Jeremaia 34:18 - Godigo dwagi yai po buku

¹⁸ Dagego te bomo yai po eno gedude dąų wali sogo, dagego te bomo yai po dąų wabo kolesaga wali pelama, tama dagego te bulmakau me deli elama, te pedali asegai si pedelai. Tama dage te bulmakau pedali asegai si badu tomode bilali. Tialima, nosali dage we bidi hauwago te dąų wali bomo yai po bolali. Tama tialima, eno augwali dagego te elali bulmakau yali tiwai pedelaibao.

Jeremaia 34:18 Referans Kwoze

Tigidali Nai Gagalama Nigali Side 15:10

Tialima, Abramgo te nai tigidali selama, te Yaweba sela pali. Tama Abramgo te kibu dabe te tomode si hwągo pedama, tama te nai dabe dedelage te si badu wasi sili pali. Tiali goli, te ba si da te agai elali goli, te togobeo, sese muani.

Hosea 8:1

Genuai Bidigo enabolo te po wai, “Te boi hwįmainu biugel bu wao,” wali. “Te boi bidi dabe polo aselama, te eno tǫba hwįagasaibao, te ba kemodage polo te tǫba bola dulama, te hasa bolo ela sigulubo tiwai yaibao. Magi baso meni. Eno te ena we bidi dabe dali dąų walali po te augwaligo togolama, te bolama, tama augwaligo eno bomai po sela sąwani.

Hosea 6:7

“Te we bidi dabe augwaligo te bulu Adam pesagede te wę Jordan nogelama, tama eno augwaliba te mani tǫba sabolali. Tama polo tama te eno augwali dali polobadu dąų walali po augwaligo togolama, bolai dao.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Josua 7:11

Te Israel dabe augwaligo dwai sę yalio! Hasia eno augwalibolo habu seliyu, te Jeriko hanude elalubo nai dabe me sigio po wai, tiali goli augwaligo eno po sela sąwanio. Tama eno augwalibolo te dolao po wali nai dabe meba te augwaligo salio. Augwaligo te nai dabe wi selama, tama augwaligo tibo sę elama, tama augwaligo te nai dabe te augwa nai dabe tomoba geme dualalio.

Bomai Po 17:2

“Te me sogo te dage hani we bidi me deli aga te Genuai Bidigo dagebolo mani hanude bidibo bage, agai te Genuai Bidi dago Godigo te da dali dąų walali bomai po bogi paibao, tama te ebo kolesagago da, agai agade sęgę saibao.

Polgo Po Pas Rom Dabeba Asęani 2:8

Tama mebago homugo augwade naga koneyu, tama augwaligo mu po wabo te tudiba munama, tama dolo isąwai kolesaga wali pabo dao. Teda Godigo te bidi dabe augwali dali dwai homu mu eyu, tama genuai sębę eyu yaibao. Tama tiyu agai te dwai dene mu sabo sę augwaliba wei ponaibao.

Tigidali Nai Gagalama Nigali Side 15:8

Tiali goli, Abramgo te po wai, “Te Yaweo, eno Genuai Bidi, te mena tama eno koneama, te e tǫ te eno tǫ dao po wagowe? Nago magi ilama, tama eno te tiwai koneaibawe?”