Jeremaia 32:7 - Godigo dwagi yai po buku

⁷ “Odao. Hananel, te nago aya aga ama Salumgo ogwa, aga nageba asaibao. Te agai nagebolo hanalu, te agai Anatot taunde elalubo tǫ abela waibao. Magi baso meni, nage da te aga pąde mu elalubo ama dao, tama nage te tǫ abelibo polalubo bidi dao,” te po wai.

Jeremaia 32:7 Referans Kwoze

Jeremaia 1:1

Te e da Jeremaiago po, te Hilkiago ogwa dao. Hilkia te pris hani dabe me deli te Anatot taunde te Benjamin hanigo tǫde bidai.

Jeremaia 11:21

Te Anatot bidi dabego ena ela muaiba olama, enaba te tiwai po wali, “Nago te Genuai Bidigo nogide te profet po wagio,” wali. “Nago te tobage po obaso da, te dago nage ela mueibao,” wali. Tialima, Genuai Bidigo eno gedu haluasa po wali odama, agai enabolo te tiwai po wali,

Pris Sę Ebo Bomai Po 25:25

Te duga abagi me deli magi nai doado bage meni baso, te agai mone meba sabo homu elama, te gasa bidigo aga tǫ abelemainogo ebaso da, teda aga deli kanemego dolo tonalubo sę eyu aga tau sabo sę yao, agai te tǫ ma abelama te agaba ma mao.

Te Israel me Juda Hani Sigo Tuni Bidigo Po Elalubo Buku Deli 14:5

Tiali goli, te we te profetgo beba sabalisiąbadi yaide, Genuai Bidigo te profet Ahiyabolo e tama po wali, “Te king Jeroboamgo ogwa moni gasi ebao,” wali. “Tama te king Jeroboamgo we aselama, te nagebolo hanalu wagasaibao, agai wai ma usu ilaibawe, ma meniwe, po hanaluyu wagasobao. Tama te we aga te gasa we gagawai mu elama asu, nagebolo ili po mu waibao,” wali. Tama te Genuai Bidi agai te profet Ahiyabolo te king Jeroboamgo we asobode pusabo po dabe ola mani.

Israel Hanigo Namba 35:2

“Eno homugo nago Israel dabebolo te po walao homu ebao: augwaligo hanu meba geselama, tama te Livai dabebolo mao. Te nosai wiegi yai elalubo tǫ te hanu pąde elalumainao, te kau kibu dabego tuabo.

Pris Sę Ebo Bomai Po 25:49

ma aga aya sabi bidigo, ma aga deli kaneme hanigo aga ma abelao. Te aga mone sali usu yai baso da, teda aga digi abelama, te dwai sę olo ebo tagalao,” wali.

Pris Sę Ebo Bomai Po 25:34

Te Livai dabego taun sesege badu elalubo tǫ dabe, te gasa bidigo me abelamuo. Te Livai dabe augwa tǫ sesemane elalueibao,” wali.

Pris Sę Ebo Bomai Po 25:23

Genuai Bidigo te tiwai po ma wali, “Te gasa bidigo dagego tǫ abelai baso, agai sesemane sogo mu tonaludugio. Magi baso meni, te duga tǫ mu elalubeo. Te ena Genuai Bidigo tǫ elalubao, te eno dage Israel bidimainogo yali, te bidi dabego augwa tǫde te gasa tǫ kantri bidi dabe osogo bida wabo tiwai yai dao,” wali.

Jeremaia 32:6

Te Jeremaia aga po digi obao. Te ena, Jeremaia, te kalabuside bidali sogo, Genuai Bidigo enabolo te tama po wali,

Jeremaia 32:8

Tialima, nosali Hananel te ena kalabus bidibo pesageba asali, te ami dabe bidibo madi aselama, ena suagasali, te Genuai Bidigo po wali gilama yai. Te Hananelgo enaba te tiwai hanalu wali, “Eno homugo nago eno tǫ te Anatot taunde elalubo abelao, te Benjamin hanigo tǫde elalubao, magi baso meni, nage eno ama, tama nage te tǫ abelibo polalubo bidi. Nago abelama, te naga tǫ elaluagameo,” wali. Hananel aga digi dao te po ola silibaso, eno koneai, Genuai Bidigo homugo eno te Hananelgo wabo po tiwai gilama emainogo homu yai dao.

Pris Sę Ebo Bomai Po 25:24

“Te dage bidi me deligo te duga bage gasa bidigo tǫ abelebaso da, teda agai te tiwai bugagia kone palao, te nosali tǫ aga ayago ma abelemainogo ebaso da, teda aga abelemainao.