Jeremaia 32:29 - Godigo dwagi yai po buku

²⁹ te augwaligo isi nogolama, te taun siago tigidali ulaibao. Tama te isigo te we bidi ugwaba holama, augwa be pedude te wiegi yai denami ilibo ofa te tibo god Balba iduali alta isigo daibao, te gasa god dabeba te wain ofa geludali. Tama te kolesaga idualigo te we bidi augwaligo ena haliga sębę dwai mu iliduai dao,” wali.

Jeremaia 32:29 Referans Kwoze

Jeremaia 21:10

Ena Genuai Bidi, eno po dolo obao, eno te Jerusalem bugagia elalumainaohomu me egobeo. Menio. Eno te taun dolabo homu ebao. Eno te Babilon kingo te taun somainogo yaibao, te agaiaga ami dabebolo te taun isigo ula olama, tama te tauntigidali mu dolaibao,” te po wai dao.

Jeremaia 52:13

Tama agai te augwaligo Genuai Bidiba lotu wabo tempel be, me te Juda kingo be, me te Jerusalem gegunai bidi dabego be, tigidali isigo ula silali. Te genuai dila pai be me deli digi te Babilon dabego me ulubeo.

Tuni Bidi Dabego Po Elalubo Buku Si 36:19

Tama te Babilon ami bidi dabego Genuai Bidigo be sia uluyu, me kingo be me sia uluyu, me Jerusalemde genuai genuai be dabe sese tama isi ulali. Tama augwaligo te taunde tigidali wiegi wiegi yai nai dabe sese tama dolama tagaliyu, me te taungo obo aluama tagaliyu yali.

Jeremaia 44:25

Tigidali Bomo Elalubo Genuai Bidi, aga da Israelgo God dao, agai te po wali, ‘Te dage bidi dabe te duga we dabe daligo te dagego dąų wali po usu nainogo ebao. Dage te tama po dąų wali, “Dago te wiegi yai denami ebo ofa eyu, te wain gelibo ofa te Dagalu Kwin Weba yabo po dąų wali, mu tama dago te dąų wali po usu naibao.” Tialima, tegoba, dagego te po dąų weyu, te yaibao wali sę dagego iyąo,’ Genuai Bidigo dagebolo te po wali,” Jeremaiago wali.

Jeremaia 39:8

Tama Jerusalemde te Babilon ami bidi dabego te kingo be me, we bidi dabego be me, isigo ulalio. Tama augwa te Jerusalem bagulali genuai masigigo nigai obo me pebe delama, sąwai dao.

Jeremaia 7:18

Te wai pulubago nogąbo sia sisinibaso, tama te aya dabego sia nogoyu, tama ida dabego te bisket nigabo plaua begelaibao, tama augwa te bisket dabe te nogi ebo tibo god weba ofa ebao, te nogi Dagalude Kwin dao wali. Tama me, augwa te haniani godiba wain gelebo sę me ebo dao. Te tama tebo dwai kolesagade augwaligo te ena sębę ilainu ebo dao.

Matyu 22:7

Tama te tuni bidi sębę elama, tama aga te enesigi bidi me te ami bidi dabe tagala palama, augwali pelama, te sę ebo bidi dabe elali bidi dabe augwali tigidali mu ela siligi pai. Tama be me bulu dabe tigidali sia tulama ula silai.

Te We Bidi Dabego Jerusalem Hagede Gela Wali 4:11

Genuai Bidigo te Saion dali haliga sębę dwai mu yalio. Tama tibaso, agai aga dene genuai mu manio, bidigo ąį te tǫba gelebo tiwai yali. Te agai te Saion isi tulama, tama te taun sese dela silibo tiwai yalio.

Jeremaia 17:27

Tialima, dagego eno po wali me pisąma, te dagego Sabat side te eno side da olama, bodolu te side munama, tama dagego te Jerusalem tomoba te Sabat side da wali sogo te walu doado bage sesebaso da, teda eno te sunumi siago domainogo ilama, tama te sia genuai domainogo elama, te Jerusalemde elalubo genuai bomai be dabe domainogo yaibao. Tama te isi dabo polo sula sogobeo,” te po wai dao.

Te Israel me Juda Hani Sigo Tuni Bidigo Po Elalubo Buku Si 25:9

Tama agai te Genuai Bidigo tempel be me, tama me te Juda hanigo king bidigo be me, tama me te Jerusalemde bidibo genuai bidi dabego be dabe tigidali sia tulama, tama siago dela pela silali. Te Babilon hani augwaligo mu te be me tulube.

Godigo Sęba Tagala Palai Bidigo Po 10:9

Te do te bidi sela augwali pelama, te Jopa be nani pąba sabaligi pobadi, te giligade Pita te be pedu sai yai madigi teba holama, bidali, te Godibolo po wainu yali.

