Jeremaia 34:20 - Godigo dwagi yai po buku

²⁰ Te augwali eno te boi bidi dabego nogoba munama, te boi bidi dabego augwali ela mueibao, tama te ba dabe me hasa dabego te augwaligo tigi tuagasaibao.

Jeremaia 34:20 Referans Kwoze

Jeremaia 7:33

Te tigi hauwa tǫde olo munalua pobadi, te ba sibigo me hasa sibi aselama, mi tuagasaibao. Tama te ba dabe me hasa dabe aselama tubadi, te sela sąyabo bidi meni yaibao.

Jeremaia 19:7

“‘Te Juda dabe me Jerusalemgo te haniani sę te bulu pesagede yabo homu elaluali, tiali goli eno te sunumi paliama, tama augwaligo te sę me egobeo. Te eno boi bidi dabe tagala palama, augwali ela mueibao. Tama eno te ba dabe, me hasa dabe aselama, te augwali tigi tuagasomainogo yaibao wai dao.

Jeremaia 16:4

“Tigidali te isaibao. Me badu te dwai gasi selama, isaibao. Te boi bidi asama, me badu ela mueibao. Te me badu nai sǫą peyu, isaibao. Tama augwalide hobedai gela olama, te augwali pubulabo bidi me elalugobeo. Menio. Augwaligo tigi dabe te tǫde yowi di munalua pabo tiwai yaibao. Tama te ba dabego me uni hasa dabego augwali tigi tuagasaibao,” wai dao.

Jeremaia 11:21

Te Anatot bidi dabego ena ela muaiba olama, enaba te tiwai po wali, “Nago te Genuai Bidigo nogide te profet po wagio,” wali. “Nago te tobage po obaso da, te dago nage ela mueibao,” wali. Tialima, Genuai Bidigo eno gedu haluasa po wali odama, agai enabolo te tiwai po wali,

Te Israel me Juda Hani Sigo Tuni Bidigo Po Elalubo Buku Deli 16:4

“Tama tialima, te nago hani bidi dabe me badu te taun tomode isibaso da, teda te augwaligo tigi te yowigo tuaibao,” wali. “Tama tialima, me badu bidi dabe te taun bulu badu isibaso da, teda augwaligo tigi te ba kemodagego tuaibao,” Godigo te Basabolo te po wali.

Jeremaia 22:25

Tama nage dolabo bidi dabeba nage mawaibao, te nago augwalide wi ebo bidi dabeba mawaibao. Te Babilon king Nebukatnesar me, aga ami bidi daliba maiabo po obao.

Jeremaia 21:7

Te ena Genuai Bidi, eno te tiwai po maobao. Hauwa we bidi te gasigo isiyu, me te hwįbode, me te nai menia siyu me isaibao. Tama nosali te enoking Nebukatnesar me aga ami bidi dabego dali, te king Sedekaia dali, aga ami ofisa dabe me, te bidaluali webidi dali, sela paibao. Te boi bidi dabego dage elainogotonalubao. Te Nebukatnesargo po obaso, te augwaligodage te bainat hwągo ela mueibao. Te agai dage homudene me isąyu, te olo tau sabo kolesaga yaiba homume egobeo. Te agai dage me deli bidimaina olama mesula tagalogobeo.’”

Te Israel me Juda Hani Sigo Tuni Bidigo Po Elalubo Buku Deli 14:11

Tialima, nago deli hani me deli e taun tomode isibaso da, teda augwaligo tigi te yowigo tuaibao. Tama tialima, te me badu bidi dabe te taun bulu badu isai baso da, te bidi tigi te ba kemodage aselama tuabuo. Ena Genuai Bidi, eno po mu walio,’” te Ahiyago te po wai.

1 Samuel 17:46

Odao. Megi e sogode naga te Genuai Bidigo nage eno nogoba mawaibao. Tama eno nage ela munama, tama nago tobolu togwaibao. Tama dago te dage Filistia ami dabe ela munama, tama augwaligo tigi dabe te ba dabeba, me te uni hasa dabeba menama, augwaligo tueibao. Te eno tama tiwai sę ebo sogo, te tigidali tǫ pedaide bidalubo we bidi augwaligo te tiwai eyu koneaibao, te da Israel dabego God, te God mu da waibao.

