Jeremaia 42:1 - Godigo dwagi yai po buku

¹ Tama nosali, Johanan, me Jesania, te Hosaiago ogwa, te gasa ami ofisa dabe me, tigidali we bidi me, te genuai bidi dabe me, olo bidi dabe me, augwali hogodama,

Jeremaia 42:1 Referans Kwoze

Jeremaia 41:11

Johanan, Kareago ogwa, te gasa ofisa dabe me Juda ami daligo, te Ismaelgo dwai kolesaga tigidali yali po odalio.

Jeremaia 40:13

Me sogo deli Johanan, te Kareago ogwa, te Juda ami bidi te gasa ofisa dabe, augwali te Gedalia bidibo madi te Mispa teba asali.

Jeremaia 6:13

“Tigidali we bidigo te dwai kolesaga haniani eyu, te mone hauwa sabo homu eyu tama tiali. Te olo bidi dabe me, genuai bidi dabego me te kolesaga naga wali pali. Te pris dabego me, te profet dabego me te we bidi tibo po ola mayu yalio.

Jeremaia 44:12

Eno dage te Isipbabidagasainogo bomo yali dwasianu Juda hani te musilaibao. Te dage te Isipde bidibo sogo, dage isaibao. Teboi bidi dabego dage ela munama isibadi, te nai sǫą peyu, nasigo isibadi yaibao. Dage tigidali isaibao, te gegunaibidi dabe me, olo bidi dabe dali isaibao. Te gasa bulu webidi dabego eno dagede te yali sę po odama, te augwaliwi mu elama, midigi saibao. Te dage dolama, posobo powaibao. Te augwa boi bidi dabeba posobo po wabosogo da, augwa te tiwai po waibao, “Dage te Judadabe dolali tiwai gilama yagameo,” waibao.

Jeremaia 42:8

Tama Jeremaiago Johanan, me te gasa ami ofisa tigidali, me te tigidali we bidi me i wali, te gegunai bidi dabe me, olo bidi dabe me i olama, te augwali asai dao.

Jeremaia 40:8

Tialima, te ofisa dabe augwa ami bidi dabe selama, tama augwaligo Gedalia te Mispa teba sugi pali. Te ofisa nogi dabe e tiwai, Ismael, Netaniago ogwa, te Johanan me Jonatan, te Kareago ogwa si, te Seraia, te Tanhumetgo ogwa, te Netofa bulu bidi Efaigo ogwa dabe me, te Jesania, te Maka tǫ bidi dao.

Godigo Sęba Tagala Palai Bidigo Po 8:10

Samaria we bidi tigidali, te genuai bidi me, te olo we bidi me, augwaligo Saimongo wali po bugagia odali. Tama augwaligo te bidi nogi weyu, “Te bidi agai Godigo mawai bomo gagawai mu elalubao,” wali. Augwaligo “Te bomo nogi Genuai Bomo te bidide elalubo dao,” wali.

Jeremaia 8:10

“Tialima, eno te gasa bidi dabego te Juda dabego we me tǫ sagasomainogo ilaibao. Magi baso meni, tigidali we bidigo dwai sę haniani eyu, te doado bage hauwa sainu yali. Te olo bidi dabego me, te genuai bidi dabego me, te kolesaga wali pali. Te pris dabe me, profetgo me, te we bidi dabe tibo po ola mayu yai dao.

Matyu 15:8

‘Te hani we bidi augwaligo eno nogi te pedauwaligo naga ugwaba sabo dao, tiali goli augwaligo homu kolesagago augwaligo ena dali abagi homu ebo menio.

Esekiel 33:31

Tama tialima, eno we bidi augwali nago po odainu sisinagasobo dao. Awe, augwali nago gesabidide dualama, nago po odobo dao. Tiali goli, augwaligo olodali tama odobo dao. Augwaligo te po wali pabo menio. Augwaligo te timainao po wabo dao. Tiali goli augwaligo te mone hauwa sabo homu naga ebo dao.