Hibru 3:16

Polobadu niwai we bidi augwaligo Godigo po odali goli, augwaligo hagoma eyu, te Godigo po sela sąwai dawe? Te bidi Mosesgo te Isip tǫ tagalama odasa asali we bidi tigidali augwaligo te sę yai. Augwaligo naga tama te kolesaga yai dao.

Nehemia 8:16

Tialima, te we bidi pelama, te ni nologo sigi pelama, tama sela aselama, te osogo bidabo be dabe sę yani. Mebago te augwa be ugwadu daide digi sę yani, tama mebago te augwa be obo tomode sę yani, te augwa be mesalode, tama mebago te Godigo tempel be obo banis bagulali madi sę yai, tama mebago te Wę Sabo Madi Sunumi pąde te bidi sisinibo madi pąde sę yani, tama te Efraim Sunumi pąde elalubo sisinibo madi sę yani.

Jeremaia 11:17

Ena Tigidali Bomo Elalubo Genuai Bidi dao, eno te ni bulali, tialima, megi eno te po obao, aga dolomainao. Dage Israel hani dabe me Juda hanigo te god Balba lotu weyu, te wiegi yai denami ebo ofa me ebao. Dagego te dwai kolesagago te ena haliga sębę dwai mu ilibo dao,” wali.

Jeremaia 32:3

Jeremaiago profet po te tiwai pusai, “Genuai Bidigo te tama po walio, ‘Mu tamao, te eno te Babilon kingo te taun somainogo yaibao,’ wali. ‘Te Sedekaia te Kaldia dabede, te Babilon ami dabede wi me pogobeo. Menio. Ena Genuai Bidi, te eno te Babilon kingo aga pageabi emainu elama, tama Sedekaia te Nebukatnesargo gesabidiba doligi pelama, tama Nebukatnesargo hanalubo po dabe dolo ponaibao. Tama Nebukatnesargo te Sedekaia Babilonba sela pelama, tama Sedekaia te bulude bididubadi, te eno aga homu kone ma palabo sogo dąį ilaliba usu naibao. Te dagego Babilon dabeba hwįyu da, teda dagego augwali aiyaba me elalugobeo. Ena Genuai Bidigo, eno te po wai dao.’ Agai te po wali,” Jeremaiago te po wali. King Sedekaiago te po odolama, agai te Jeremaia dali wado eyu, te tiwai po wali, “Dego nagebolo obaso, nago te tobage profet po pusaliwe?” Tama Sedekaiago Jeremaia te kalabusiba muai dao.

Jeremaia 34:2

“Ena Genuai Bidi, ena dage Israelgo God, eno te po obao, nage te king Sedekaiaba pelama, agabolo te tiwai po wao. Ena Genuai Bidi, eno te taun te Babilon kingba menama, siago ulumainogo yaibao.

Aisaia 22:1

Genuai Bidigo te Na Yabo Odogo Bulu tede na dabe pedalabo po mani. Te genuai hanu Jerusalem we bidi dabe, dagego mena homu mu eyu, dagego hai olama, wiegi yai homu ebawe? Tama dage duga be peduba hola pelama, tama hai bomona mu olama, tama te kulukulu tigidali te hanu usu nubao. Naga te bidi dabe isali da. Augwali te bomai ami bidi dabe tiwai e hwįnama, isai menio. Te boi bidi dabego augwali moni hwągo elebeo. Menio.

Jeremaia 7:17

Te nago te kolesaga augwaligo te Juda dabego taunde ebo, me te Jerusalem sunumi dabede ebo susąyu eba, agawe?

Jeremaia 30:14

Te nago polobadu abagi wali bidi hani dabe, augwaligo nage homu kegeda palama, te homu godolo me ebeo. Nago te dwai sę hauwa yali te genuai sęgę elalubao. Tama nage eno dolama, te sesena pai bidigo aga boi bidi dali ebo kolesaga tiwai yali.

Jeremaia 52:12

Te Nebukatnesar te Babilonde king 19 yia bidali, te waiya side, te a naga polua, te dei nogo si wabo te deli kibu bede naga, Nebusaradan, te Babilon king aga boi bidigo elidali weyu tonalubo bidi hani dabe augwa polalubo ofisa bidi, te Jerusalemba asali, te Babilon kingo sę tonaluagasai dao.

Esekiel 23:47

Te augwaligo te we siba masigi sąnama, te augwali si bainat hwągo enama, te augwali si isaibao. Te augwali sigo wai dabe augwaligo ela munama, te augwali sigo be tigidali isigo domainao,” wai dao.