Jeremaia 44:15 - Godigo dwagi yai po buku

¹⁵ Genuai Juda hani sisinagasai elalubadi, tama Jeremaiago te po pusali. Te tigidali Juda te Isip saut badu bidibo Juda dabe, augwali me bidali. Te sisinibo madi asali bidi tigidaligo, augwa te tama koneani, augwa we dabego te wiegi yai denami ebo ofa te gasa god dabeba ebo da homu yali. Tialima, te bidi dabe augwa we dabe daligo Jeremaiago po wei ponama, te tama po wali,

Jeremaia 44:15 Referans Kwoze

Bugagia Bidibo Kolesagade Po Asęai Buku 11:21

Mu tamao, Genuai Bidigo te dwai kolesaga ebo bidi dabeba po tų ilama, tama agai augwaliba dene gesoai mu ilaibao. Tiali goli, te wiegi yai kolesaga ebo bidi dabego hanigo te po tų ebo ugwaba igulaibao.

Matyu 7:13

“Te da we bidi pabo tų si elalubao. Tama te sunumi me deli te dwasianu dao. Tama gasa sunumi te genuai dao, tama tedu pelama tama te pabo tų da te pobele bage meniama te noma yai dao. We bidi augwali te genuai tųdu pabo te hagela isiąwai tų dao. Tama we bidi umabo te tųdu wali pabo dao. Tiali goli te genuai tų te dwai sia elalubo madigi haga yabo tųba pabo tų dao. Tama tibaso, dage te gasa dwasianu sunumidu pao.

Nehemia 13:26

Tama eno augwaliba te tiwai po wai, “Dagego te king Solomongo dwai kolesaga wali pali dao. Polobadu Godigo te king Solomon godolo elama, tama aga te tigidali Israel hanigo king pedalumainu ilali. Tama Solomongo te wiegi yai homu kolesaga koneama sali, tama te gasa bulu tǫ pedai king tigidaligo koneani homu kolesaga tigidali te agai aiyaba elaluali. Tiali goli, agai te bulu badu we dabe, te Israel hani isąwai we meba selama, tama augwaligo agai homu kolesaga hugiabi selama, tama agai te dwai sęgę yai dao.

Tigidali Nai Gagalama Nigali Side 19:4

Te Lot aga abagi si pisąbadi, tama te Sodom bidi dabego te be bobogela sagasali. Te hanude bidaluali tigidali bidi dabe asali, te gesi bidi dali, te monu dabe dali asai.

Aisaia 1:5

Magi baso dagego Godigo po me sela sądubawe? Dage tigidali sogo dene sabo hagela meniwe? Israel, nage te bidi me bidi dabego elai bidi tiwai dao, te agai tigi sese mu dolama, bomo mu meni yai. Agai tobolu keni kenigo pągąna pai.

Aisaia 48:5

Tama tialima, polobadu mu eno te dageba pedelabo nai po hanilama pusali, tiyu dagego te po waidali, te dagego tibo god dabego, te piksa dabe dagego te nigo me aingo nigibo nai dabego te nai dabe pedalumainu yali da po waidali,” te po wai.

Jeremaia 44:19

Te we dabe sibigo po wadolama weyu, te po wali, “Dago te Dagalu Kwin Weba ofa ebo sogo, te dago bisketgo aga piksa tiwai nigali, dago te wain ofa agaba gelali, te dena bidi dabego te dago te kolesaga ebo koneani. Nago te konebe, agawe?” Te we dabe sibigo te po wali.

Jeremaia 44:24

Tialima, Jeremaiago po meba te tigidali Judabolo pusali. Agai po te we dabeba kisilama wainogo, te tiwai po wali, “Dage Isipde bidalubo tigidali Judago, te Genuai Bidigo poba bugagia olo muao.

Esekiel 29:14

Te augwali asela silama da, teda augwali u badu te saut badu te Isip dabego tǫde bidaibao. Tama Isip bulu te polobadu bomai kantri bidali tiwai ma bidigobeo.

Esekiel 30:14

Tama Isip bulu sese tama isi ula silaibao. Tama eno u saut badu te Isip bulude te olo bulu pedalomainu yaibao. Tama taun Soan te not badu te bulu sese tama isi ula silaibao. Tama te boi bidi dabego te taun Tebes bagulali obo aluama, tagalaibao. Tama we bidi hauwa elama, silaibao. Eno taun Pelusium sębę ebao, te da te Isip dabego bomai taun dao, tama eno aga dene genuai menama, tama augwali sęgę me dene genuai mu saibao. Tama eno Memfis dabebolo sęgę sesemane sogo dene mawaibao.

Bomai Po 13:7

Te tigidali e tǫde we bidi tigidaligo te tibo godiba lotu po wabo dao. Te augwali dage pąde bidibo bage me, o te digibulu bidibo bage me, tagalao.

Jeremaia 44:1

Genuai Bidigo po Jeremaiabolo mawai, te agai Isipde bidibo Juda dabeba pusumainogo yai. Augwali te taun Mikdol, me Tapanes, me Memfis, tede bidali, te saut Isip badu me bidai. Jeremaiago te tiwai po wai,