Jeremaia 44:14 - Godigo dwagi yai po buku

¹⁴ Dage megi Isipde bidibo dwasianu Juda hani, dagego te Juda tǫba ma pabo homu godolo ebao. Tiali goli, te dageme deli te dolabo sęgo geda munama, te duga tǫba mepogobeo. Dage tigidali dolaibao, te deli deli bidi naga wipeyu, ma paibao,’ Genuai Bidigo te po wali.” Jeremaiagote Isip tǫde bidali Juda dabebolo te po pusali.

Jeremaia 44:14 Referans Kwoze

Polgo Po Pas Rom Dabeba Asęani 9:27

Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

Jeremaia 42:17

Te Isipba bidigi painogo bomo ebo bidi tigidali, te augwali isaibao. Te boi bidi dabego augwali ela muyu, te augwali nai sǫą pelama isiyu, me dwai gasi selama, te augwali isaibao. Eno te dene mabo sę dabe augwaliba pedalumainogo elama, te augwali hani mu silaibao, te deli me bidigobeo.’”

Aisaia 10:20

Genuai Bidigo bodolu me polo muai dao wali, te Israel hani dwasianu te Jekopgo wąį tomode bidibo hanigo i agabolo omainu. Te Israel dabe augwali augwa boi bidi dabede wi ebaso, tama augwaligo gasa bulu bidi dabego augwali tau somainu i wali. Tama te bulu bidigo augwali tau somainu tonaluali. Tiali goli, te bulu bidigo begelama, augwali ma dolaibao. Tama te sogo augwaligo te Israel dabego Genuai Bidiba i waibao. Aga te Wiegi Yai Doloba Pai Kolesaga Naga Ebo God dao. Tama augwaligo agai tau somainao olama, tonaluaibao.

Aisaia 4:2

Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.

Hibru 2:3

Tiali goli megi da, Godigo da ma sabo sę yali, tama agai te sę yali te genuai nai mu dao. Tama tibaso, dago Godigo te sę yali po oda tagalama tudiba muani da, teda da wi peyu, tama te dwai sę yalide te dene sabo sę te mena tama geda saibawe? Te usu munu egobeo. Hasia Genuai Bidigo digi po pusuyu, tama agai da ma saibao homu yai. Tama agai po odali bidi dabe augwaligo dabolo te po mu po naga dao hania ola mawai dao.

Polgo Po Pas Rom Dabeba Asęani 2:3

Odao. Nago te tobage dwai kolesaga ebo bidi dabe augwalibolo te po weyu yali, tiali goli naga digi nago me te tiwai kolesaga yai, nago magi homu ebo dawe? Naga digi te Godigo po tų gedelama wi pabo usu yaibawe?

Matyu 23:33

Dage dwai hasamani dabe dao. Dage dwai hasamanigo wai puluba dao. Godigo dage po tų ilibaso, tama dage te dwai sia dabo madi pageba paibao. Mena tama dage menadu wi paibawe? Menio.

Jeremaia 42:22

Tialima, dagego e tiwai tama dolo koneao, dage te bidigi painogo ebo badu, te boi bidi dabego dage ela mueibao, te dage nai sǫą pelama, nasigo isaibao, te dwai gasi dageba pedelama, te dage isaibao,” Jeremaiago te po wai dao.

Jeremaia 22:10

Dage Juda, te king Josaia isalio, tiali goli dagego agade hobede ebo gela wagimio. Te dagego aga ogwa Joahasde dwai gela obaso, te usu yaibao. Magi baso meni, Joahasgo da tagalalio, te aga page buluba ma begasa me asogobe dao.

Esekiel 6:8

“Tiali goli, te boi bidi dabego te we bidi tigidali ela mumainogo me egobeo. Me badu we bidi bidalubadi, te eno gasa tǫ kantriba ela gudulama, tedela palaibao.

Jeremaia 44:26

“Te Genuai Bidigo te me me wali, ‘Tialima, dage te Isipde bidalubo tigidali Judago, dagego Genuai Bidi eno poba bugagia olo muao. Eno mu po ena genuai nogide obao, te dage Isipde bidibo Juda dabe me deligo eno nogide bomai po dąų obaso, usu egobeo. Te dagego te tiwai po munu ma wagobeo, “Te sesemane sogo bidibo Genuai Bidi Godigo nogide mu dao,” munu me wagobeo.

Esekiel 20:38

Tama eno te hagoma ebo bidi dabe me, te dwai sęgę elalubo bidi dabe me sela sąnama, te augwali dage tomode munu ma bidimainu me egobeo. Te eno dage Israel tigidali te kalabus bidali bulude selama, dage te po tų ebo madi odasa asaibao, tiali goli te hagoma eyu dwai sę ebo bidi dabe, augwali Israelgo te tǫba me pogobeo. Eno te tiwai ebaso, te dagego bugagia koneama, ena digi ena Genuai Bidi da waibao,” wali.