Jeremaia 38:23 - Godigo dwagi yai po buku

²³ Eno te na subaso, te eno koneani, mu tama, te Babilon dabego nago we wai tigidali sela paibao. Te nage me augwalide wi pabo me usu egobeo. Menio. Te Babilon kingo nage pageabi yaibao. Nago te Genuai Bidigo po sela sąbaso da, teda Babilon dabego te taun siago ulaibao,” Jeremaiago te po wai dao.

Jeremaia 38:23 Referans Kwoze

Jeremaia 41:10

Tama nosali, Ismaelgo te Mispade bidali gasa we bidi tigidali selama, te aga dali odasa pai. Augwali te Mispa tagalama, augwali te Amon tǫ kantriba pabo sunumidu pali. Te we bidi dabe te Nebusaradan hani dabego, te Babilon ami polalubo ofisa bidigo, te Gedaliago Mispade tonalumainogo taga pali we bidi dabe dao. Tama te Juda kingo wegi dabe augwali dali bidai dao.

Jeremaia 39:6

Te Babilon dabego te Sedekaiago ogwa dabe me te Juda tobolu bidi dabe selama, tama augwaligo augwali te Ripla teba odasa asali. Tama te bulude Nebukatnesargo te po obaso, te Sedekaiago ogwa dabe te Sedekaiago gedude augwaligo ela muai. Tama te Juda tobolu bidi dabe me augwaligo ela muai dao.

Jeremaia 38:18

Tialima, te Babilon dabego nage somainogo isąbaso da, teda Genuai Bidigo augwaligo te taun somainogo ilama, te augwaligo isigo ulaibao. Tama nage digi te augwalide wi pabo usu egobeo,” wali.

Te Israel me Juda Hani Sigo Tuni Bidigo Po Elalubo Buku Si 25:7

Te Babilon hani ami bidi dabego te king Sedekaiago ogwa dabe me oda sali, tama augwaligo te Ripla hanuba augwali odasa asali. Tama te bulude te king Nebukatnesargo te po wai, tama te augwaligo te king Sedekaiago ogwa dabe te augwaligo te augwa aya Sedekaiago gedugo tonalubadi yaide, augwaligo ela muani. Tama te kingo te po wali, tama augwaligo te king Sedekaiago gedu ge si dia sąyani. Tama augwaligo aga nogo sągą dabe te aligabo bonogo dunama, tama te Babilon buluba kalabusiba mugi pali.

Esekiel 43:3

Tama te sę yali eno nade megi ebo eno subo ąǫ yali. Te da te eno polobadu suali te na yali te na tiwai mu ma yali, te aga te Jerusalem dolainu asali sogo, tama te eno te Babilon bulu ąį Kebarde polobadu suali na tiwai ma suali. Eno te ula sulama, tama eno bogoli sugunama, tama eno gesabidi tǫba pogulama elaluali.

Esekiel 14:9

“Te tobage bidi me deligo te profet homu bega sabo po obaso, te profetgo po me deli agaba pusa mawai baso da, teda te sę page e tiwai, ena digi eno te profet bidigo homu kone tuą palobaso, agai te po pusubao. Tama te profet bidibolo eno dwai dene menama, te eno hani we bidide aga ela gudulaibao,” te tiwai po wali.

Jeremaia 6:12

“Eno te tǫ kantride bidibo we bidi dabeba te dwai dene sabo sęgę mawaibao, tama eno te gasa hanigo te be dabe, me tǫ, me we dabe somainogo yaibao,” Genuai Bidigo te po wai.

Jeremaia 37:8

Tama te Babilon dabe ma aselama, te Jerusalemba hwįnama, te taun saibao. Tama augwa taun te isigo ulaibao.

Jeremaia 38:24

Tialima, Sedekaiago Jeremaiago po wei ponoyu, te tiwai po wali, “Da sigo te po miani po te gasa bidiba me olamuo. Nago te po hanilama pusali da, te nage isaibao.

Jeremaia 39:5

Tiali goli, te Babilon ami dabego te augwali pobeasa pelama, te malu tǫ pesage dolo te Jeriko taun pąde Sedekaia pabo madi pedelai. Te augwaligo aga pageabi elama, te king Nebukatnesarbolo odasa pali. Te sogo king Nebukatnesar te taun Riplade bidai, te tǫ pedai Hamat tǫ tomode bidalio. Tama Nebukatnesargo Sedekaia sulama, te po walio, Sedekaia te aga yali dwai sęde dwai dene saibao wali.

Esekiel 17:15

Tialima, te Juda kingo agai dąų walali bomai po wali pabeo. Agai te Isipba po ola tolama, te hos dabe me te genuai ami bidi hani dabe aselama, aga tau sagasao wali. Te Isip king bidi da, te si wabo ba kemodage tiwai dao. Tialima, te king aga bugagia bidaiba homu elama yali da, agawe? Menio. Agai te Babilon kingo po sela sąbaso, tialima te Babilon king aselama, te agabolo dwai dene mawaibao,” wali.

Israel Hanigo Namba 4:18

“Te Kohat hani augwali eno doado bage munaluboba pąba asobo si da, dagego augwali bugagia tonaluao. Tiyu, augwaligo dwasianu sę me geda muai digi, eno augwali ela muidalio. Tama tialima, Aron aga ogwa dabe dali augwali te be tomoba bolo pelama, tama te Kohat hani dabe deli deligo sę bolo yao, tama augwalibolo mena nai dabe augwaligo tolabo po walao.

Jeremaia 21:10

Ena Genuai Bidi, eno po dolo obao, eno te Jerusalem bugagia elalumainaohomu me egobeo. Menio. Eno te taun dolabo homu ebao. Eno te Babilon kingo te taun somainogo yaibao, te agaiaga ami dabebolo te taun isigo ula olama, tama te tauntigidali mu dolaibao,” te po wai dao.

Jeremaia 34:3

Sedekaia, te nage agade wi me pogobeo. Menio. Te augwaligo nage pageabi elama, te nage agaba sela pelama, te duga si dolalu, po miaibao. Tama augwaligo nage te Babilonba odasa paibao.