Jeremaia 32:25 - Godigo dwagi yai po buku

²⁵ Mu tama, te Babilon dabego te taun sainogo yali. Tialima, God, Genuai Bidi, naga digi te tǫ abelao obaso, eno abelali, tama te bidi dabe seselama, augwa te dąų wabo bomo yai pode nogi asęmainogo yai dao.” Ena Jeremaia eno te gedu haluasa po wai dao.

Jeremaia 32:25 Referans Kwoze

Jeremaia 32:24

“Tibaso, te Babilon dabego te Jerusalem bagua sagaselama, te da dali hwįbo sę yai. Augwaligo te taun obo pąde tǫ du holama, te augwa tede dolalu boi hwįnama, te taun sainu yai. Te boi bidi dabe da dali hwįbaso, te da nai sǫą pelama, te dwai gasi daba pedelali. Tialima, te Babilon dabego te Jerusalem saibao. Te nago po wali sę dabe, te pedelalio, te megi nago subao.

Dwagi Yai Gesi Po Jongo Asęani 13:7

Jisasgo wei ponoyu, te po wai, “Eno ebo sę page nago megi kuna konebeo. Tialima tamadi digi te nago te sę page koneaibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 97:2

Te pǫ dabe me hulia sabogo aga mesegelebo dao, tama agai te we bidi dabe te doloba pai kolesagade tonalubao.

Godigo Nogi Ugwaba Sabo Tęąbi Po Wabo Buku Dabe 77:19

Nage wali te tamu wę tomode bilali. Nago sunumi te genuai tamu ąį tomode elaluali. Tiali goli, dago te nago sągą pasalu me susiąbo dao.

Jeremaia 32:8

Tialima, nosali Hananel te ena kalabus bidibo pesageba asali, te ami dabe bidibo madi aselama, ena suagasali, te Genuai Bidigo po wali gilama yai. Te Hananelgo enaba te tiwai hanalu wali, “Eno homugo nago eno tǫ te Anatot taunde elalubo abelao, te Benjamin hanigo tǫde elalubao, magi baso meni, nage eno ama, tama nage te tǫ abelibo polalubo bidi. Nago abelama, te naga tǫ elaluagameo,” wali. Hananel aga digi dao te po ola silibaso, eno koneai, Genuai Bidigo homugo eno te Hananelgo wabo po tiwai gilama emainogo homu yai dao.

Jeremaia 32:26

Tialima, Genuai Bidigo te tiwai po Jeremaiabolo wali,

Jeremaia 32:43

Te we bidi augwaligo te po wali, ‘Te tǫ dolama, tama tede te bidi me hasa sibi me bidisiąwai, magi baso meni, Genuai Bidigo te tǫ te Babilon dabeba mawai.’ Augwaligo te po wali. Tialima, ena Genuai Bidi, eno te po obao, nosali te Juda dabe te augwa tǫba ma bidagaselama, te augwa abeliyu, te tǫ bidibolo menama abelebo mone ma siyu yaibao.

Jeremaia 32:15

Magi baso meni, Israel God, aga te Tigidali Bomo Elalubo Genuai Bidi, agai te po wali, nosali te bidi dabego te be, me tǫ, me wain gi dabe te abelibo sę ma gagalaibao, e tǫ kantride,’ agai te po wai,” eno te po Barukbolo wali.

Jeremaia 34:17

“Te pagede, ena Genuai Bidi, eno te tama po obao. Dagego eno po wali me pisąma, te dagego te ama dabe, me abagi dabe, augwaligo dage tagalama, pomainao po wabeo. Tama tialima, odao. Ena Genuai Bidi, eno dagebolo weyu, te eno dage tagala palaiba po odubao. Awe, te dage tagala palama, isigi pagameo. Te boi bidi dabego dage ela mueibao, te dage dwai gasi selama isaibao, te dage nai me sǫą pelama, nasigo isaibao. Tama te gasa tǫ kantri we bidi dabego eno te sę dageba yali po odolama, te augwali wi elama, nogo hogwayu, midigi dwai mu yaibao.