Jeremaia 31:7 - Godigo dwagi yai po buku

⁷ Genuai Bidigo te tiwai po ma wali, “Te Jekopgo haniba wiegi yai pemene ebo tęąbi po wao, te hanigo te tigidali gasa hani dabe edelama, polalubo mu dao. Te enabolo genuai nogi mabo tęąbi weyu, te tiwai po wao, ‘Genuai Bidi, naga we bidi dabe ma sao, te me badu bidali hani Israel pedai dao,’ te po wao.

Jeremaia 31:7 Referans Kwoze

Aisaia 37:31

Te Juda we bidi dabe, te boi bidi dabego augwali dolisąwani bage, te augwali bugagia bidiyu, te hauwa pedelama, te gide wit waigo pedali tǫ aba munama, tama te nai ge hauwa walobo tiwai yaibao.

Godigo Nogi Ugwaba Sabo Tęąbi Po Wabo Buku Dabe 28:9

Genuai Bidi God, naga we bidi dabe tau siyu, tama naga te sa muani we bidi hani dabe bugagia wiegi yai ilao. Nage te augwali tonalubo bidi bidiyu, tama augwali te bidada peyu, bidada pabo sesemane sogo bugagia tonaluao.

Godigo Nogi Ugwaba Sabo Tęąbi Po Wabo Buku Dabe 14:7

Eno homugo Genuai Bidigo Saion bulu bidi me deli tagala palama, Israel we bidi ma somainogo te homu ebao. Nosali Genuai Bidigo aga hani bidi tau selama, tama augwali bugagia ma bidimainogo yaibao, tialima, Israel hani augwali homu dwagi yai emainogo. Ao. Te Jekop aga hani bage augwaligo dwagi yai homu mu yaibao.

Jeremaia 23:3

Tama ena digi eno te dwasianu elalubo sipsip hani te eno augwali sela sąwani tǫ kantride sisinaibao. Tama eno te augwali te augwa obo tomoba ma odasa asaibao. Tama augwaligo te wai hauwa ame nenama, te umabo hauwa pedelaibao.

Polgo Po Pas Rom Dabeba Asęani 11:5

Te tama megi e sogo me te hani bugai meba elalubao, Godigo te aga olo tau mabo wiegi yai kolesagago te augwali hagea siyu ma sai dao.

Polgo Po Pas Rom Dabeba Asęani 9:27

Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

Sefanaia 2:9

Mu tamao, ena Tigidali Bomo Elalubo Genuai Bidi ena bidalubao. Ena Israel dabego God, eno mu po weyu, te dąų obao. Te Moap dabe, me Amon dabe, augwali te taun Sodom de Gomora si dolali tiwai tama yaibao. Tama hae naga holama, tama augwaligo tǫ mesega saibao. Tama tamu sabo dedage dabe naga pedelama, tama te bulu dolama, te tama elaluaibao. Eno hani augwali me bidali da, te bidi dabe augwaligo augwali dali hwįnama, tama augwaligo nai dabe kegelama saibao, tama augwaligo tǫ me saibao,” te po wai.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Maika 2:12

Te Genuai Bidigo po ma weyu, te po wali, “Tialima, nosali eno te dage te sogo me bidibo tigidali Israel we bidi sisinani elalueibao. Te eno dage ma sisiniyu, te sipsip tonalubo bidigo te sipsip dabe te oboba ma sela asobo tiwai gilama yaibao,” wali. “Tama te we bidi hauwa dagego tǫde pągąnalueibao, te sipsip dabe te wiegi yai nosai tubo madi pągąnalubo tiwai yaibao,” wali.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Hosea 1:7

Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.

Esekiel 6:8

“Tiali goli, te boi bidi dabego te we bidi tigidali ela mumainogo me egobeo. Me badu we bidi bidalubadi, te eno gasa tǫ kantriba ela gudulama, tedela palaibao.

Aisaia 61:9

Te eno we bidigo bulai wąį wai dabe te gasa tǫ kantri hani we bidi tomode genuai nogi elalueibao. Te augwali subo we bidi dabe, te augwa te tiwai koneaibao, te hani dabe te eno hani dabe dao, Genuai Bidi, ena digi eno augwali wiegi yai ilaibao,” wali.

