Jeremaia 33:22 - Godigo dwagi yai po buku

²² Te bidi dabegote hǫ dabe me nambisde masigi sani nedainu ebaso, usumu me egobeo. Te tiwai naga, te eno sę bidi Devitgo hanidali, te Livai hani dabe me, te hauwa umabo pedelama, te bidigo nedabo usu egobeo,” wali.

Jeremaia 33:22 Referans Kwoze

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Hibru 11:12

Tama te bidi deli, aga monu dabe elama tama pąde isainogo yai goli, aga te wai hauwago aya pedalai. Tama augwali hauwa mu pedaludubadi geai, te dagalude elalubo hǫ dabe tiwai me, tama te tamu ąį sanede elalubo masigi sane tiwai pedaludali. Te bidigo augwali nedebo me usu egobeo.

Tigidali Nai Gagalama Nigali Side 15:5

Tama Yawego Abram buluba odasa solama, tama agabolo po bomonama weyu, te po wai, “Nago te dagalude te hǫ dabe suao. Te nago tigidali nedebo usu yaibawe? Tialima, nago wąį dabego wai dabe augwali te hǫ tiwai umabo mu pedelaibao,” wali.

Jeremaia 31:37

Ena Genuai Bidigo, eno te po obao, te bidigo dagalu tigidali badu habu usu sobaso, usu yaibao weyu, te bidi mego te tǫ bulali pageba mu aiya dulama, te tigidali habu badu subaso, usu yaiba obaso da, teda te sogo naga tama eno te Israel we bidi tigidali tudiba mueibao, te augwa yali dwai kolesaga wei ponoyu, tiaibao. Ena Genuai Bidigo, eno te po wai dao,” wali.

Aisaia 66:21

Tama te augwali meba eno te pris pedalumainu ilaibao, te meba Livai hani bidimainu yaibao,” Genuai Bidigo te po wali.

Sekaraia 12:8

Te tebo sogode Genuai Bidigo te Jerusalemde bidibo we bidi te obogo bagulubo tiwai yaibao, te boi hwįbo side mubo sabelego te tigi bea sabo tiwai gilama yaibao. Te eno augwali dąų walobaso, te boi hwįabo bomo meni yani bidi dabego me, augwali te polobadu bidali bidi king Devit tiwai bomai bidi pedelaibao. Tama te Devitgo bulali wąį nǫų dabe te nosali pedalubo hani bage te augwa polalubo bidi bidaibao, te Genuai Bidigo mobo bidi ensel tiwai, ma God aga tiwai digi bidibo tiwai yaibao.

Hosea 1:10

Te Genuai Bidigo po ma weyu, te po wai, “Te Israel dabe te nabisde masigi sani tiwai hauwa umabo ma pedelaibao, tama te augwaligo augwali te nedainu ebaso, usu egobeo. Megi da, te ena Godigo augwaliba te tiwai po wali, ‘Dage te eno hani we bidi menio,’ wali. Tiali goli, me sogo deli sogo, te eno augwaliba te po waibao, ‘Ena te sesemane bidibo ula elalubo God dao, tama dage eno wai dabe da,’ waibao.

Esekiel 44:15

“Ena God Genuai Bidi eno e tama po e obao. Te gasa Livai hani bagego te eno pris sę me egobeo. Tiali goli, te Sadok hani Livai dabego naga te pris sę emainao. Te Israel dabe augwaligo ena tudi ola mani sogo, te hani deligo naga eno be tomode sę dolo idu geai dao. Tialima, megi da, te Sadok hani deli naga ena pąba asiyu, me eno sę dabe eyu, me hasa ili dabe me kaneme dabe seselama, tama enaba ofa yagasiyu emainao.

Godigo Nogi Ugwaba Sabo Tęąbi Po Wabo Buku Dabe 89:29

Sesemane sogo te aga hani bidi me deli te king pedalu, ela piduaibao wali. Tama aga hani king me deligo te Israel dabe sesemane tonaluaibao, te dagalu ugwadu sesemane elalubo tiwai gilama yaibao.”

Godigo Nogi Ugwaba Sabo Tęąbi Po Wabo Buku Dabe 22:30

Te nosali pedalubo we bidi hani, augwaligo te agai sę yaibao. Te bidi dabego te nosali pedalubo haniba te Godide po hania pusaibao.

Tigidali Nai Gagalama Nigali Side 28:14

Te nago ogwa dabego ame nabo wai dabe augwali te tǫ hogomu tiwai hauwa umabo mu pedelaibao. Tama augwaligo te augwa tǫ sese pedai tigidali pedaiba usu elama, bidaluaibao. Tama tigidali tǫde bidalubo bidi dabe augwaligo enabolo te augwali dali dwagi yai sę yao po hanalu, te eno nage me, te nago ame nani waigo wai dabe augwali dali dwagi yai sę yali tiwai gilama dwagi yai sę yao po hanalu waibao.

Tigidali Nai Gagalama Nigali Side 13:16

Te eno nago wai puluba dabe hauwa mu te masigi sane kemi tiwai pedalumainogo ilaibao. Te bidigo te masigi kemi tigidali nedebo usu yabo homu eyu da, teda agai te nago wai puluba pedalubo tigidali te nedabo usu yaibao.

Aisaia 48:19

Te dagego wai dabe te hauwa mu, te nambis ąį masigi kemi sane tiwai pedeligi da. Te eno augwali bugagia tonalu, te augwa nogi te e tǫde mu sia sigi menigi da.,” te po wali.

Jeremaia 30:19

Tama te Israel dabego enaba buba hwi wabo tęąbi po waibao. Te augwa tęąbi weyu, wiegi yai pemene yaibao. Te eno augwali hani genuai pedalumainogo elama, te augwali dwasianu hani me bidigobeo. Tama te gasa we bidigo augwali haniba te genuai nogi momainogo elama, tama te hani dabego augwali nogi aiyaba elalumainogo me egobe dao.

Jeremaia 33:18

Tama sesemane sogo te Livai hanide te pris dabe elalu, te tobage ofa dabe enaba yaibao, te siaba tigidali uluboofa, me te wit ulubo ofa, me te gasa ofa dabe ebo sęyaibao,” wali.

Jeremaia 33:23

Genuai Bidigo te tiwai po Jeremaiabolo wali,

Esekiel 37:10

Tialima, eno Genuai Bidigo te po pusali, tama te wali te bidi tigiba dabe asali, tama augwali sese tama bidibo mobo selama, tama augwali sese tama hodalubo suali. Augwali te genuai ami bidi hani tiwai mu elaluali.

Sekaraia 2:4

Tialima namba wan enselgo namba tu enselbolo e tama po walali, “Nage te usu sabo bono string tolalubo te bidi pageba usayao, tama agabolo e tama po walao, ‘Te Jerusalemde te we bidi hauwa bidiyu, me kau kibu hauwa bidiyu yaibao. Tama te pesage genuai mu elama, tama augwaligo taun obo bagulabo usu me egobeo.

Sekaraia 10:8

“Te eno ena we bidi dabe augwali tigidali i ola bilama, te augwali sisinaibao. Te eno augwali ma dobola selama, te augwali polobadu bidali tiwai gilama hauwa mu pedelaibao.