Te Jerusalem pąde elalubo tǫ da, te doloba pai tǫ malu pedelaibao, te taun Geba te not badu gagalasa te pali, te taun Rimon te Jerusalem te sautba usu naibao. Te Jerusalem taun naga te bulu du me deli ugadu daide elalueibao. Te Jerusalem bagulali obo banis te polobadu elaluali tiwai dąįba usu naibao. Te Benjamingo taun sunumide gagalasa pelama, te Dagebadu Sunumiba te dąį usu naibao, te pesagede polobadu sunumi deli elaluali. Tama te dąį Hananelgo Tauade gagalasa pali, te kingo wain nigali pesageba usu nigi paibao.
Jeremaia 37:13 - Godigo dwagi yai po buku13 Aga pelama, te Jerusalem genuai obo sunumiba sabaligi pali, augwa nogi eyu Benjamingo Sunumi da wali. Tama ami augwa tobolu bidi ofisa me deligo te we bidi ugwa peyu, eda asu ebo sunumide tonaluali. Te ofisa bidi nogi, Iriya, te Selemiago ogwa, te Hananiago bulali wąį. Tialima, Iriyago Jeremaia pageabi elama, te po wai, “Eno koneani, nage wi pelama, te Babilon dabe dali bidigi painogo ebao,” te po wai. Gade chapit la |
Jeremaia 37:13
20 Referans Kwoze
Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.
Jeremaiago te tiwai po te we bidi dabeba pusali, “Genuai Bidigo te po wai, te taun tomode bidibo we bidi dabe, te augwali isaibao. Te boi bidi dabego augwali ela munama isiyu, ma augwali te nai sǫą pelama isiyu, ma te dwai gasigo augwali dolama isiyu yaibao. Te augwali bidibo ula dali bidabo homu eyu da, augwali te taun tagalama, te Babilon ami dabeba pao. Augwali te Babilon dabego tola somainogo elama, te augwali isidali weyu tiao. Tama me, Genuai Bidigo te tiwai po wali, ‘Eno te Babilon kingo ami bidi dabego te taun somainogo yaibao,’ te po wai,” Jeremaiago wali. Tama kingo ofisa bidi mebago Jeremaiago te po wabo odali. Augwali nogi e dao, Sefatia, te Matango ogwa, te Gedalia, te Pasurgo ogwa, me Jehukal, te Selemiago ogwa, te gasa Pasur, te Malkiago ogwa dao.
Te tauntomode bidaiba homu ebo we bidi dabe, te augwaliisaibao. Te boi bidi dabego augwali ela muyu, ma augwalite nai sǫą pelama isaibao, ma te dwai gasigo augwalidolama, isiyu yaibao. Te augwali bidabo ula elalueibahomu ebo we bidi da, augwali te taun tagalama, te taunbagua sagasobo Babilon bageba pabo usu dao. Tamaaugwali te Babilon dabego nogo pageabi emainu yao, tiyu da, te augwali me isigobeo.
Eno odali, te bidi hauwa augwa hasi pomu po dua digi mia siyu, te tiwai po obao, “Jeremaia aga te po wabo bidi, ‘Te bidi dabe wi ilibo sę eyu, te tigidali badu bidaibao.’ Tegoba, dago aga po tų ilaibao. Te megi tama po tų ilinao,” augwaligo te po wabo. Te eno hai namu tigidaligo homu te dwai sę enaba pedelama, te ena aiyaba elalumainao homu ebao. Tama augwa te tiwai po wali, “Te dago aga gaga munama, te dago aga aiyaba elaluama, te agai yali dwai kolesaga wei ponaibao,” te po wai.
Te we bidi dabego te tama po wali, “Tegobao, dago te Jeremaiabolo magi sę yabo sunumi gegeinao. Agai po te mu po me wabeo. Te pris dabego augwa bomo yai po dabolo pusubo sę me tagalogobeo. Te wiegi yai homu kolesaga me koneai bidi dabe, augwa wiegi yai po me tagalogobeo. Tama te profet dabego me, te augwa profet po pusubo sę me tagalogobeo. Tama tialima, dago te Jeremaiago poba olo me mugobeo. Menio. Dago aga po tų naga inao,” te po wali.
Tama bidi mebago dago nogi ugwaba sabo dao, tama bidi mebago da nogi aiyaba elaluyu ebo dao. Mebago posobo po dwai dabolo wabo, tama mebago gasa bidi dabe augwalibolo te dago wiegi yai kolesaga ebo po pusubo dao. Boi bidi dabe augwaligo da tibo po weyu, te we bidi dwai sę tomoba kegebo bidi da homu ebo dao, tiali goli menio, dago mu po naga wabo dao.
Te Amasia, aga te Betel taun pesagede lotu wabo pris bidi dabego tobolu bidi, agai te Israel king bidi Jeroboamba po ola tolali. Agai te tiwai po wali, “Te nago tonalubo tǫ tomode digi te Amosgo te Israel we bidi augwali haliga hodoliyu, dianobo sę eyu, nageba augwaligo boi bidi homu emainogo ebao. Te nago aga sula tagaludubaso da, teda agai pogo te tǫ kantri dolaibao.
Tialima, aga te kingo beba aiya dulali. Tama aga te kingo kuskusgo be habu tomoba pali, te tigidali kingo tobolu bidi ofisa dali, te kuskus Elisama te sisinama, po mibo be habu elaluali. Te ofisa dabego nogi e tiwai dao, Delaia, te Semaiago ogwa, Elnatan, te Akborgo ogwa, me Gemaria, Safango ogwa, me Sedekaia, Hananiago ogwa dao. Te gasa ofisa tigidali me bidalio.
Ena te Israel God, ena Tigidali Bomo Elalubo Genuai Bidi, eno te tiwai po obao. Ena digi eno augwaligo aingo nigai domabo nai selama, eno te we bidi dabeba, me te tǫ kantri dabeba, muna muna paibao, te augwali Babilon king Nebukatnesargo olo sę ebo bidi bidalueibao. Tama eno te bulu uni hasa sibi tigidali me agaba mani, te augwali me aga dologode bidaibao,” Genuai Bidigo te po wai.’ Nago te po Hananiabolo pusigi pao,” Genuai Bidigo Jeremaiabolo wali.
Piblisite