Ena Genuai Bidigo, eno te po obao, te bidigo dagalu tigidali badu habu usu sobaso, usu yaibao weyu, te bidi mego te tǫ bulali pageba mu aiya dulama, te tigidali habu badu subaso, usu yaiba obaso da, teda te sogo naga tama eno te Israel we bidi tigidali tudiba mueibao, te augwa yali dwai kolesaga wei ponoyu, tiaibao. Ena Genuai Bidigo, eno te po wai dao,” wali.
Jeremaia 33:26 - Godigo dwagi yai po buku26 Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao. Gade chapit la |
Jeremaia 33:26
17 Referans Kwoze
Tama eno te ena we bidi te tǫba munama, tama augwali te eno nigali wiegi yai gi tiwai pedelaibao. Polobadu eno ena we bidibolo te tama wali, ‘Eno Dage Godolo Me Ebeo,’ wai. Tiali goli, nosali te eno augwali godolo mu yaibao. Polobadu eno augwaliba te tiwai po wali, ‘Dage Eno Menio,’ wali. Tiali goli, nosali eno te tiwai po waibao, ‘Dage Te Ena We Bidi Mu Dao,’ waibao. Tama te augwaligo te tiwai po wei ponaibao, ‘Nage dago God mu dao,’ waibao.”
Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.
“Te eno Juda we bidi augwali te bomai we bidi pedalumainu ilama, tama eno te Israel we bidi dabe ma dobola somainu yaibao. Eno augwali hobede mu ebaso, tama eno te tigidali we bidi ma selama, te augwa page buluba ma odasa asaibao. Te eno augwali sela sąsiąwai we bidi bidibo tiwai elama, te augwali bugagia bidalueibao. Magi baso meni, ena God te augwaligo Genuai Bidi dao. Tama tiyu, eno augwaligo gedu haluasa po wabo odaibao.
Te pris dabe me, Livai dabe me, te meba we bidi te Jerusalem tomode bidali, tama pąde me bidali. Tama te musik wabo bidi dabe, me te tempel be tonalubo wasman, me te tempel bede sę ebo bidi dabe, augwali te taun te Jerusalem pąde bidigi pai. Tama te gasa Israel we bidi tigidali te augwa hanigo polobadu bidali page buluba pelama, bidigi pai dao.
Te Israel dabe hauwago te Babilon tǫ pedai tagalama, tama Jerusalemba ma pali, tama te gasa Juda pedai badu me pai, tama augwa hanigo page buluba palio. Te Israel dabe te Babilonde sesabi mu elama, bobobage sogo mu bidalio, te king Nebukatnesargo bidali sogo te Juda haniba hwįgi pelama, tama we bidi hauwa kalabus elama, tama augwali te Babilonba sela pai dao.
“Tama Jeremaia, nage dolugulama, te not badu bidibo Israel haniba i wao. Nago Genuai Bidi eno po te tiwai pusao, ‘Israel, nage da, te aga bidiba homu kęą pabo kolesaga tagalobo we da,’ wao, ‘nage enaba begasa ma asao. Ena Genuai Bidi, eno te po obao, eno nageba haliga sębę munu ma egobeo. Magi baso meni, ena te olo mu tau sabo wiegi yai homu kolesaga ebo God dao, te eno haliga sębę ebo te sesemane sogo elalua pidugobeo.
“Te we bidi augwaligo te po wabo dao, ‘Polobadu Genuai Bidigo te Israel hani me Juda hani, te hani si teaga hani da olama, dąį ilama elaluai. Tialima, megi da, agai augwali tudiba muanio.’ Te we bidi augwa te tobagepo weyu, te augwaligo eno we bidi dabe dolama, tamaaugwa homugo te eno hani we bidi hagawali homu ebodao.
Piblisite