Jeremaia 46:22 - Godigo dwagi yai po buku

²² Te genuai boi bidi hani asobaso, te Isip dabe wi elama, wi pelama, te augwa genuai posolu me wagobeo. Augwa te posolu wabo te hasamani wi peyu, kili kili wabo tiwai yaibao. Te boi bidi dabego te hwągo ni dabe gelainogo asobo tiwai elama, augwa sigi hwą tolasa asaibao.

Jeremaia 46:22 Referans Kwoze

Aisaia 29:4

Tama nage mu tama tulaluama, tama tǫgo nage mu mesega saibao. Tama nago po dabe te isi bidigo po te tǫ dologode dua dua wabo tiwai tǫdu pedalaibao.

Aisaia 14:8

“Te ni pain de sida si te Lebanon bulu du ni dabe augwaligo me te wiegi yai homu yaibao, te Babilon tuni bidi aga isalide. Augwaligo te po obao, ‘Te da gelagasabo bidi me menio, agai da ma gelagasogobeo.’”

Sekaraia 11:2

Te ni sida dabe delali dao. Te ni dabego genuai nogi elaluali, augwali dolalio. Tialima dage te wiegi yai ni wuli dabe, dagego gela waiyąo. Augwaligo moni genuai bulu busi togwalualio. Tialima dage Basan bulu boma pai ni kali dabe, dagego me gela waiyąo.

Maika 7:16

“Te gasa hani bage augwaligo te bomo elalubao, tialima te augwaligo eno bomo sulama, te augwali dwai noma saibao. Te augwali wi elama, te augwa nogogo pedauwali pania siyu, me olo si pania saibao,” wali.

Maika 1:8

Tialima, Maikago te po wali, “Te sę dabe pedelaibao, tama tiyu, ena te haliga hobede eyu, gela waibao. Te eno sągą nadoba su me musiąma, te eno dwai pisila pai nami ugwa naga gudaibao,” wai. “Te eno homu dene eyu gela wabo, te yowigo goo wabo tiwai weyu, te haliga homu dene elama, te i wabo te ebigo dwai hwa wabo gilama yaibao,” po wai.

Aisaia 37:24

Nago po te naga ami tobolu bidi ofisabolo mayu, te augwaligo nago nogi ugwanu mu sali, tama te enaba posobo po wali. Te eno augwaligo pedauwalide te tiwai po odali, nage Senakerip, nage te naga karisde dolugulama, te nage ugwanu mu igulama, te Lebanon genuai bulu du dabeba te nago tobolu usu nama, nage te Lebanon genuai busi tomoba mu pali, te bidi me pisąbo buluba pali, tama nago te bobage bobage ni sida dabe, me te wiegi wiegi yai ni pain dabe togwali.

Aisaia 10:15

“Tuni bidigo te po tama wali. Tiali goli, ena Genuai Bidi eno hanalu waibao, ‘Te sigi hwą me deligo te po waibawe, “Te ena genuai dao, tama bidigo nogo toulama, nigilibo te enaduba bomogo edelalio,” po waibawe? Te so mego “Ena te bidigo nogo toulama, ni togobo bomo te eno edelalio,” po waibawe? Te hwįbo ni dage dabego bidi nogo toulama, hwįgi pabo meni. Menio. Te bidigo te ni dage dabe nogo toulama, hwįgi pabo dao.’” Genuai Bidigo te po wali.

Josua 9:21

Te augwali bidimainu sula tagaliyu, tiali goli augwaligo te dago isi me wę dabe sela mabo sę emainao.” Te genuai bidi dabego te tiwai po naga walai. Te po obaso, te Israel dabego te Gibeon bage elebeo.

Godigo Nogi Ugwaba Sabo Tęąbi Po Wabo Buku Dabe 74:5

Augwaligo te nago bede ni name togwali, te bidi dabego te buside ni togobo tiwai yalio.

Jeremaia 46:21

Te Isip dabego te gasa hani bidi dabe te augwa ami bidi pedalumainogo abelali. Te Isip dabego augwali bugagia tonalubaso, te augwali bugagia mu bidali, te nisai bulmakau tiwai yali. Tialima, te boi bidi pedelabo sogo, te bidi dabe te hwįbo tagalama, wi paibao, te gasa Isip ami dabego me te tiwai yaibao. Augwali te bomo elama, dolalu me hwįbeo, magi baso meni, te dwai sę ebo sogo mu augwaliba pedelama, te augwali dolaibao. Te sogo te augwa yali dwai kolesagade usu nama, te augwali dwai dene mu saibao.

Jeremaia 46:23

Te Isip dabe hauwa ebaso, te bomo umabo elaluali, te bulu tomode ni dabe benegelama elalubo tiwai mu elalu, te bidi dabe tomoba pabo usu meni yai. Tialima, te boi bidi dabego namba te umabo mu elalubaso, te kuli mano genuai hani dabe aiyaba elaluali. Tibaso, ena Genuai Bidi, eno te po obao, te boi bidi dabego te Isip dabe mu silaibao, te bidi dabego te bulu tomode ni dabe gela silibo tiwai yaibao.