Jeremaia 37:17 - Godigo dwagi yai po buku

¹⁷ Tama nosali, Sedekaiago augwaliba walama, te Jeremaia odasa aselama, te kingo beba suagasao wali. Tialima, Sedekaiago agai yali sę augwaligo sumainogo me ebeo. Augwaduba si naga bididu, te Sedekaiago Jeremaiabolo te tiwai po hanalu wali, “Genuai Bidigo nagebolo po me deli maniwe, ma meniwe?” Tama Jeremaiago te po wali, “Awe, Genuai Bidigo po me deli mawai. Te po e tiwai dao. Augwaligo nage te Babilon kingo nogoba mueibao.”

Jeremaia 37:17 Referans Kwoze

Jeremaia 21:7

Te ena Genuai Bidi, eno te tiwai po maobao. Hauwa we bidi te gasigo isiyu, me te hwįbode, me te nai menia siyu me isaibao. Tama nosali te enoking Nebukatnesar me aga ami bidi dabego dali, te king Sedekaia dali, aga ami ofisa dabe me, te bidaluali webidi dali, sela paibao. Te boi bidi dabego dage elainogotonalubao. Te Nebukatnesargo po obaso, te augwaligodage te bainat hwągo ela mueibao. Te agai dage homudene me isąyu, te olo tau sabo kolesaga yaiba homume egobeo. Te agai dage me deli bidimaina olama mesula tagalogobeo.’”

Jeremaia 38:5

Tialima, king Sedekaiago augwaliba te tiwai po wei ponani, “Te dage nogode bidibao. Eno dage me paligobeo,” wali.

Jeremaia 37:3

Me sogo deli sogo king Sedekaiago Jehukal tagala palali, te Selemiago ogwa, te pris Safanaia dali, te Maseago ogwa, te profet Jeremaia sugi pelama, agabolo te tiwai po wali, “Kingo homugo nago te Godiba gedu haluasa po omainogo yali, te dago Genuai Bidi dao, te agabolo hanaluama, te da tigidali bugagia bidainogo obao,” wali.

Jeremaia 24:8

“Te ena Genuai Bidi, te eno Juda king Sedekaia dali, te aga ofisa dabeba me dwai sę eyu, te Jerusalem augwa page bulude bidalubo we bidi dabeba me, ma te Isipba pali hani bidiba dwai sę yaibao. Te hani dabeba eno dwai sę ilaibao, te bidigo ni kaya fikbolo dwai sę ilama, te bidigo tusąbo dwai mu ilali tiwai yaibao.

Te Israel me Juda Hani Sigo Tuni Bidigo Po Elalubo Buku Deli 22:16

Tiali goli, Ahapgo agaba te tama po wali, “Tibo po tagalao. Sesemane sogo eno nagebolo weyu, te nago Genuai Bidigo nogide mu po naga omainogo yai. Nisu sogo nago po odaibawe?” wali.

Dwagi Yai Gesi Po Makgo Asęani 6:20

Magi baso meni, Herot aga te Jonde wi yai. Agai koneani, Jon aga te wiegi yai tama doloba pai bidi bidali. Tama agai te aga bugagia tonaluali. Agai te Jongo pusubo po odama, tama aga homu hauwa elama, tama aga homu sęgę iduali. Tiali goli agai te agai po odobo te godolo mu yai.

Jeremaia 15:11

Tialima, Genuai Bidigo enabolo te tiwai po wali, “Haliga sęgę ebo tagalao. Te eno nage tau siyu, te nage bugagia bidaibao. Te eno boi bidi dabe nageba asomainu eyu, te nago augwali sęgę ebo sogo, me te dwai sogo, augwali gegebo sogo te nago augwali tau somainu hanalu wagasomainogo ilaibao,” wali.

Te Israel me Juda Hani Sigo Tuni Bidigo Po Elalubo Buku Deli 22:15

Te Mikaia pelama, te king Ahapba sabalubo si da, teda Ahapgo agaba te tama po hanalu wali, “Mikaia, te dago Ramot taun ma sainu hwįgi pobaso usu yaibawe, ma meniwe?” Tama Mikaiago te kingba posobo po wabo homu ebo po te tiwai wai, “Magia! Te usu da, nago hwįgi pelama da, te taun nago saibao. Genuai Bidigo nage tau sobaso, te nago augwali aiyaba elalueibao,” wali.

Jeremaia 52:8

Tiali goli, te Babilon ami bidi dabego te king Sedekaia pobeasa pelama, te augwali agaba te malu tǫ bulu te Jeriko taun pageba sabolai. Te Sedekaiago ami bidi dabego aga tagalama, wi tedela palio.

Esekiel 7:26

Te dolobo sę haniani augwaliba pedaludu geaibao, tama augwaliba te dwai nai dabe hauwa pedelabo po odu geaibao. Tialima, augwali wi ebaso, augwali te geme nosali pedelabo sę po pusubo bidi profet dabeba pelama, tama augwaliba hanalu te eno homude ebo yabo sę po hanilabo po koneai hagede yaibao, tiali goli te eno po augwaliba me magobeo. Te pris dabego augwali ola mabo po meni yaibao, te tobolu bidi dabe augwaligo te wiegi yai homu kolesaga augwaliba maiabo meni yaibao.

Israel Hanigo Namba 23:17

Tialima, aga ma pelama, te Balak te Moap tuni bidi dabe dali te isigo sese dela silibo te ofa pagede dolalubo suali. Tama Balakgo Balambolo hanaluyu, te po wali, “Genuai Bidigo nagebolo mena po maniwe?”

Te Israel me Juda Hani Sigo Tuni Bidigo Po Elalubo Buku Si 25:7

Te Babilon hani ami bidi dabego te king Sedekaiago ogwa dabe me oda sali, tama augwaligo te Ripla hanuba augwali odasa asali. Tama te bulude te king Nebukatnesargo te po wai, tama te augwaligo te king Sedekaiago ogwa dabe te augwaligo te augwa aya Sedekaiago gedugo tonalubadi yaide, augwaligo ela muani. Tama te kingo te po wali, tama augwaligo te king Sedekaiago gedu ge si dia sąyani. Tama augwaligo aga nogo sągą dabe te aligabo bonogo dunama, tama te Babilon buluba kalabusiba mugi pali.

Jeremaia 25:35

Tama dage tonalubo bidi dabe, te dage wi pelama, geme dula sigi pabo pesage meni yaibao, te dolobo sę dageba ela somainogo te tama tebo usu me egobe dao.