Biblia Todo Logo
Bib sou entènèt

- Piblisite -




Jeremaia 35:15 - Godigo dwagi yai po buku

15 Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Gade chapit la Kopi




Jeremaia 35:15
31 Referans Kwoze  

“Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.


Tama hasia bolo eno te Damaskus we bidi pageba pali. Eno augwalibolo te po tama pusa mani, ‘Dagego dwai kolesaga ebo sę tudiba sąnama, dage God pageba asao. Tama dagego dwagi yai kolesaga ebo tigidali we bidi augwaligo sulama, dwai kolesaga tudiba sąyani konemainao,’ wali. Tama eno te po Jerusalem we bidibolo me, te Judia tǫ tomode bidibo we bidi tigidalibolo me, te Israel hani isąwai we bidibolo me, eno te po tama augwalibolo pusali.


Te dagego eno po wali pobaso da, teda sesemane sogo te king dabe Devitgo hanide pedaludaibao. Tama te king dabe te hosde me karisde dugulama, te kingo be oboba iba soyu, eda asiyu yaibao, te augwa sę eyu tiaibao. Te ofisa dabe me te we bidi dabe te king dali bilaibao.


Tama tibaso, e po odolama ela pabo bidi, te bidi agai e tǫde bidigo po naga tudiba mubeo. Te bidi agai Godigo po odolama ela peyu, aga tudiba muani bidi dao. Te God agai naga dagebolo te Dwagi Yai Mobo Bidi mani God da, te Mobo Bidi agai dagebolo mani, dage Godigo we bidi mu bidimainogo.


Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.


‘Te a naga olama, me badu si te kibu be tigidalide, dagego te duga abagi dabe te olo sę ebo bidi me we dabe te tagala palama, te augwa olo pomainao. Te abagi dabe dagego olo sę ebo bidi, me olo sę ebo we dabe, te dagede olo sę ebaso da, teda augwaligo dagego sę ebo te kibu be a naga me badu delide naga sę emainao, tama nosali dagego augwali olo tagala palao.’ Te dagego wąį dabego te po koneani, tiali goli, augwaligo eno po odama, te augwaligo wali pabeo,” wali.


Tama tialima, megi da, dagego te duga bilibo kolesaga dodolao. Tama dagego te Genuai Bidigo po wali pao, te dena God dao. Te dagego tama tibaso da, teda Genuai Bidigo homu hasegelama, tama agai dage dolabo sę me egobeo, te agai po weyu, te sę yaibao po wali.


Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.


Genuai Bidigo te tama po wai, “Dage Israel, te dage ma begasa asabo homu ebaso da, teda dage enaba naga asiąo. Dagego te dwai kugumini yai tibo god eno gedude mubo te sela sąyao. Tama dagego ena sesemane sogo wali asiąo,” wai dao.


“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.


Dagego Genuai Bidi dago God godolo mu elama, tama agai po wali pelama, tama agaba mu homu tigidali sogo kęą peyu yao. Tama tilama da, dage me duga wai puluba dabe me, dage bobobage sogo mu te Genuai Bidigo dago wąį dabebolo mawaibao wali te tǫde dage bugagia mu bidaibao, te Abraham, me Aisak, me Jekopbolo mawaibao olama, po dąų walali tǫde bugagia bidaibao,” Mosesgo te po wali.


“Nago ena deli naga wali asao. Nago te tibo god me wali pelamo dao.”


Dagego te dage pąde bidalubo te we bidi dabego tibo godiba lotu po me olamuo.


Tiali goli, wąį nǫų dabego te po odama, wali me pabeo. Menio. Augwa te dwai homu kolesaga naga elaludu, te augwa hagoma elama, augwa homu kolesaga wali naga pali. Eno augwaliba te dąų wali bomo yai po wali piąo wali, tiali goli, augwa hagela homu yali. Tialima, eno augwaliba te dene mabo sę yali, te dąų wali bomo yai pode wali gilama te tama tiai dao,” wali.


Te dwai kolesaga ebo we bidi dabe, augwa olo pania selama, te eno po odobo hagela homu yali. Augwa hagoma eyu, augwa homu kolesaga wali pabo dao. Augwa tibo god wali peyu, te augwaliba lotu wabo dao. Te we bidi dabe dolaibao, te ugwa dolali tiwai elama, te bidi dabego agade magi sę me egobeo.


Te augwali eno sisinama po mibode bidigi sogo da, te augwaligo eno we bidiba te mu po dolo pusugi pobao homu igi da. Tama te pogo te we bidi dabe dwai sunumi bilali tagalu, te augwa yali dwai kolesaga tagaligi da homu ebo dao.”


Hauwa sogo polobadu Genuai Bidigo profet dabe, te aga sę bidi dabe, dageba tagala paludu geai, tialima, dagego hagoma eyu, te augwaligo poba olo sagana mubeo.


‘Te eno sę bidi, te eno profet dabego, dagebolo mabo po tigidali te wali pao. Hauwa sogo eno te profet dabe tagala palama, te dageba po pusagasali, tiali goli, dagego augwaligo po wali me pabeo.


Ena Genuai Bidi, eno te sę augwaliba yaibao, magi baso meni, augwaligo eno po sela sąwani. Hauwa sogo eno te profet dabe tagala palama, te eno sę bidi dabe, dage Israelba tagala palali, tiali goli, dagego augwaligo po me odobeo.’”


Augwaligo ena tudiba naga munama, te augwali ena pageba me asobeo. Eno hauwa sogo augwali ola mani, tiali goli, augwaligo eno po odisąyu, ma eno augwali ola momainogo ebeo.


Te tigidali Judago eno te dwai sę augwaliba yaiba po wabo odobaso da, teda augwa homu begelama, te bidi deli deli augwa dwai kolesaga tagalomainao. Tama tiyu da, eno te augwa yali dwai sę yali sęgę elaluali sela sąwaibao,” po wai dao.


Swiv nou:

Piblisite


Piblisite