Jeremaia 34:22 - Godigo dwagi yai po buku

²² tialima, ena Genuai Bidi, te eno po obaso, te augwali ma aselama, te Jerusalemba hwįnama, te taun saibao. Tama augwaligo te taun siago ulaibao. Tama eno te Juda taun tigidali dolama, tama te taun dabe olo elalu, tama bidi tede me bidigobe dao,” wali.

Jeremaia 34:22 Referans Kwoze

Jeremaia 9:11

Genuai Bidigo te po wali, “Te eno Jerusalem dolama, te masigi pesage holali naga elalueibao. Tama te uni yowi dabego pesage pedelaibao. Tama eno te Judago taun tigidali dolama, te taun dabe olo elalu, te bidi meni yaibao.”

Jeremaia 39:8

Tama Jerusalemde te Babilon ami bidi dabego te kingo be me, we bidi dabego be me, isigo ulalio. Tama augwa te Jerusalem bagulali genuai masigigo nigai obo me pebe delama, sąwai dao.

Jeremaia 52:13

Tama agai te augwaligo Genuai Bidiba lotu wabo tempel be, me te Juda kingo be, me te Jerusalem gegunai bidi dabego be, tigidali isigo ula silali. Te genuai dila pai be me deli digi te Babilon dabego me ulubeo.

Jeremaia 52:7

Tama te dei wabo side Babilon augwaligo te masigigo nigai genuai obo habu me deli badu aluama, te Jerusalem tomoba pali. Tialima, te king Sedekaia dali, aga ami bidi dabe me, te Jerusalem tagalama, wi palio. Te hulide augwali pelayu, te kingo giba sabolama, tama augwa te obo ununani sunumidu taun taga soali. Te hauwa Babilon augwaligo te Jerusalem obo bagulali sę elalubadi, te Jerusalem ami bidi dabego Jerusalem tagalama, wi pelayu, te ąį Jordan odogo malu pesage buluba pabo sunumi wali pai dao.

Jeremaia 44:22

Dagego te dwai kugumini yai kolesaga ebaso, tama nosali Genuai Bidi dagego te kolesagade hagela mu yai. Tama agai te tama sę elama, te dagego tǫ dolama olo elalubadi, te bidi bidisiąbadi, te megi e sogoba usu nagasobao. Te gasa tǫ kantri we bidi dabego te augwa boi bidi dabeba dwai po wabo sogo, augwa te tiwai po waibao, ‘Dage te Juda tǫ dolali tiwai gilama dolagameo,’ wabo dao.

Jeremaia 33:10

Tama nosali Genuai Bidigo te tiwai po wali, “Megi da, te we bidi dabego te po obao, ‘Te taun dolama, te bidi me hasa te meni yalubao. Te Judago taun dabe, me te Jerusalem sunumi dabe olo elalubao, te bidi me hasa tede me elalubeo.’ We bidigo te po obao. Tialima, ena Genuai Bidi, eno po obao, nosali te we bidi dabe te bulu pesagede ma bidaibao,

Matyu 22:7

Tama te tuni bidi sębę elama, tama aga te enesigi bidi me te ami bidi dabe tagala palama, augwali pelama, te sę ebo bidi dabe elali bidi dabe augwali tigidali mu ela siligi pai. Tama be me bulu dabe tigidali sia tulama ula silai.

Sekaraia 7:14

Tialima eno augwali te genuai waligo te nai dabe sela sąbo tiwai elama, tama eno augwali gasa kantri dabeba sela sąyu, tedela palai dao. Tama augwaligo dwai kolesaga ebogo te wiegi yai tǫ te dwai tǫ tiwai pedelali. Tama tede bidi me deli tede bidibeo,” Genuai Bidigo te po wali.

