Jeremaia 42:21 - Godigo dwagi yai po buku

²¹ Megi naga te Genuai Bidi dagego Godigo pusali po tigidali, eno te po dageba mao walio. Tialima, dagego te po wali me pabe dao.

Jeremaia 42:21 Referans Kwoze

Esekiel 2:7

Nago koneani, augwali te hagoma bidi naga elalubao. Te augwaligo nago po odisąbadi goli, tagalao, te eno nageba mabo po tigidali te nago augwaliba walao,” te po wai.

Godigo Sęba Tagala Palai Bidigo Po 20:20

Te dage tau sabo po eno yogo yai menio. Duga bede me, duga sisinibo pesagede me, eno te po dugabolo eno umabo sogo pusa mawai dao. Te po duga koneai dao. Dage tau sabo po eno me deli dualai menio.

Esekiel 3:17

Agai te tiwai po enabolo wali, “Tǫde bidio, eno nage te Israel dabe tonalubo bidi pedalumainu ilalio. Te eno augwaliba pusabo bomai po elalubaso da, teda eno nageba munama, te nago augwaliba pusagameo.

Bomai Po 29:19

Dage tigidaligo bugagia mu tonaluiąo, te bidi me eno megi ede pusali te bomai po odali bidigo, te bidi me deligo te po sela sąnama, tama aga bugagia bidaibao homu yaibao. Tiali te bidi mego te po sela sąyani da, teda te tialigo dage sese tama dolomainu yaibao. Te wiegi yai bidi dabe me, te dwai bidi dabe dali si tama dolaibao.

Jeremaia 43:1

Jeremaiago te tigidali po God Genuai Bidigo agabolo weyu, te we bidi dabeba mao wali pusalio. Agai po ola silibo si da,

Jeremaia 43:4

Augwaligo te tama po olama, te Johanan, me gasa ofisa dabego, me te tigidali we bidigo te Genuai Bidigo po sela sąnama, augwali te Juda tǫde bidibeo. Menio.

Bomai Po 30:15

“Tialima suao, eno megi dage sunumi si te ola mobao, te tama tialima, dagego sunumi deli naga wali pali da, dage bidibo ula wiegi yai mu saibao, tama dage tigidali sogo bugagia mu bidaibao. Tiali goli, dagego gasa sunumidu pali da, teda dage dwai dene siyu elama, tama dage isaibao.

Bomai Po 30:19

Tialima, te bugagia bidabo sunumi me, isabo sunumi me, si te elalubao. Te me sunumidu da, Godigo dage dali wiegi yai sę yaibao. Tama te me sunumidu da, dage dolabo sunumi sueibao. Tialima, megi da, dagego wali pabo sunumi sa muao. Tama eno dagalu dali tǫ dali si i olama, tama augwali sigo dagego mena sunumidu painogo sa muaniwe konemainao. Tiali goli, eno homugo dagego te bugagia bidabo sunumi wali piąo, te dage me duga wai puluba dage bidainogo tama tiao.

Godigo Nogi Ugwaba Sabo Tęąbi Po Wabo Buku Dabe 81:12

Tama tibaso, eno te augwa hagoma ebo kolesagade wali bilimainu sula tagalali, tama augwa te mena augwa homugo ela palio.

Jeremaia 43:7

tama augwa tigidali te Isipba odasa pali. Te tama tiali kolesagade augwaligo te Genuai Bidigo po sela sąwai. Tialima, augwali pelama, te taun Tapanesba sabolali, te tǫ kantri Isip dao.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Esekiel 33:32

Augwaligo nago po odabo homu ebao, te bidigo gita eleyu, te wiegi yai musik wabo tiwai odabo homu ebo dao. Tama me, te bidigo wiegi yai dogoni elaluyu, tama bidigo we godolo eyu, te wiegi yai balia po wabo odabo homu ebo tiwai ebo dao, augwaligo nago po tigidali tama odobo dao. Tiali goli, augwaligo dwasianu wali me pabo menio.