page bulu muba ma odasa paibao. Tama augwa te dolali taun dabe ma geselama, nigilama, tama augwa tede ma bidalueibao. Tama augwa te wain gi ma bulama, te tuabo wain ąį ma nigaibao. Tama augwa te gi nai dabe bulama, te gi dabede nai sela tueibao.

Jeremaia 33:16

Tama te sogo Juda dabe me Jerusalemde me sęgęmeni yaibao. Te augwali bugagia dugulalueibao. Tamaaugwa Jerusalem nogi te tiwai waibao, ‘Genuai Bidi agate dago doloba pai kolesaga page bidi dao.’

Jeremaia 23:6

Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Jeremaia 32:37

Mu tama, eno augwalide dwai haliga sębę mu elama, wado genuaigia mu elama, eno te we bidi dabe te tigidali tǫ kantriba sela sąwaibao. Tama eno augwali e tǫba ma odasa aselama, te augwali ede bugagia bidimainogo yaibao.

Esekiel 39:25

“Ena God Genuai Bidi, eno te po obao, eno te Israel dabe dene polo mawai dao. Tama tialima, eno megi augwali ma homu dene ma yaibao. Tama bidi mego eno genuai nogi aiyaba elalubo usu me egobeo.

Esekiel 36:24

“Nago te eno po me augwalibolo pusao, ‘Eno dage dali yabo sę po da, e dao. Eno dage te bidibo te kantri sese tamade oda selama, tama dage duga tǫ muba ma odasa asaibao.

Aisaia 14:3

Genuai Bidigo dage Israel dabego dene me dwai sogo silama, tama dage Israel dabe bugagia bidaibao. Te gasa bagego dage aiyaba elaluama, tama augwaligo dage tonaluai dao. Tama dage bomai sę mu yai dao. Tiali goli, te tigidali sęgę dabe sia saibao.

Aisaia 44:1

Genuai Bidigo te po wali, “Awe, eno dage dolomainu yaibao. Tiali goli, dage Israel dabe, dage Jekopgo hani, dagego odiąo. Ena digi eno dage dąį ilama, te dage eno sę bidi bidibao.

Jeremaia 51:46

Dagego haliga dwagila midigi selama, dage te tǫde haniani po dabe sabilibo odama, te dage wi me igio. Te kibu be me delide gasa po pedalu, te gasa kibu bede gasa po pedalu yaibao. Te genuai boi hwįbao weyu, te king mego te gasa kingba hwįbao te po augwaligo waibao.

Esekiel 16:53

Genuai Bidigo po ma weyu, te tiwai po wali, “Jerusalem, megi da, Sodom me Samaria te augwa si wai dabe dali dolali elaluai. Tialima, eno naga te ama si tau selama, te augwali si bugagia bidaibao. Te nage eno dolaibao, tiali goli nosali nage me eno tau selama, te augwali dali bugagia bidaibao.