Jeremaia 33:15 - Godigo dwagi yai po buku

¹⁵ Te sogo eno te wiegi yai bidime deli te Devitgo hanide pedelaibao, te ni nologode gesini hogodo holobo tiwai yaibao. Tama te bidigo wiegi yaidoloba pai kolesaga mu te tǫde we bidi tigidaliba yaibao.

Jeremaia 33:15 Referans Kwoze

Aisaia 4:2

Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Kraisgo Geme Dualali Sę Pedelabo Po Jonbolo Ola Mani 19:11

Te eno suali, dagalu tų genuai dawali, tama tedela yai kibu hos me deli tede bidibo eno suali. Bidi te kibu hosde dulaluali. Te bidi agai sę te we bidi po tų ebode dagaliyu da, tama agai boi bidi dabe dali wąbi hwįbaso da, teda agai te mu po dali, te wiegi yai doloba pai kolesaga dali si naga wali peyu, agai te sę si bugagia ebo dao. Tama tibaso, agai nogi si elalubao, me nogi “Godide homu kęą pai bidi.”

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

Aisaia 42:21

Genuai Bidigo te doloba pai kolesaga naga eyu, tama agai te we bidi dabe ma dobola sabo kolesaga ebode dwagi yai homu ebao. Tama tibaso, aga bomo yai po dageba mobao, te gasa bage dabego sulama, te tiwai konemainu ebao, te bomo yai po te wiegi yai mu, te mu polalubo dao.

Aisaia 9:7

Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.

Godigo Nogi Ugwaba Sabo Tęąbi Po Wabo Buku Dabe 45:7

Nago te doloba pai kolesaga wei eyu, tama nago te dwai kolesaga te wei isiąyu, hagela mu ebo dao. Tama tibaso, naga Godigo digi, agai te nage sa muyu, tama agai nago nogi ugwaba mu muyu, tama nago nogi te gasa king dabego nogi aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 45:4

Nage te genuai nogi elalu, te polalubo king dao. Nage te hosde dugulasa, tama te hwįboba pelama, tama te hwįbo bage aiyaba elaluao. Nago hwįainu da, te bidi dabego nago po te aiyaba me elalugobeo. Tama nago hwįbo te bidi dabe dolasa bilimainu tau siyu hwįani. Te nago hwįbo te bomo yai pedelaibao, tama te dwai bidi dabe nagede wi mu emainu ebo dao.

Jeremaia 17:25

teda sesemane sogo te king hani te Devitgo hanide naga pedelama, te augwali Jerusalemde king bidaibao. Tama te king dali, te ofisa bage dali, augwali te hos dabede dualama, te karisde dolalua peyu, te Jerusalem sunumidu eda asu, iba soyu iduaibao. Te sesemane sogo Jerusalemde te we bidi bidaluyu, te Juda me Jerusalem dabe te sunumidu eda iba soyu iduaibao.

Jeremaia 30:9

Te augwali ena Genuai Bidi, augwa God dologode bidaibao. Me eno te Devitgo hani bidi me deli augwaligo king nigilama, tama augwali aga dologode me bidaibao,” te po wai.

Jeremaia 50:7

Te subigila bidi hanigo augwali sulama, te augwali dolali. Tama te boi bidi dabego te tiwai po wali, ‘Te dago augwali dolabo page elalubaso, me dolobeo. Magi baso meni, augwa digi te Genuai Bidiba dwai sę yali. Genuai Bidi da, te augwali bugagia toma neyu, bidabo pesage tiwai elalubao. Te augwa wąį nǫų dabego konealubo homu dąų olama, te agai augwali tau somainogo tonaluai. Aga te augwaligo Genuai Bidi dao,’ te boi bidi dabego te po waibao,” wali.