Jeremaia 40:1 - Godigo dwagi yai po buku

¹ Nebusaradango Jeremaia olo pomainogo tagala palama, te tudi badu nosali Genuai Bidigo Jeremaiabolo po mawai. Te Babilon dabego te Jeremaia dali, te Juda we bidi dabe me, Jerusalem me selama, augwali te sengo kęnani, te augwali Babilonba kalabus odasa painogo tialio. Tialima, augwali te Rama taunba sabalobo sogo, te polalubo ami tobolu bidi ofisa Nebusaradango Jeremaia te augwali dali bidibo suali, te agai aga te olo tagala palu pao wali.

Jeremaia 40:1 Referans Kwoze

Efesus 6:20

Ena da te Godigo dwagi yai po pusubo bidi. Tama te tebo pode te ena kalabuside bidibao. Tama tibaso, ena te wi ebo homu aiyaba kęna sigulumainu tama ena te bomo elama te Godigo wiegi yai po pusumainu dagego God hanalu wabo po wao.

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Jeremaia 31:15

Genuai Bidigo te tiwai po wali, “Genuai gela wabo me, te hobede ebo po me, te Rama taunde pedelaibao. Te we Reselgo aga wai dabe isaide te hobedai gela waibao. Te aga te we bidi dabego wiegi yai haliga penebo aga hagela homu yali, magi baso meni, aga wai dabe tigidali te munu me bidibeo.

Josua 18:25

Te e tama hanu me elaluali, Gibeon, Rama, Berot,

Godigo Sęba Tagala Palai Bidigo Po 28:20

Tama tibaso, eno dage megi asomainu hanalu obao. Magi baso menio. Enade augwaligo yali sę dagego me konemainu obao. Megi dagego e konemainu, ena e aligabo bonogo ena nogo si megi augwaligo kęai dao, kalabus bidi ebo ąǫ yalio. Magi basowe? Eno homugo te da Israel bage tonalubo bidi te Godigo dabolo nosali mawaibao, tama te sogo pedalobo eno tonaluyu bidibo dao. Tama tibaso, augwaligo ena kalabus mawai dao,” te po wai.

Godigo Nogi Ugwaba Sabo Tęąbi Po Wabo Buku Dabe 107:16

Agai augwaligo te brasgo nigali sunumi dabe aluali, tama te kalabus be bagulali obo ain ba aluama, togogo pai dao.

Godigo Nogi Ugwaba Sabo Tęąbi Po Wabo Buku Dabe 68:6

Agai te bidi me we agaduba deli bidibaso, te be menama, tama augwa tede bugagia bidimainu ebo dao. Tama agai te kalabus bidi dabe augwa te kalabus silimainu elama, tama augwa pesagede te bugagia bidimainu ebo dao. Tiali goli, te sę hagoma ebo bidi dabe, teda dwai pesageba mu bidigi paibao.

1 Samuel 7:17

Agai te bulu dabede sę silibo si da, teda aga te aga bidali bulu te Rama buluba ma peyu yai. Tama agai te bulude me te po tų odali. Tama te Ramade agai te Genuai Bidigo alta me deli nigai elaluali.

Jeremaia 39:9

Te Nebusaradan, aga te Babilon ami dabego polalubo ofisa bidi te Jerusalemde bidali, agai te Jerusalemde bidaluali we bidi tigidali selama, te augwali Babilonba kalabus igi painu odasa pali. Te Jerusalem tagalama, agaba polobadu wi asali Juda dabe me selama, te agai augwali me te Babilonba kalabus igi peyu, odasa pai dao.

Esekiel 33:21

Te da kalabuside bidibadi kibu be namba 12 wabode, tama te dei namba 4, te namba 10 poluade, te sogo pio te eno Genuai Bidigo bomo ena tigiba asobo gagama yali. Tama te sogo kigamu Genuai Bidigo eno pedauwali ma usu ilama, tama eno po ma wabo usu ilali. Tama elama, tama bidi me deli aselama, tama enabolo te po wali, “Jerusalem polo dolalio,” te po wali. Te boi bidi dabego te Jerusalem hanu dolobo sulama, tama te bidi aga ena bidibo madi asali.

Tuni Bidi Dabego Po Elalubo Buku Si 16:1

Te Asa aga Juda dabego king bidibadi kibu be 36 wabode, Basa te Israel dabego king aga ami bidi dabe selama, tama augwali Juda dabe dali hwįainogo pali. Augwaligo taun Rama selama, tama augwaligo te hanu bagulali obo dąų walama iduali. Te we bidi te Juda buluba ugwa eda idali weyu te sunumi paliyu yali.

Jeremaia 42:7

Te nogo si sogo bidama, nosali Jeremaiago gedu haluasa po gagalama wali, Genuai Bidigo po agabolo mawai dao.