Esekiel 11:1

Te tudi badu nosali da, te Godigo Mobo Noma Bidigo ena ugaba sagoa selama, tama ena te sia asobo badu te Godigo be bagulali obo sunumiba odasa pali. Tama eno suali, te 25 bidi te sunumi pąde bidali. Eno augwali sulama, eno koneani, te bidi dabe bidibo tomode te bidi si te Israel augwaligo polalubo bidi bidali bidi si da. Augwali si nogi da te Jasania, te Asurgo ogwa, me te Pelatia, te Benaiago ogwa dao.

Esekiel 8:11

Te Israel tobolu bidi dabe augwali te 70 bage te be habude bidibo suali, tama Jasania, te Safango ogwa, te augwali bidibo tomode aga deli bidali. Tigidaligo te wiegi yai denami ebo pauda ulubo plet pou tolalubadi, eno suali, te hano ugaba holali. Tama te bidi dabe augwaligo te piksa noma dabeba lotu udalio.

Jeremaia 42:20

Dagego enabolo te Genuai Bidiba gedu haluasa po omainogo hanalu wagasali, dena God, te enabolo dagego e tiwai po wali, ‘Jeremaia, Genuai Bidiba gedu haluasa po wao, dago God, te agai po dabolo momainogo hanalu wao. Te agai mena po nagebolo mobaso da, teda nago dabolo olama, te dago wali paibao,’ dagego tama wali. Tiali goli, megi dagego gasa kolesaga yainu ebao, te kolesaga mu geda mubao, te tama tebogo dage dolaibao.

Jeremaia 41:16

Tama nosali, Johanan dali, gasa ofisa dabe me, augwaligo te Mispa we bidi dabe te Ismaelgo nogode ma selama, te augwa Gibeon taga palio. Te ami dabe, me te gasa bidi dabe, me te we wai, me te sę bidi, me te kingo hani bage, augwali me te hanide elaluai dao.

Aisaia 48:1

Dage Jekopgo hani dabe, dage we bidi nogi Israel elalubao, dage te Judago bulai wąįgo wai dabe, dagego odao. Dagego po dąų waliyu, nogo guni sisu muyu, dagego te Genuai Bidigo nogide mu po dao po wabo dao. Tama dagego te tiwai po weyu, dagego te Israelgo Godiba lotu obao po wali, tiali goli dagego aga dologoba mu pelama, te doloba pai me ebeo wali.

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

Te Israel me Juda Hani Sigo Tuni Bidigo Po Elalubo Buku Si 25:23

Te me badu Juda ami gavman ofisa tobolu bidi ebadi, me te Juda hanigo ami soldia bidi dabe augwali, te bidi dabe augwali te gasa bulu mede polobadu bidada pali. Tama augwaligo e tama po odobo sogo, tama te Babilon king bidigo te bidi Gedalia dąį ilama, tama te bidigo te Juda hanigo tǫ tonaluao wali, augwaligo te bidi Gedalia te Mispa bulude bidibo sugi pali. Te gavman ofisa bidi dabe nogi e tama da, me Netaniago ogwa Ismael da, tama me te bidi Johanan, te bidi te Kareago ogwa, tama me te Seraia, te Seraia aga aya Tanhumetgo ogwa da, te bidi aga bulu Netofa, me te Maka tǫ page bidi Jesania da.

Jeremaia 37:3

Me sogo deli sogo king Sedekaiago Jehukal tagala palali, te Selemiago ogwa, te pris Safanaia dali, te Maseago ogwa, te profet Jeremaia sugi pelama, agabolo te tiwai po wali, “Kingo homugo nago te Godiba gedu haluasa po omainogo yali, te dago Genuai Bidi dao, te agabolo hanaluama, te da tigidali bugagia bidainogo obao,” wali.

Jeremaia 43:2

tialima, Asaria, te Hosaiago ogwa, me Johanan, Kareago ogwa dali, te gasa hagoma ebo bidi dabe dali, augwaligo Jeremaiabolo e tiwai po wali, “Nago tibo po obao. God, dago Genuai Bidigo dabolo te po wagasu, te da Isipba me pigio olama, te nage me tagala palobeo. Mu menio.