Jeremaia 36:22 - Godigo dwagi yai po buku

²² Te polua 9 wabode te sę dabe pedelali, te kedau sogo ebadi. Te sogo te king aga te kedau sogo bidibo bede bidibadi dao. Aga te isi pąde dugulalu, te aga tigi posolo iliyu, isi gogo neduai.

Jeremaia 36:22 Referans Kwoze

Amos 3:15

Te eno te bidi dabe augwa te kedau sogo bidainu sę yani wiegi yai be dabe dolaibao, te augwa giliga posolo ebo side bidainu sę yani, te tobage sawi yai be me dolaibao. Te be dabe augwa te moni hasa elefan kelego au ilali, augwaligo te tigidali alulama, olo nai hogomu tiwai pedelaibao. Te tigidali genuai be dabe me mu dolaibao,” Genuai Bidigo te po wai dao.

Jeremaia 3:20

Tiali digi, menio. Dage Israel we bidi hani, dagego ena tagalama, te wego aga bidi tagalobo tiwai yali. Ena Genuai Bidi, eno te po wai dao.”

Te Israel Tobolu Bidi Dabe 3:20

Te gavman tuni bidi agaduba deli te kedau asobo be habu te ugwadu daide dulaludali, Ehut agaba asama te po wali, “Eno te nago po te Godidu asali po me deli te nage dali wabo po elalubao,” wali. Te gavman tuni bidi dolugulali,

Esra 10:9

Augwaligo te tama po pusulama, te sela sogo nosali, te 9 polua dei 20 wabode, te tigidali Juda hani we bidi, me te Benjamingo hani me, te Jerusalemba sabolama, tama te Godigo tempel be pąba sisinibo pesage teba sisinai. Tama te sogode te genuai tulubage tulama, tama te tigidali bidi te tulubage dolama, tama augwali gogo elama, didibili ilalio. Tama me te augwaligo te wainu yali pode te moni homu elama, tama augwali te midigi dwai siyu iduali.