Sekaraia 1:12

Tialima te polalubo enselgo te po wali, “Tigidali Bomo Elalubo Genuai Bidi, nago te kibu be 70 usu nama nago te Jerusalem we bidi dali me te Juda hanigo taunde bidibo we bidi dabe dali sębę yai dao. Nisu mu nago augwali dali homu dene eyu tau ma saibawe?” tama wali.

Maika 7:13

Tiali goli, te tǫ kantri dabe te olo masigi kemi tǫ pesage pedelaibao, magi baso meni, tede bidali we bidi dabego te dwai kolesaga hauwa yalio.

Amos 3:6

Te bu wabo nai biugel te taun me deli tomode bu obaso, te boi hwįabo bidi asobao po pusubo tiwai ebo si da, te hanu we bidi augwa wi homu yaibao, agawe? Magia, wi yaibao. Te tiwai naga, te taun me deli dolobaso, dagego homugo Genuai Bidi Godigo te dolabo nai tagala palai dao homu ebo da, agawe? Magia, tagala palai dao.

Te We Bidi Dabego Jerusalem Hagede Gela Wali 1:1

Jerusalem da, hobede mu dao, aga te yǫya pai we me deli tiwai bidibao. Polobadu da, agai we bidi hauwa mu elaluai dao. Tiali goli, tegoba, megi da, aga olo mu te elalubao. Awe, polobadu agai gasa tǫ kantri dabe we bidi tomode genuai nogi elaluai da. Tiali goli, megi da, aga sęgę genuai elalubao, te wilawe we me tiwai dao. Polobadu aga te polalubo kwin we tiwai bidama, agai provins hauwa tonaluai dao. Tiali goli, megi da, te boi bidi dabego aga aiyaba elaluama, tama aga olo sę ebo we tiwai te bidibao.

Jeremaia 38:23

Eno te na subaso, te eno koneani, mu tama, te Babilon dabego nago we wai tigidali sela paibao. Te nage me augwalide wi pabo me usu egobeo. Menio. Te Babilon kingo nage pageabi yaibao. Nago te Genuai Bidigo po sela sąbaso da, teda Babilon dabego te taun siago ulaibao,” Jeremaiago te po wai dao.

Jeremaia 32:29

te augwaligo isi nogolama, te taun siago tigidali ulaibao. Tama te isigo te we bidi ugwaba holama, augwa be pedude te wiegi yai denami ilibo ofa te tibo god Balba iduali alta isigo daibao, te gasa god dabeba te wain ofa geludali. Tama te kolesaga idualigo te we bidi augwaligo ena haliga sębę dwai mu iliduai dao,” wali.

Jeremaia 4:7

Te boi bidi dabe augwa bulu tagalama asali, te laiongo aga geme dualaluali pesage taga soabo tiwai yali. Augwali te tǫ kantri hauwa dolobo bidi dabe da, te augwali asiyu, dagego tǫ kantri dolagasaibao. Te dagego taun dabe mu dolaibao, tama te taun dabede te bidi me bidigobeo. Ena Genuai Bidigo eno te po wai dao.”

Aisaia 64:10

Te nago tedali gasagi yai taun dabe te olo bulu dwai tǫ pesage tiwai elalubao, te Jerusalem me mu dolama, tede bidi me bidibeo.

Aisaia 37:26

“‘Senakerip, nago konebeo, te polobadu digi eno te sę ebode homu kone palama, tama nage te sę emainogo sa muyu dąį ilali. Eno nageba bomo menama, nago te bomai obo elalubo taun dolomainu yai. Te nage peyu, nago te taun dabe alubaso, te augwali degasa pelama, te masigi pesage genuai holama, tama te pobele bage hogomu genuai pesage igulali.

Aisaia 24:12

Genuai hanu sese mu tama dolali, tama agai genuai obo sunumi tulaluama, tama pebeda pali.

