Te pagede naga tama Genuai Bidigo homude te Jehoiakim kone palali, te Josaiago ogwa, te Juda king bidai. Tama Genuai Bidigo te tama po wali, “Te Jehoiakim isibaso da, teda te we bidi dabego agade te homu dene ebo gela me wagobeo, te po weyu, ‘Hobede mu ebao, eno amao,’ te ‘Hobede mu ebao, eno abeo,’ te wagobeo. Te augwa homu dene ebo gela weyu, te po me wagobeo, ‘Te eno genuai bidi hobede mu ebao,’ ‘Te dago king homu dene mu ebao,’ po me wagobeo.
Jeremaia 34:5 - Godigo dwagi yai po buku5 Menio. Te nage bugagia bidama, te nage isaibao. Te nage isali sogo da, te augwaligo wiegi yai denami ilibo hano holobo pauda te nageba genuai nogi mayu ulaibao, te polobadu nago wąį nǫų dabe te Juda king bidali sogo yali tiwai nageba yaibao. Te augwa hobedai gela weyu, te po waibao, ‘Dago genuai bidi, hobede mu ebao,’ tama waibao. Ena Genuai Bidigo, eno te bomo yai po dąų wali tiwai gilama tiwai pedelaibao,” wali. Gade chapit la |
Jeremaia 34:5
10 Referans Kwoze
Tama tialima, augwaligo aga te augwaligo Devitgo Taun wabo tede pubulali, te masigi dudulawe tomode, aga digi te bidi dabebolo dogao po polo wai madigi. Te bidi dabego te wiegi yai denami ebo pauda me wel si taluama, tama augwaligo te pauda te dedage tomode bet me tomode muai tede gelali. Tama augwaligo kingo tigi te bet saiba ugwaba muani. Tama augwaligo aga hobede ebaso tama augwaligo agai genuai nogi konealuainogo, tama augwaligo genuai isi mu nogoani.
“Ena God Genuai Bidi, ena sesemane sogo bidibo da, eno po dolo tama obao, te Juda king da, Babilon tǫ kantriba kalabus igi pelama, tede bidibadi, aga isaibao,” wali. “Te page te tiwai elalubao. Te Babilon kingo aga te king pedelao obaso pedelali, tialima agai te dąų wali bomai pode hagela homu eyu, te po sela sąyu, te agai te Babilon king dąų wali bomai po bolai dao.
Tama eno te dolobo sę Jerusalemde pedalobo sumainu polo sula tagalogobeo. Menio. Nage bugagia naga mu bidaibao. Tiali goli nosali nage isilama, tama augwaligo nage polo pubulai digi da, teda eno te Jerusalem me tede bidibo we bidi dali sę tama dolaibao,” te po te dage tagala palali bidibolo walao,’ God Genuai Bidigo te po wai,” te we Huldago te po wali. Profet we Huldago Genuai Bidigo po te bidi dabe augwalibolo polo pusa silibo si, teda augwaligo te po king pageba ma sela pali.
Tama te Jerusalem taun bulu dolabo sogo nage dolidali weyu, teda eno sula tagalogobeo. Menio. Nage bugagia mu bidaibao. Tiali goli, nosali nage isibo si, tama augwaligo nage gų pageba pubalobo sogo, teda te eno te Jerusalem taun dolaibao.’ Genuai Bidigo te po wai.” Te profet we Huldago agai te Genuai Bidigo po te bidi dabe augwalibolo mena silali, tama tilama, augwaligo te po te kingbolo pusigi pali.
Piblisite