Jeremaia 32:20 - Godigo dwagi yai po buku

²⁰ Polobadu nago genuai bomai sę dabe te tǫ kantri Isipde yai. Tama nago te tobage deli kolesaga naga te da Israel tomode idubadi, te gasa hani we bidi tigidaliba me ebao. Tama tigidali hanigo nagebolo genuai nogi mabo dao.

Jeremaia 32:20 Referans Kwoze

Nehemia 9:10

Nago te Isip king me, ofisa dabe me, te Isip we bidi dali, te augwali aiyaba elaluainu te nago gasagi yai tedali bomai sę me yai. Nago tama tiali, magi baso meni, te Isip dabego naga we bidi dabeba te dwai sę mu ebo nago suai. Te sogo nago naga bomo te tigidali we bidiba ola mawai. Tama augwaligo nageba genuai nogi mena mena asali, te megi e sogoba usu nagasobao.

Godigo Sęba Tagala Palai Bidigo Po 7:36

Moses te Isip bulu nosali taga pelama, polasa peyu, te tigidali Israel we bidi nosali aga wali asalio. Tama te Isip bulude me, te mama tamu ąį sesegede me, te bidi meni yai bulude me, tede bidi noma sabo bomai sę mu hauwa yali. E sę dabe edubadi, kibu be bidi nogo sągą sese si 40 yia silali.

Daniel 9:15

“God, te dago Genuai Bidi, te nago bomo te dabolo ola mayu, te da te bulu Isip kantride kalabus sę yali sogo, te nago da sela asali. Tama megi me, te gasa bulu tǫ kantri we bidi dabego nago te yali bomai sęde homu kone palama, tama augwaligo nageba genuai nogi mawai. Mu tama, dago dwai sę elama, tama dago dwai kolesaga hauwa yai dao.

Godigo Nogi Ugwaba Sabo Tęąbi Po Wabo Buku Dabe 135:9

Tama te Isipde agai te bidigo me isiąwai bomai sę dabe te kingba me, aga ofisa dabeba dali, te dene mawai dao.

2 Samuel 7:23

Nago da Israel te Isip dabe nogode kalabus bidibadi ma dobola selama, tama nago da te naga we bidi hani pedalumainu ilali. Tama te gasa we bidi hani te naga we bidi hani bidi da Israel tiwai me bidibawe? Mu menio. Tama nago te tobage wiegi yai genuai sę te da tau siyu, te nago we bidi da te bulu tǫ pedaiba sabolali sogo, te tobage sę dabe yai. Nago te gasa we bidi dabe ela gudulu sela sąnama, tama nago augwaligo tibo god dabe doliyu elama, tama dago augwaligo bulu tǫ sagasali. Tama tialima, te tigidali bulu tǫ pedaide bidali we bidi dabego te nageba genuai nogi mawai dao.

Ma Dobola Sali 10:2

Tama eno te sę ebaso, te dagego duga wai dabebolo, me te dagego wąįgo wai dabebolo te eno te bomai sę Isip tomode yali po weyu, tama te Isip bage augwalibolo eno te bidigo isiąbo bomai sę eyu, tama augwaligo homu kolesaga aiyaba mu elaluali. Tama dage Israel dabe tigidaligo te sę ebo koneyu, tama ena digi ena te Genuai Bidi Yawe da, te me dagego mu koneaibao,” Genuai Bidigo Mosesbolo te po wai.

Ma Dobola Sali 9:16

Tiali goli, eno nage hodolama, te tuni bidi nigiliyu, te eno genuai bomo dagebolo ola mayu, tama te we bidigo eno genuai nogi te tigidali tǫba te po pusugi pomainogo tebao.

Aisaia 63:12

Agai te aga genuai bomo te Mosesba mawai. Agai te tamu ąį si badu peda somainu elama, te aga we bidi dabe te ąį nogelama, u badu pedaiba sabolali, tama te kolesagade aga genuai nogi sali, te sesemane elalumainu yai dao.

