Jeremaia 42:4 - Godigo dwagi yai po buku

⁴ Tama profet Jeremaiago augwaliba te tiwai po wali, “Te dagego wabo pode eno usu da po obao. Te dagego enabolo hanalu wali po wali gilama, te dagego Genuai Bidi Godiba gedu haluasa po weyu, hanalu waibao. Te Genuai Bidigo enaba mena po wei ponobaso da, te eno dagebolo pusaibao. Eno te po me deli dagede geme dualugobeo,” wali.

Jeremaia 42:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 40:10

Nago ena tau selama, tama ena ma sali, tama te eno me geme dualubeo. Te nago naga mu po te wali pelama, tama te nago da ma sabo da po eno pusalio. Nago te tigidali we bidi wei mu eyu, tama nago mu kolesaga wali pobaso, tama eno te lotu wainu sisinibo we bidi dabeba eno me dualubeo. Menio, eno augwaliba wai dao.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

Ma Dobola Sali 8:29

Tama Mosesgo po wei ponoyu, te po wai, “Te eno nage taga pabo sogo te eno Genuai Bidibolo gedu haluasa po weyu, te do agai nago bede te bolia dabe sela sąyu, te nago sę bidigo bede me, te nago we bidi augwaligo bede me tiaibao. Tialima, nago tibo po da ma ola mayu, tama te we bidi augwali te augwa Genuai Bidibolo ofa magi pidali weyu, te tų nago ma paligio.”

Godigo Sęba Tagala Palai Bidigo Po 20:20

Te dage tau sabo po eno yogo yai menio. Duga bede me, duga sisinibo pesagede me, eno te po dugabolo eno umabo sogo pusa mawai dao. Te po duga koneai dao. Dage tau sabo po eno me deli dualai menio.

Jeremaia 23:28

Ena Genuai Bidi, eno po dolo obao, te profetgo odolali na yali da, agai te na yali po miaibao. Tialima, eno te bidi me deliba po mawai ebaso da, teda agai eno te po dolo pusao. Eno po da, te wiegi yai nai wit ge wai tiwai elalubao, tama te profet dabego po wit aga bo ma wali tiwai olo nai dao.

Polgo Po Pas Rom Dabeba Asęani 10:1

Eno ama dede dabeo, eno homu dene eyu tama te Godigo te eno hani Israel bage augwali ma dobola somainogo ebo homu godolo mu elama, tama sesemane sogo eno Godibolo gedu haluasa po tede bomonama wabo dao.

Esekiel 2:7

Nago koneani, augwali te hagoma bidi naga elalubao. Te augwaligo nago po odisąbadi goli, tagalao, te eno nageba mabo po tigidali te nago augwaliba walao,” te po wai.

Jeremaia 23:35

Te dagego duga abagi dabe dali, me duga ama dabe dali, po mibo sogo da, teda duga te tama po wao, ‘Genuai Bidigo mena po wei ponaniwe?’, ma ‘Genuai Bidigo mena po pusaliwe?’ te po wao.

Jeremaia 26:2

“Ena Genuai Bidi, eno po obao, nage te eno be mesalo obo tomoba pelama, te bidi sisinibo pesageba doligi pelama, te Juda taun we bidi dabe tigidaliba po pusao, augwali te eno be tomoba lotu wainogo asaibao. Eno nagebolo mani po tigidali, te nago augwaliba pusao. Nago po deli me tagalamu dao.