Jeremaia 44:27 - Godigo dwagi yai po buku

²⁷ Ena Genuai Bidi, eno po dolo obao, eno dage bugagia wiegi yai me iligobeo. Menio. Eno dage dolainogo tonalubao. Te eno boi bidi tagala palama, te dage Isipde bidibo Juda dabe ela muagasaibao. Te dage nai menia siyu, isaibao. Te dage tigidali mu silaibao.

Jeremaia 44:27 Referans Kwoze

Jeremaia 31:28

Polobadu augwali enotonaluali, te gudumainu, me augwali alumainogo eyu, meaugwali aiyaba elalumainogo eyu, augwali dolomainuelama, te dwai sę augwaliba emainogo yai. Tialima, megi da, ena Genuai Bidi, eno te po obao, te augwali enotonalu, te augwali nigilama, te augwali bulama, te augwalibugagia bidaibao wai dao.

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Te Israel me Juda Hani Sigo Tuni Bidigo Po Elalubo Buku Si 21:14

“Tama tialima, te me badu we bidi dabe tede me bidibaso da, teda augwali te eno munu me tau sogobeo. Mu menio. Tama augwali te eno te boi bidi nogoba muaibao. Tama te boi bidi dabe augwaligo te augwali dolama, tama augwaligo doado bage dabe me wi sela pomainao,” wali.

Esekiel 7:6

Megi da, te dage dolabo bodolu side te pąba pedelalio. Te sogo pedalubo si da, te pąde mu tama pedelaibao.

Jeremaia 44:18

“Te dago Dagalu Kwin Weba ofa ebo tagalali tede gagalasa, te megi sogoba usu nagasu, te da tigidali nai mu sǫą pelama, te boi bidi dabego da ela muyu, te nai sǫą pelama, nasigo isiyu ebo dao,” Juda dabego te po walio.

Jeremaia 44:12

Eno dage te Isipbabidagasainogo bomo yali dwasianu Juda hani te musilaibao. Te dage te Isipde bidibo sogo, dage isaibao. Teboi bidi dabego dage ela munama isibadi, te nai sǫą peyu, nasigo isibadi yaibao. Dage tigidali isaibao, te gegunaibidi dabe me, olo bidi dabe dali isaibao. Te gasa bulu webidi dabego eno dagede te yali sę po odama, te augwaliwi mu elama, midigi saibao. Te dage dolama, posobo powaibao. Te augwa boi bidi dabeba posobo po wabosogo da, augwa te tiwai po waibao, “Dage te Judadabe dolali tiwai gilama yagameo,” waibao.

Jeremaia 21:10

Ena Genuai Bidi, eno po dolo obao, eno te Jerusalem bugagia elalumainaohomu me egobeo. Menio. Eno te taun dolabo homu ebao. Eno te Babilon kingo te taun somainogo yaibao, te agaiaga ami dabebolo te taun isigo ula olama, tama te tauntigidali mu dolaibao,” te po wai dao.

Jeremaia 9:16

Te eno augwali ela gudulama, te augwa gasa tǫ kantriba tedela pelama, bidimainu elama, te augwa wąį nǫų dabe me, augwali me, te polobadu pisąwai bulu tǫba paibao. Te eno digi te bidi dabego augwaliba boi bidi eyu, te augwali ela mumainu yaibao, te tama tede pidubadi, te tigidali isila siliboba usu naibao,” te po wali.

Jeremaia 39:16

“Nage te Ebetmelekba pao, te Sudan bidi dao, agabolo e tiwai po wao, ‘Tigidali Bomo Elalubo Genuai Bidi, aga Israelgo God, agai te tiwai po wai. Polobadu eno te taun dolaibao po wali, te megi da, eno te po usu naibao. Eno te taun wiegi yai bugagia me iligobeo. Tama naga digi nago eno te sę ebo sueibao.

Jeremaia 42:16

teda dagego wi ebo sę dabe te Isipde dageba pedelaibao. Te boi bidi dabego dage ela munama, te dage nai sǫą peyu, isaibao.

Jeremaia 44:13

Enodagebolo dene mabo sę te Jerusalem dali yali sę tiwaiyaibao. Te dage boi bidigo ela muyu, te dage nai sǫąpelama isibadi, te dwai gasi selama, isibadi yaibao.

Jeremaia 44:14

Dage megi Isipde bidibo dwasianu Juda hani, dagego te Juda tǫba ma pabo homu godolo ebao. Tiali goli, te dageme deli te dolabo sęgo geda munama, te duga tǫba mepogobeo. Dage tigidali dolaibao, te deli deli bidi naga wipeyu, ma paibao,’ Genuai Bidigo te po wali.” Jeremaiagote Isip tǫde bidali Juda dabebolo te po pusali.

Esekiel 5:12

Te eno dage hani sela dobawaibao. Te polalubo hanide te nai sili mu bidu, te gasi genuai saibao, tama augwali te taun tomode isaibao. Tama te si wali hani, te boi bidi dabego te taun bulu badu te bainat hwągo ela wialaibao. Te sela wali hani we bidi, te augwali eno te tigidali bulu tǫ pedaiba ela gudulama, tedela palaibao. Te eno boi bidi dabe tagala palama, te pobeasa pelama, te augwali ela mueibao.

Daniel 9:14

God, dago Genuai Bidi, nago te dago yali dwai sę wei ponainu sisi elama tonaluali. Tama megi da, te sę nago yalio, magi baso meni, nage te doloba pai kolesaga naga ebo God dao. Tiali goli, dago te nago po me odobeo.”

Amos 9:8

Ena God, Genuai Bidigo, eno dage Israel we bidi dabego kolesaga bugagia subo sę idubao, magi baso meni, te dwai sęgę dagede mu pągąnalubao. Tama tialima, te eno dage dolama, te dage mu silaibao. Tiali goli, eno te Jekopgo hani me badu naga bidimainu sula tagalaibao. Eno augwali tigidali mu me dologobeo,” wali.

Jeremaia 9:15

Tama ena Israelgo God, ena Tigidali Bomo Elalubo Genuai Bidi, eno po dolo obao, eno te we bidiba genuai dene mawaibao. Te eno augwaliba te ha ebo doanai te augwa pedauwaliba munama, te augwa tumainu tiwai eyu, te eno augwaliba te dwai marasin menama, te augwa tubo tiwai emainu yaibao.