Tuni Bidi Dabego Po Elalubo Buku Deli 17:21

Nago da Israel dabe te Isipde kalabus bidibadi ma selama, nago da te naga hani we bidi pedalumainu ilali. Tama tialima, te gasa hani bage te naga hani we bidi dabe da tiwai me elalubeo. Tama nago da tau sabo te wiegi yai genuai mu te nago we bidi dabe da te tǫ kantriba sabalubo sogo ebao. Nago te gasa hani we bidi dabe ela gudulama, te dago augwaligo tǫ sagasalio. Tama tibaso, te tigidali bulu tǫ kantrigo te nageba genuai nogi mabo dao.

Bomai Po 7:19

Dagego te Isip bulude suali, te haniani gasi koneiąo. Tama me dagego te Godigo yali te we bidi noma sabo sę, me te haniani genuai sę yali te koneiąwe. Tama dagego Godigo dage Isip bulude dobola sainogo yali te genuai bomo koneiąo. Tama tialima, Godigo dagego megi wi ebo te we bidi dabe dali me te deli tiwai sę naga yaibao. Tama agai augwali dolama, mu dola silaibao.

Bomai Po 6:22

Mu tama, dago gedude mu tama Genuai Bidigo te haniani sę, me te haniani dene te Isip hani bidi dabe, me augwa tuni bidibolo, me aga ofisa bidi dabebolo te dene mabo suai dao.

Bomai Po 4:34

God dago Genuai Bidigo da Isip bulude oda selama, da te Isip hani tomodu dįą selama, odasa asu, da aga we bidi mu pedelai dao. Te dagego gedude agai haniani sę hauwa agai genuai bomogo yai dao. Agai te Isip dabebolo genuai gasi augwalibolo mayu, me agai augwali dali hwįyu yai dao. Tama agai gasi hauwa mayu, me agai haniani bidi noma sabo sę geninama mu yali, te augwali wi ma iliyu. Tialima, te gasa god mego te tobage sę me yai dawe? Mu menio.

Ma Dobola Sali 7:3

Tiali goli, eno te tuni bidide iliyu, tama aga homu tomoba masigi sąwai bidi pedelaibao, tama agai te Arongo po odogobeo. Tama tibaso, eno genuai bomai sę hauwa te Isip tǫde yaibao.

Ma Dobola Sali 3:20

Tama tibaso, eno bidigo isiąwai bomo yai sę haniani te Isip hani augwaligo tǫde eyu, tama eno bomogo te sę augwali dali yaibao. Tama te bomo yai sę dabe elama, nosali te Isip tuni bidi agai dage pomainao, te po waibao.”

Aisaia 63:14

Te Genuai Bidigo Mobogo digi te aga we bidiba nagame yai homu mayu, te augwali toma nomainu ilali, te bulmakau dabe te nosai hauwa elaluboba pelama, nai tuyu, toma nomainu ebo tiwai yalio,” augwaligo te tiwai po wai. Genuai Bidi, nago te bomai sę dabe yali, tama te kolesagade nago te naga we bidi dabe pabo sunumi dodolali, te tigidali we bidigo nago genuai nogi me bomo konemainu yai dao.

Jeremaia 13:11

Hasia ena Genuai Bidi, eno te Israel hani me Juda hani enaba bomonama kęą pagasai elalu, te name ugwa bidigo tigide kukulu tiwai dąų olama bealubo tiwai yali. Eno tama tiali, te augwali eno we bidi hani bidiyu, te augwa eno nogi ugwaba siyu, te ena wiegi yai pemene eyu, te enaba genuai nogi momainogo yali. Tiali goli, augwaligo eno po odobo hagela homu yai dao,” wali.

Bomai Po 11:3

Tama dagego suali, Genuai Bidigo te we bidi noma sabo kolesaga me ebo suali. Tama me dagego te Isip tuni bidide me agai bulude yali, te kolesaga tigidali dagego suai dao.

Nehemia 9:11

Nago po obaso, tama te tamu ąį si badu buga selama, tama tǫ wa pai nigilai, tama te we bidi dabe te tomodu peyu, te u badu pedaiba sabolali. Tama te Isip ami dabego nago we bidi pobeasa asali, tiali goli nago te tamu ąįgo te Isip dabe augwali mesega somainu elama, tama augwali te węba masigi tiwai dulama, te augwali ela silai dao.

Daniel 6:28

Tama te Darius king bidali sogo, me te Sairus te Persia king bidali sogo me, Daniel te moni nogi yai genuai bidi mu pedelama, bidai dao.