Aisaia 44:23

Dagalu, nage wiegi yai pemene elama, i wao, tama te tǫ dologode aiyadu elalubo nai dabe, dagego i waiąo. Dage bulu du dabe me, dage te genuai ni silide elalubo tigidali ni dabe, dagego wiegi yai pemene elama, i wao. Tigidali nai i wao, magi baso meni, Genuai Bidigo bomo me genuai nogi te dage Israel dabe ma sali sogo ola mawai dao.

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Godigo Nogi Ugwaba Sabo Tęąbi Po Wabo Buku Dabe 106:47

God, dena Genuai Bidi, nago da te gasa hani dabego nogode ma sao. Tama nago da te dena tǫba ma odasa asao. Tama tiyu, dago nageba homu kone paliyu, te nage tedali wiegi yai mu da, te homu elama, tama dago nago nogi ugwaba siyu, tama nageba te usu da weyu, te wiegi yai pemene dali mabo dao po wagameo.

Godigo Nogi Ugwaba Sabo Tęąbi Po Wabo Buku Dabe 69:35

Magi baso meni, Godigo te Saion we bidi dabe te boi bidi dabego nogode ma dobola selama, tama agai te Juda dabego taun ma nigaibao. Agai tama tiyu, tama te Godigo hani bage augwa te taunde bugagia bidiyu, tama te tǫ tigidali somainu yaibao.

Godigo Nogi Ugwaba Sabo Tęąbi Po Wabo Buku Dabe 67:1

God, nago te olo tau sabo wiegi yai kolesaga dabolo elama, tama daba te wiegi yai sę yao. Nago daba homu kone palama, tama da tau sao.

Bomai Po 32:43

“Te gasa bulu we bidi, dagego Godigo we bidi dali wiegi yai homu pemene eyu yao. Godigo agai we bidi elama silibo we bidi dolabo dao. Tiali goli, aga we bidigo tǫ agai gedude egesi noma yai mu ilibo dao.”

Bomai Po 28:13

Te dagego tigidali sogo eno megi dagebolo mabo te po bugagia wali peyu da, teda Godigo dage tobolu bidi pedelemainu yaibao, te tigidali we bidi hani tomode. Tama augwali te danu tiwai naga bidaibao. Tama dage polasa paibao, dage augwali nosali me biligobeo. Tama tigidali sogo dagego nai dabe hauwa mu elaluaibao, tama dage nosali nai me sǫą pogobeo.

Jeremaia 3:23

Mu tamao, te bulu du dabede penani sę ela bilibo kolesagago te da tau sabo usugobeo,” wali. “Genuai Bidi, dago God, nage deligo naga da Israel ma sobaso usu mu yaibao,” te po wai dao.

Jeremaia 20:13

Te Genuai Bidiba balia po weyu, agai nogi ugwaba saibao. Magi baso meni, agai te walu doado bage meni yai bidi dabe tau siyu, tama te dwai sę ebo bidi dabego aga aiyaba me elalugobeo.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Te We Bidi Dabego Jerusalem Hagede Gela Wali 1:1

Jerusalem da, hobede mu dao, aga te yǫya pai we me deli tiwai bidibao. Polobadu da, agai we bidi hauwa mu elaluai dao. Tiali goli, tegoba, megi da, aga olo mu te elalubao. Awe, polobadu agai gasa tǫ kantri dabe we bidi tomode genuai nogi elaluai da. Tiali goli, megi da, aga sęgę genuai elalubao, te wilawe we me tiwai dao. Polobadu aga te polalubo kwin we tiwai bidama, agai provins hauwa tonaluai dao. Tiali goli, megi da, te boi bidi dabego aga aiyaba elaluama, tama aga olo sę ebo we tiwai te bidibao.

Godigo Nogi Ugwaba Sabo Tęąbi Po Wabo Buku Dabe 126:2

Tama dago gisugu kisu selama mu wali, tama dago pemene umabo mu ebo tęąbi wali. Tama te Genuai Bidigo po konesiąbo bidi dabego te tiwai po wali, “Genuai Bidigo te genuai sę mu ebogo te Israel dabe tau sabo dao,” wali.

Aisaia 52:8

Te tonalubo bidi dabe te masigigo nigali bobobage be taua daide bidali, te Genuai Bidi te Saion badu ma asobo sueinu yali, te augwa tigidaligo te genuai pemene dali eyu, te i bomonama mu waibao.