Jeremaia 44:24 - Godigo dwagi yai po buku

²⁴ Tialima, Jeremaiago po meba te tigidali Judabolo pusali. Agai po te we dabeba kisilama wainogo, te tiwai po wali, “Dage Isipde bidalubo tigidali Judago, te Genuai Bidigo poba bugagia olo muao.

Jeremaia 44:24 Referans Kwoze

Jeremaia 43:7

tama augwa tigidali te Isipba odasa pali. Te tama tiali kolesagade augwaligo te Genuai Bidigo po sela sąwai. Tialima, augwali pelama, te taun Tapanesba sabolali, te tǫ kantri Isip dao.

Jeremaia 44:26

“Te Genuai Bidigo te me me wali, ‘Tialima, dage te Isipde bidalubo tigidali Judago, dagego Genuai Bidi eno poba bugagia olo muao. Eno mu po ena genuai nogide obao, te dage Isipde bidibo Juda dabe me deligo eno nogide bomai po dąų obaso, usu egobeo. Te dagego te tiwai po munu ma wagobeo, “Te sesemane sogo bidibo Genuai Bidi Godigo nogide mu dao,” munu me wagobeo.

Jeremaia 42:15

Te tobage po dagego obaso da, teda ena Genuai Bidi, eno dage te dwasianu Juda hani we bidide po elalubao. Ena Tigidali Bomo Elalubo Genuai Bidi, ena Israelgo God, eno te po obao, te dage Isipba bidigi pabo bomo mu ebaso da,

Matyu 11:15

Tama te olo elalubo bidigo agai te po odao,” wali.

Amos 7:16

Tialima, Genuai Bidigo po odao. Agai te Israel dabede wado po elalubao, tiali goli nago enabolo te profet po augwaliba pusubo te habu selibo dao.

Esekiel 2:7

Nago koneani, augwali te hagoma bidi naga elalubao. Te augwaligo nago po odisąbadi goli, tagalao, te eno nageba mabo po tigidali te nago augwaliba walao,” te po wai.

Aisaia 28:14

Dage e Jerusalemde we bidi tonalubo we bidi, dagego Genuai Bidigo po odiąo. Dagego homugo Genuai Bidigo po olo nai dao homu ebo.

Aisaia 1:10

Dage tobolu bidi dabe, me dage Jerusalem we bidi dabe, dage te bidi dwai dabe te hanu Sodom de Gomora side polobadu bidali bidi dabe tiwai mu tama dao. Megi da, dagego olo bugagia munama, tama Godigo bomai po odao, dago Genuai Bidi. Agai dabolo mawainu ebo po bugagia odao.

Te Israel me Juda Hani Sigo Tuni Bidigo Po Elalubo Buku Deli 22:19

Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.