Jeremaia 37:19 - Godigo dwagi yai po buku

¹⁹ Nago profet dabego te profet po te tiwai pusali, ‘Te Babilon kingo nageba me, te tǫ kantriba me, hwįagasogobeo,’ wali. Tialima, megi da, te profet dabe mena bidibawe?

Jeremaia 37:19 Referans Kwoze

Jeremaia 2:28

Tiali goli, tega! Juda te dage tau somainogo duga digi te nigali god dabe mena bidibawe? Augwa namba te duga taun dabe namba tobage gagawai yali. Te dageba sęgę me pedalubo sogo, augwaligo digi dage tau somainao, te augwali usu elalubaso da, te emainao,” wali.

Jeremaia 29:31

“Jeremaia, nago te tigidali Juda dabe te Babilonde kalabus bidibo haniba te pas tolao. Augwaliba te tiwai po wao, Genuai Bidigo te Semaia te Nehelam bidide homu kone palama, te po wali, eno te Semaia dageba me tagala palobeo, tialima, agai te profet po dageba pusubaso, dagego te tibo po homuba dąų omainogo yai.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Jeremaia 8:11

Eno we bidi dabe genuai keni dabe elaluali, tiali goli, te pris dabe me profet dabego te keni dabe sulama, te olo nai subo tiwai yalio, tama augwaligo bugagia sisibeo. Augwaligo te tiwai po te we bidi dabeba weyu yali, ‘Dage homu kone tuą pigio. Da bugagia bidibao.’ Tiali goli, menio. Augwali bugagia me bidibeo.

Jeremaia 6:14

Eno we bidi dabe te genuai keni elaluali, tiali goli te pris dabe me profetgo te keni sulama, te olo nai tiwai sula tagaliyu, te augwaligo bugagia marasin me mubeo. Augwaligo te tama po te we bidi dabeba weyu, ‘Dagego moni homu me igio. Da bugagia bidibao.’ Tialima, menio. Augwa te bugagia me bidibeo.”

Te Israel me Juda Hani Sigo Tuni Bidigo Po Elalubo Buku Si 3:13

Elisa agai te Israel bidi dabego king bidi subaso, tama agai te po wai, “Magi baso nage ena pageba asobawe? Nage pao, tama te polobadu naga aya me, te ida me, augwaligo pelama, te hanalugi pali te profet bidi bageba pao,” wali. Tiali goli, te king Joramgo te po wei ponoyu, e tiwai po tama wali, “Menio. Genuai Bidi aga digi te da sela king bidi dabe sisinama, tama da te Moap hanigo king nogoba muainu ebao,” wali. “Tama tibaso, da nage pageba asai dao,” wali.

Te We Bidi Dabego Jerusalem Hagede Gela Wali 2:14

Te nago profet sibigo te nade subo nai tiwai suali po olama, tama augwaligo nage dali ili po naga walio. Tama augwaligo nage ili po ola mayu, augwaligo nago yali dwai sę hanilai menio. Te nage tau selama, te dwai sę tagalama, tama nage bugagia bidimainu tau me sabeo. Menio. Augwaligo Godigo po pusubode ili po walio. Tama augwaligo pogo nage kegasa bilama, mu tagalalio.

Bomai Po 32:38

Dagego augwaliba sipsip ili me wain dabe ofa yai dao. Teda megi augwaligo dage tau somainao. Augwaligo dage dwai madi bidibo ma oda somainao.

Esekiel 13:2

“Tǫde bidio, nago te Israelgo profet dabe wado ilao. Te profet augwaligo te nosali nai dabe pedelabo po obao. Tiali goli, augwaligo tibo po obao. Te po augwa homude nigilama wali. Nago augwaliba te po walama, te augwaligo ena Genuai Bidi eno poba naga olo bugagia muao wao.

Esekiel 13:6

“Te profet dabe augwaligo ną ebo mu menio, te nai dabe pedelaibao po augwaligo obaso da, te tibo naga waibao. Augwaligo te tama po weyu, ‘Dago te Genuai Bidigo po pusubao,’ wali. Tiali goli, eno augwaliba te po me mabeo. Tialima, magi elama augwaligo te homu eyu, te augwaligo po mu pedalugowe homu yaliwe?”