Jeremaia 36:30 - Godigo dwagi yai po buku

³⁰ King Jehoiakim nago te tobage po wali, tama ena Genuai Bidigo, eno nageba homu koneama, eno te po obao, te nago hani bidi me deli te king pedelama, te Devitgo sia kingde me dugulalugobeo. Te Jehoiakim nage isibo si da, teda augwaligo nago tigi te tǫba sąnama, te giligago posolo ilama, te hulide ais agaba tulalueibao.

Jeremaia 36:30 Referans Kwoze

Jeremaia 22:30

Genuai Bidigo te tama po wali, ‘Te bidide po te tiwai asęao. Te bidi te wai meni yai bidi tiwai elaluali. Tigidali sę agai ebo te wiegi yai me pedalugobeo. Magi baso meni, te aga wai hani dabe me deligo te aga sę yali pesage selama, te Devitgo sia kingde dulalu, te tǫ kantri Juda tonalugobeo,’” wai.

Tigidali Nai Gagalama Nigali Side 31:40

Ena e tama bididuali, hauwa sogo te giliga posologo ena mu dolali. Tama hauwa sogo hulide me te kedaugo ena dolali, tama ena bugagia godege me pibeo.

Jeremaia 8:2

Te Juda dabego te giliga, me polua, me hǫ dabe, te godolo homu mu yalio. Tama augwa te nai dabeba kidu sugunama, gedu haluasa po augwaliba weyu, te augwali tau somainu augwaliba hanalu wali. Te augwaligo te tobage kolesaga dabe augwaliba lotu weyu ebo sę dabe yali. Tama tibaso, te boi bidi dabego te Juda dabego tigi dili dabe selama, te tǫba sąyu, te yowigo di tabo tiwai yaibao. Te giligago, me poluago, me hǫ dabego te tigi dili sueibao. Tama te dili dabe selama, te ma pubulabo bidi dabe meni yaibao.

Jeremaia 52:2

Sedekaiago te king Jehoiakimgo kolesaga wali pelama, tama agai Genuai Bidi gedude dwai kolesaga yai dao.

Kolesaga Koneai Bidigo Pusali Po Elalubo Buku 6:3

Te bidi me deligo wai dabe te bidi sese a naga, te 100 elaluali bidi te kibu be hauwa bidali. Tiali goli, aga wiegi yai doado bagede wiegi yai pemene isąyu, tama te aga isibo sogo augwaligo aga bugagia me pubalusiąyu da, teda te dwai mu yali. Eno mu po tama obao, te wai bǫų me deli aga idago haligade isali waigo, agai te bidi aiyaba elalualio, te bidi te umabo hauwa kibu be te tǫde bidali digi tagalao.