1 Samuel 17:44

Tama agai Devitbolo te tiwai po wali, “Nage asao, te eno nage ela munama, tama nago tigi te ba dabebolo me te uni hasa dabeba me menama, tama augwaligo tumainu yaibao,” wali.

Esekiel 32:4

Tama nage eno tǫba ugwa sana palaibao, awe, te pepeli diliba muaibao. Tama eno tigidali ba dabe, me eno tigidali bulu tǫde hasa dabe odasa aselama, nage tumainogo yaibao. Tama augwaligo haliga mu pągąna paibao.

Esekiel 29:5

Tama eno nage te sųgų dabe dali dage selama, te wa pai bulu besela sąwaibao. Tama nago tigi te tǫde pila mubadi, tama nago tigi pubulabo bidi meni yaibao. Tama eno te bulu hasa dabe, me ba dabego nago tigi tumainogo sula tagalaibao.

Jeremaia 49:37

Te augwali ela muabo boi bidi dabe subo sogo, eno te Elam dabe augwali wi mu ilaibao. Ena Genuai Bidigo, eno te dwai nai mu te Elamba pedalumainu elama, te eno haliga sębę ola mawaibao. Te bidi dabego augwaliba boi bidi ilibo sę eyu, augwali ela mumainogo yaibao, te tigidali isiboba usu naibao.

Jeremaia 44:30

Te sę te ena Genuai Bidi, eno yabo homu ebao, te e tiwai dao. Eno te Isip king Hofra te aga ela muabo boi bidigo nogoba mawaibao, te eno Juda king Sedekaiade yali tobage kolesaga tiwai yaibao. Te Babilon king Nebukatnesargo te Sedekaiade boi bidi elama, ela muainogo ebaso, te eno Nebukatnesar aga nogoba muai dao.’ Te po da, te Genuai Bidigo po dao,” Jeremaiago te po wali.

Jeremaia 38:16

Tialima, king Sedekaiago e tiwai bomo yai po me deli dąų walali, “Mu tama, te Sesemane Sogo Bidibo Genuai Bidigo nogide obao, aga te bidi da bidibo ula page bidi, eno nage me ela musiąma, te eno nage te dolainogo ebo bidi dabego nogoba me mugobeo,” wali.

Jeremaia 4:30

Jerusalem, nage dolobo sogo da, te nago magi yaibawe? Te wiegi yai mama ugwa muani tagalao, te nagade digi te golgo nigai beli au yali. Te naga gedu au ilibo tagalao. Te tobage au ebogo nage tau me sogobeo. Magi baso meni, te naga abagi dabego nage godolo homu munu ma isiąma, te nage ela muabo homu naga yaibao, te po wai dao.

Bomai Po 28:26

Dage isaibao, tama te ba dabe me bulu hasa dabe aselama, dagego tigi tuagasaibao. Tama augwali osalabo bidi mu menia saibao.

Godigo Nogi Ugwaba Sabo Tęąbi Po Wabo Buku Dabe 79:2

Augwaligo te we bidi dabe ela muyu, tama nago sę bidi dabe me ela tagalali, tama te ba dabe dali, te uni hasa dabe daligo te augwaligo tigi tualio.

Jeremaia 12:9

Eno we bidi augwali te ba me deli tiwai gilama, te ba kemodage dabego te ba bagua sagaselama, te aga dolobo sę yalio. Te uni hasa dabe me i olama, te augwali me aselama, te ba tuagasomainao,” wali.

Esekiel 23:28

“Magi baso meni. Ena God Genuai Bidi, eno te tama po nagebolo obao, te nago godolo isąma hagela homu yali bidi dabe, te nageba dwai dene mabo sę yagasomainu eno tamadi tama sula tagalaibao.

Jeremaia 39:6

Te Babilon dabego te Sedekaiago ogwa dabe me te Juda tobolu bidi dabe selama, tama augwaligo augwali te Ripla teba odasa asali. Tama te bulude Nebukatnesargo te po obaso, te Sedekaiago ogwa dabe te Sedekaiago gedude augwaligo ela muai. Tama te Juda tobolu bidi dabe me augwaligo ela muai dao.