Jeremaia 36:24 - Godigo dwagi yai po buku

²⁴ King dali, aga ofisa dabego me, te bukude po tigidali odali, tiali goli augwa te wi dwasianu me isąma, te augwa ugwa dabe pisilama, te augwa yali kolesaga homu dene ebo me ola mabeo.

Jeremaia 36:24 Referans Kwoze

Jeremaia 36:16

Augwaligo te bukude nedali po tigidali odama, te augwali wi elama, te midigi dwai mu siyu, te augwa hasiba digi tonono palio. Tama augwaligo Barukbolo te tama po wali, “Mu tama dao, dago kingba te sę yabo po dabe pusugi paibao,” wali.

Godigo Nogi Ugwaba Sabo Tęąbi Po Wabo Buku Dabe 36:1

Agai dwai sęde sali sęgę te dwai bidigo haligade elalubao, tama te po meba agabolo mabo dao. Te bidigo te Godide wi me egobeo. Mu menio. Agai aga tudiba muaibao.

Jona 3:6

Te Ninive tuni bidigo te Jonago pusagasali po odama, tama aga te dualaluali gasagi yai wiegi yai duabo sai tagalali. Agai te wiegi yai au yali ugwa sela sąnama, tama homu dene ebo gudubo ugwa munama, tama aga te sia keli daide bidalio.

Aisaia 36:22

Tiali goli, te Asiria ami ofisa bidigo wali pogo te Eliakim, me Sepna, me Joa te haliga sęgę mu ilali. Tama augwa gudali ugwa pįsilama, tama augwali pelama, te ofisago wali po tigidali te king Hesekiabolo pusigi palio.

Godigo Nogi Ugwaba Sabo Tęąbi Po Wabo Buku Dabe 64:5

Augwaligo augwa digi dąų waliyu, tama te dwai kolesaga ebo dao. Augwaligo te gasa bidi tola somainu yabo te bono gągą muabo po miani. Tama augwa te tama homu yali, “Te mena bidi me deligo te da me sugobeo,” wai.

Te Israel me Juda Hani Sigo Tuni Bidigo Po Elalubo Buku Deli 21:27

Ahapgo te Elaijago po odali sogo da, teda aga homu dwai dene mu yalio. Agai aga ugwa pisilama, te homu dene ola mabo ugwa gudalio. Tama aga nai tubo habu selali. Tama aga hulide me te homu dene ola mabo ugwa dali piali. Aga moni homu hauwa mu elama, te aga homu pemene dali sę me ebeo.

Polgo Po Pas Rom Dabeba Asęani 3:18

Augwaligo te God dali wi dwasianu me ebo menio,” te po te bukude polobadu asęani.

Matyu 12:41

Tama Godigo we bidi augwali dagalobo sogode te Ninive hanu we bidi dabe augwali te po tųde dolaluyu, tama dage megi bidibo we bidibolo te augwaligo dwai kolesaga yali po pusaibao. Magi baso meni. Polobadu mu Godigo po pusa mani bidi nogi Jona agai te Ninive we bidibolo Godigo po pusa mobadi yaide, augwaligo odama, dwai dwai sę yalide ge neyu, tama tagalama homu begelai dao. Tiali goli Jona aiyaba elalubo bidi me deli pedelama, tama megi dage tomode bidibao.

Jeremaia 5:3

Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Jopgo Po Asęani Elalubo Buku 15:4

Te tobage pogo te we bidigo kolesaga dolama, tama augwali God dologode me elalugobeo, tama aga me kone egobeo.

Tigidali Nai Gagalama Nigali Side 37:29

Nosali te gomunai ama Ruben te ma aselama, te tǫ dedageba tonani, tiali goli Josep tede me bidibeo. Aga te homu dene elama, tama aga gudali ugwa pisą yali.

Tigidali Nai Gagalama Nigali Side 37:34

Tama Jekopgo aga ugwa pisilama, tama agai te dwai olo ugwa te aga ogwade homu dene ebo te ola mayu ebo, te ugwa gudali. Tama agai te wai hagede gela wabo te sesabi elama, mu wai.

2 Samuel 1:11

Devitgo te po odama, tama aga haliga sęgę mu elama, tama aga ugwa pisa yali. Tama aga ami bidi dabego me te tobage deli kolesaga tiwai naga yalio.

Aisaia 37:1

Hesekiago te Asiria dabego po odobo si da, teda aga haliga sęgę mu elama, te aga ugwa pįsawalio. Te agai homu dene ebo ugwa gudama, te Genuai Bidigo tempel be tomoba palio.

Ma Dobola Sali 7:23

Tama tuni bidi aga beba ma pelama, te sogo yali sęde me agai homu midigi siyu hodalobeo.

Godigo Nogi Ugwaba Sabo Tęąbi Po Wabo Buku Dabe 36:2

Agade digi aga hagoma eyu, te homu ebo da, “Ena te polalubo bidi mu da,” waibao. “Tama tibaso, Godigo te eno ebo dwai sę dabe te me gegegobeo elama, tama agai ena po tų me iligobeo,” wabo dao.