Jeremaia 32:8 - Godigo dwagi yai po buku

⁸ Tialima, nosali Hananel te ena kalabus bidibo pesageba asali, te ami dabe bidibo madi aselama, ena suagasali, te Genuai Bidigo po wali gilama yai. Te Hananelgo enaba te tiwai hanalu wali, “Eno homugo nago eno tǫ te Anatot taunde elalubo abelao, te Benjamin hanigo tǫde elalubao, magi baso meni, nage eno ama, tama nage te tǫ abelibo polalubo bidi. Nago abelama, te naga tǫ elaluagameo,” wali. Hananel aga digi dao te po ola silibaso, eno koneai, Genuai Bidigo homugo eno te Hananelgo wabo po tiwai gilama emainogo homu yai dao.

Jeremaia 32:8 Referans Kwoze

Jeremaia 32:7

“Odao. Hananel, te nago aya aga ama Salumgo ogwa, aga nageba asaibao. Te agai nagebolo hanalu, te agai Anatot taunde elalubo tǫ abela waibao. Magi baso meni, nage da te aga pąde mu elalubo ama dao, tama nage te tǫ abelibo polalubo bidi dao,” te po wai.

Jeremaia 32:2

Te sogo te Babilon kingo ami bidi dabego te Jerusalem taun bagulubo sę yali, tama profet Jeremaia te ami dabe badu kalabus elama bidibadi, te Juda kingo genuai obo tomode bidai dao.

Jeremaia 33:1

Jeremaia kalabus elalu, te ami dabe pedai badu, te kingo genuai obo tomode bidibadi, tama Genuai Bidigo gasa po me mayu, te agabolo te tiwai po wali,

Te Israel me Juda Hani Sigo Tuni Bidigo Po Elalubo Buku Deli 22:25

Te Mikaiago Sedekaiago po te tiwai wei ponani, “Nosali te boi bidi dabe asu, te da Israel aiyaba elalubaso, te naga digi wi peyu, te be me deli habu tomoba geme dula sigi paibao. Te tebo sogo naga nago koneaibao, Genuai Bidigo digi enaba te po mobaso, eno te po pusai yabo, te homu nago yagameo,” Mikaiago te po wali.

Dwagi Yai Gesi Po Jongo Asęani 4:53

Tibaso, aga ayago koneai, do tama te sogo Jisasgo agabolo “Nago ogwa gasi silama, tama bidibadi paibao” wai dao. Agai te homu yai. Tama te bidi dali aga bede bidibo bage dali, augwaligo augwa homu tigidali Jisasba muani.

Sekaraia 11:11

Tialima te dąų walali po te sogode mu silalio. Tama te doado bage nai dabe sǫą pali bidi dabego, eno te tiwai sę ebo augwaligo sulama, te tiwai augwaligo koneyu, te Genuai Bidigo po augwaliba mani da homu yali, te eno yali sęde te tiwai sę eba homu yai dao.

Tuni Bidi Dabego Po Elalubo Buku Deli 6:60

Tama te Israel dabego te Benjamin hanigo tǫde elaluali taun meba mawai. Te taun dabego nogi e tama da, Geba, me Alemet, me Anatot. Tama augwaligo te wiegi yai nosai elalubo tǫ dali mawai. Augwaligo te 13 te tama taun tigidali te Arongo hani dabeba mawai dao.

Te Israel me Juda Hani Sigo Tuni Bidigo Po Elalubo Buku Deli 2:26

Solomongo te pris Abiatarbolo te tiwai po wali, “Nage te hanu Anatotba ma pelama, tama naga tǫba bidigi pao,” wali. “Nago te dwai sę yai elalubaso, tama nage isimainu yaibao, tiali goli te eno nage me eligobeo. Magi baso meni, polobadu nage te eno aya Devit dali bidai, tama nago te dena Genuai Bidigo te Dąų Wali Bomai Po Muani Halobage tolasa bilali. Tama Devitgo te sęgę me dwai sę hauwa tolali sogo da, teda nage aga dali bidiyu, tama nago me te sęgę dabe toliyu yai dao.” Solomongo te po wai.

Jeremaia 1:1

Te e da Jeremaiago po, te Hilkiago ogwa dao. Hilkia te pris hani dabe me deli te Anatot taunde te Benjamin hanigo tǫde bidai.

Jeremaia 32:25

Mu tama, te Babilon dabego te taun sainogo yali. Tialima, God, Genuai Bidi, naga digi te tǫ abelao obaso, eno abelali, tama te bidi dabe seselama, augwa te dąų wabo bomo yai pode nogi asęmainogo yai dao.” Ena Jeremaia eno te gedu haluasa po wai dao.

Jeremaia 37:12

Tama te sogo Jeremaiago te Jerusalem tagalainu yali, te Benjamingo hanigo tǫba pelama, te aga deli hani dabede tǫ me deli sigi pabo homu yali.

Esekiel 12:7

Genuai Bidigo po ola simini baso da, teda eno agai enabolo te po wali tiwai sę yali. Te siade eno doado bage dodolali, tama te be pio mu ebo side te eno be paialide te dedage dogali. Eno te nai me deli tolalu te dedage dogobeo. Menio. Eno nogogo naga sę yali. Tialima, ena te dogali dedagedu buluba dįą soalio. Tama te be huliainu ebo sogo, eno ena doado bage selama, te nąba munama, tolasa palio. Tama te we bidi augwaligo eno tama tebo suai dao.