Aisaia 13:3

Eno Babilon dabe dali sębę mu ebao. Tama eno ena digi ena bomai ami bidi dabe dąį ilali. Tama eno augwali i olama, te Babilon dabe dolomainu i wali. Te ami bidi dabe augwali Babilon dabeba hwįgi pabo wiegi yai homu mu yali, magi baso meni, augwaligo koneani, eno te hwįbode ugwa ela holaibao,” te po wali.

Aisaia 6:11

Tama tibaso, eno aga e tama po hanalu wali, “Genuai Bidi, eno te sę ela pelama, mena sogoba usu nigi paibawe?” Tama agai po wei ponoyu, te po wali, “Te tigidali hanu dabe, me tǫ dabe, me be dabe sese dola silama, be dabe olo elalua pabo sogode. Tama bidi dabe te bede dabe bidi me bidisąma ebo sogoba usu nigi paibao.

Tuni Bidi Dabego Po Elalubo Buku Si 36:17

Tialima Genuai Bidigo te Babilon king aga ami bidi dabe dali augwaligo te Juda dabe dolomainu tagala palali. Te Babilon dabe augwaligo te Juda dabego gesi bidi te tigidali Jerusalemde ela siliyu, me te Genuai Bidi aga bede ela siliyu yali. Kingo Juda dabe hobede dwasianu me ebeo. Mu menio. Te Babilon dabe augwaligo te Juda dabe gesi bidi me gesi wegi sese tama, me monu dabe, me te mosi dabe mu yai bage pąde tama te isabo ąǫ yai bage te Genuai Bidigo te Juda dabe sese tama te Babilon kingo nogoba muani.

2 Samuel 16:11

Tama Devitgo te Abisaibolo me te gasa ofisa dabeba te tama po wai, “Odao. Te ena ogwago digi ena ela muabo homu eyu da, teda magi baso da te e Benjamin hani bidigo enaba te wado po wabode te da midigi sobawe? Genuai Bidigo digi agaba obaso, te enaba dwai po omainu homu yali bogo, tama tibaso, aga te po omainu gogola tagalao.

Te Israel me Juda Hani Sigo Tuni Bidigo Po Elalubo Buku Si 25:6

Tama tialima, te Babilon hani ami bidi dabego te king Sedekaia nogo bono dunama, tama augwaligo aga te Babilon bulu king bidi pageba odasa pali. Te tama tiali sogo, te Babilon king bidi aga te Ripla hanude bidibadi da. Te king Nebukatnesargo te king Sedekaia sulama, tama te po wali, “Te king Sedekaia, naga digi te kolesaga geda muanigo da, teda te nage dwai dene mu sao,” wali.

Jeremaia 34:2

“Ena Genuai Bidi, ena dage Israelgo God, eno te po obao, nage te king Sedekaiaba pelama, agabolo te tiwai po wao. Ena Genuai Bidi, eno te taun te Babilon kingba menama, siago ulumainogo yaibao.

Jeremaia 50:13

Ena Genuai Bidi, eno dageba haliga sębę umagi mu elama, eno te tiwai sę ilibaso, te dagego tǫ kantri dolama, tede bidi me bidigobeo. Te gasa hani bidi dabe teba pedalubo sogo, te augwaligo dage Babilonba pedelali dwai sę sulama, te augwali midigi dwai mu elama, nogo hogwayu, te wi umagi mu yaibao,” te po wali.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Te Israel me Juda Hani Sigo Tuni Bidigo Po Elalubo Buku Si 25:9

Tama agai te Genuai Bidigo tempel be me, tama me te Juda hanigo king bidigo be me, tama me te Jerusalemde bidibo genuai bidi dabego be dabe tigidali sia tulama, tama siago dela pela silali. Te Babilon hani augwaligo mu te be me tulube.

Jeremaia 2:15

Te boi bidi dabego te laiongo bomonama i wabo tiwai yai dao. Augwaligo agai taun siago deyu dolama, tede bidi me bidibeo. Te agai tǫ augwaligo te olo tǫ pesage bulu tiwai pedelai.